章節 | 全民台語聖經漢羅經文 | 註釋 |
39:1 | 落難ê人ê懺悔(大衛ê詩,交hō͘樂官耶杜頓。)我bat講:「我ē謹慎我ê言行,我ê舌chiah免得犯罪;pháiⁿ人tī我面前ê時,我ē親像用馬咬韁來約束我ê嘴。 | 註釋 串珠 康來昌 原文 典藏 |
39:2 | 我恬恬無出聲,連好話mā無講出嘴。我ê憂悶就加添。 | 註釋 串珠 康來昌 字典 原文 典藏 |
39:3 | 我ê心tī我ê內面熱phut-phut。我恬恬想ê時,火就to̍h起來,我to̍h用舌來講。 | 註釋 串珠 康來昌 原文 典藏 |
39:4 | 上主ah,求祢hō͘我知我本身ê結局!我年歲有gōa chē?Hō͘我知我ê軟弱到啥物程度! | 註釋 串珠 康來昌 原文 典藏 |
39:5 | 祢hō͘我ê日子親像一巴掌長;我一生ê年歲在祢看起來kahná是無。人khiā tī世間只不過是空空。[Sè-la̍h] | 註釋 串珠 康來昌 原文 典藏 |
39:6 | 世間人teh活親像影。In無閒chhih-chhih實在是無chhái工;伊所積聚ê,m̄知將來ē hō͘啥人得去。 | 註釋 串珠 康來昌 字典 原文 典藏 |
39:7 | 主ah,我taⁿ tio̍h thèng候啥物?我ê ǹg望是在tī祢! | 註釋 串珠 康來昌 原文 典藏 |
39:8 | 求祢救我脫離我一切ê過失,m̄ thang hō͘我受tio̍h戇人ê凌辱。 | 註釋 串珠 康來昌 原文 典藏 |
39:9 | 我恬恬無開嘴,因為這是祢做ê。 | 註釋 串珠 康來昌 原文 典藏 |
39:10 | 祢所降ê責罰,求祢kā我除去;因為祢ê手ê督責,我teh beh hông消滅。 | 註釋 串珠 康來昌 原文 典藏 |
39:11 | 祢因為人ê罪惡kā伊警戒ê時,hō͘伊所意愛ê消滅,親像tio̍h蛀蟲灰去;世間人真正是空空。 [Sè-la̍h] | 註釋 串珠 康來昌 原文 典藏 |
39:12 | 上主ah,求祢聽我ê祈禱,àⁿ耳孔聽我ê求叫!我流目屎,求祢m̄ thang無出聲!我tī祢ê面前是一个出外人,kah我ê祖先仝款是寄腳ê。 | 註釋 串珠 康來昌 字典 原文 典藏 |
39:13 | 求祢寬容我,hō͘我tī iáu未死chìn前thang得tio̍h歡喜快樂。 | 註釋 串珠 康來昌 原文 典藏 |