章節 | 全民台語聖經漢羅經文 | 註釋 |
49:1 | 雅各ê遺言雅各叫伊hiahê kiáⁿ來,講:「Lín lóng聚集óa來,我beh kā lín日後所會tú ·tio̍h ê tāichì kā lín講。 | 註釋 串珠 康來昌 原文 典藏 |
49:2 | 雅各chiahê kiáⁿ,lín tio̍h聚集來聽,tio̍h聽lín老父ê話。 | 註釋 串珠 康來昌 原文 典藏 |
49:3 | 流便,你是我ê大kiáⁿ,我ê權勢,我ê氣力ê起頭,有威嚴ê特色,有權能ê特色。 | 註釋 串珠 康來昌 原文 典藏 |
49:4 | 總是,你親像水teh滾,一定bē tàng khiā頭位; 因為你peh上lín老父ê眠床,你peh上我ê床舖,你kā它òe lahsap,。 | 註釋 串珠 康來昌 字典 原文 典藏 |
49:5 | 西緬kah利未是兄弟;in ê刀劍是兇惡ê器具。 | 註釋 串珠 康來昌 字典 原文 典藏 |
49:6 | 我ê心神,你m̄ thang kah in同計謀;我ê神魂,你m̄ thang kah in ê會眾連絡。因為in起受氣,thâi死人,in lāmsám割斷牛腿ê大筋。 | 註釋 串珠 康來昌 字典 原文 典藏 |
49:7 | In ê受氣橫霸,thang咒詛;in ê怨恨殘忍,mā是thang咒詛;我beh分開in tī雅各家,kā in四散去tī以色列族。 | 註釋 串珠 康來昌 原文 典藏 |
49:8 | 偤大,你ê兄弟beh oló你;你ê手beh chhi̍h對敵ê頷頸;你ê老父ê kiáⁿ beh仆拜tī你ê面前。 | 註釋 串珠 康來昌 原文 典藏 |
49:9 | 偤大是細隻獅;我ê kiáⁿ,你掠tio̍h獵物to̍h tńg去;伊屈落,伊撐腳,親像獅,親像母ê獅,啥人敢惹伊? | 註釋 串珠 康來昌 字典 原文 典藏 |
49:10 | 權柄無離開偤大, 治理者無離開伊兩支腳ê中間,直到Si-lô(註:"Si-lô" mā thang譯做「伊ê統治者」á是「進貢ê物」。)來臨;列邦lóng ē歸伊。 | 註釋 串珠 康來昌 字典 原文 典藏 |
49:11 | 縛伊ê驢á tī葡萄樹,縛伊ê驢á-kiáⁿ tī好ê葡萄樹;用葡萄酒洗伊ê衫褲,用葡萄汁洗伊ê衫褲。 | 註釋 串珠 康來昌 字典 原文 典藏 |
49:12 | 伊ê目chiu 因為酒來紅,伊ê嘴齒因為奶來白。 | 註釋 串珠 康來昌 字典 原文 典藏 |
49:13 | 西布倫會tòa海口,會做拋船ê港口;伊ê地界ē到西頓。 | 註釋 串珠 康來昌 字典 原文 典藏 |
49:14 | 以薩迦是勇ê驢á,倒tī羊椆ê中間; | 註釋 串珠 康來昌 字典 原文 典藏 |
49:15 | 伊看安靜做好,看土地做súi;擔用肩胛頭擔teh,成做勞苦ê奴僕。 | 註釋 串珠 康來昌 原文 典藏 |
49:16 | 但會判斷伊ê人民,親像以色列支族ê一个。 | 註釋 串珠 康來昌 原文 典藏 |
49:17 | 但會做路裡ê蛇,路中ê毒蛇;咬傷馬蹄,騎ê人hiàⁿ tùi後面落去。 | 註釋 串珠 康來昌 字典 原文 典藏 |
49:18 | 上主ah,我有teh thèng候祢ê拯救。 | 註釋 串珠 康來昌 原文 典藏 |
49:19 | 迦得ē hō͘軍隊追逼;總是,伊beh追逼in ê腳後teⁿ。 | 註釋 串珠 康來昌 原文 典藏 |
49:20 | 亞設ē出好ê米糧,koh出王所食ê好物。 | 註釋 串珠 康來昌 字典 原文 典藏 |
49:21 | 拿弗他利是tháu放ê鹿母,出好聽ê話。 | 註釋 串珠 康來昌 字典 原文 典藏 |
49:22 | 約瑟是gâu結果子ê樹枝, 伊ê樹枝伸出牆外。 | 註釋 串珠 康來昌 字典 原文 典藏 |
49:23 | 射箭ê人kā伊大傷害,用箭kā伊射,kā伊迫害。 | 註釋 串珠 康來昌 字典 原文 典藏 |
49:24 | 總是,伊ê弓猶原ân,伊ê手mā得tio̍h氣力;這是因為雅各ê全能ê ê手,(to̍h是以色列ê牧者,以色列ê石磐), | 註釋 串珠 康來昌 字典 原文 典藏 |
49:25 | mā因為你ê父ê上帝,祂ē幫贊你;koh因為hitê全能ê,祂ē kā你賜福;祂ē kā天頂降落ê福氣,深淵所khǹg ê福氣,以及食奶生產ê福氣,lóng hō͘你。 | 註釋 串珠 康來昌 原文 典藏 |
49:26 | 你ê老父所祝ê福氣,贏過我ê老父kah阿公所祝ê福氣,直到永世代ê山嶺極頭ê邊界。Chiahê福氣ē降落tī約瑟ê頭殼,臨到兄弟中siōng特別ê頭殼頂。 | 註釋 串珠 康來昌 原文 典藏 |
49:27 | 便雅憫是兇猛ê豺狼; 早起時,食伊所掠tio̍h ·ê, ê-hng時,分伊所搶tio̍h ·ê。 | 註釋 串珠 康來昌 字典 原文 典藏 |
49:28 | 這一切是以色列ê十二支族,這mā是in ê老父對in所講ê話;kā in所祝福ê,lóng是照ta̍k人ê福份kā in祝福。 | 註釋 串珠 康來昌 原文 典藏 |
49:29 | 雅各ê死亡kah埋葬雅各koh kā in吩咐講:「我beh tńg去我ê祖先hia,lín tio̍h kā我埋葬tī赫人以弗崙田裡ê穴,kah我ê老父kah阿公siâng所在, | 註釋 串珠 康來昌 原文 典藏 |
49:30 | to̍h是tī迦南地幔利ê頭前,麥比拉田裡ê穴,hitê穴kah田是亞伯拉罕tùi赫人以弗崙買來做產業kah做墓地ê。 | 註釋 串珠 康來昌 字典 原文 典藏 |
49:31 | In tī hia埋葬亞伯拉罕kah伊ê bó͘撒拉,koh tī hia埋葬以撒kah伊ê bó͘利百加,我mā tī hia埋葬利亞。 | 註釋 串珠 康來昌 原文 典藏 |
49:32 | Hit坵田kah hit內面ê穴,是tùi赫人買來ê。」 | 註釋 串珠 康來昌 原文 典藏 |
49:33 | 雅各吩咐伊hiahê kiáⁿ了後,腳kiu去眠床頂,to̍h斷氣,tńg去伊ê祖先hia。 | 註釋 串珠 康來昌 字典 原文 典藏 |