章節 | 全民台語聖經漢羅經文 | 註釋 |
28:1 | 頌讚智慧出銀有它ê礦,所鍛鍊ê金mā有它ê所在teh出。 | 註釋 串珠 原文 典藏 |
28:2 | 鐵是tùi地裡取出來,銅是tùi石礦鎔出來。 | 註釋 串珠 原文 典藏 |
28:3 | 人消滅hitê烏暗,chhōe到盡底;有烏暗kah死蔭ê石礦中。 | 註釋 串珠 原文 典藏 |
28:4 | 伊離開人寄腳ê所在去開穴,行tī hit頂面ê人無想tio̍h伊;in離開人soah墜落去穴中,hàiⁿ來hàiⁿ去。 | 註釋 串珠 原文 典藏 |
28:5 | 講tio̍h地,米糧tùi hia出;它ê下底親像hō͘火kā它péng起來。 | 註釋 串珠 字典 原文 典藏 |
28:6 | 地ê石礦中有藍寶石,它mā有金沙。 | 註釋 串珠 原文 典藏 |
28:7 | Hit條路鷹鳥m̄ bat;小鷹ê目chiu mā無看tio̍h。 | 註釋 串珠 字典 原文 典藏 |
28:8 | 惡獸m̄ bat踏tio̍h它,猛獅mā m̄ bat tùi hia經過。 | 註釋 串珠 字典 原文 典藏 |
28:9 | 上帝伸手phah tēng石,tùi山ê根基kā它péng起來。 | 註釋 串珠 原文 典藏 |
28:10 | 祂tī石頭中開溝,親目看tio̍h ta̍k種ê寶物。 | 註釋 串珠 原文 典藏 |
28:11 | 祂kā水塞密hō͘它bē滴落來;koh the̍h出隱密ê物來hō͘伊見tio̍h光。 | 註釋 串珠 原文 典藏 |
28:12 | 總是,tùi tó位ē tàng chhōe tio̍h智慧?聰明ê所在tī tó位? | 註釋 串珠 原文 典藏 |
28:13 | 智慧ê價錢無人知,tī活人ê地mā無tè chhōe。 | 註釋 串珠 原文 典藏 |
28:14 | 深淵講:無tī我chia;大海講:無kah我同在。 | 註釋 串珠 原文 典藏 |
28:15 | Bē tàng用黃金來得tio̍h它,mā bē tàng秤銀做它ê價錢。 | 註釋 串珠 字典 原文 典藏 |
28:16 | O-hui ê金bē值tio̍h它;寶貴ê碧玉kah藍寶石mā bē tàng。 | 註釋 串珠 原文 典藏 |
28:17 | 黃金kah玻璃bē比得它;純金ê器具無夠額kah它相換。 | 註釋 串珠 字典 原文 典藏 |
28:18 | 珊瑚水晶lóng無夠額thang講;因為得tio̍h智慧贏過珍珠。 | 註釋 串珠 原文 典藏 |
28:19 | 古實ê黃玉kah它bē比得;足成ê金mā不如它。 | 註釋 串珠 原文 典藏 |
28:20 | Án-ne,智慧是tùi tó位來?聰明ê所在tī tó位? | 註釋 串珠 原文 典藏 |
28:21 | 既然對所有ê活物ê目chiu 隱密;對空中ê飛鳥掩蓋。 | 註釋 串珠 字典 原文 典藏 |
28:22 | A-bat-tóng(註:希伯來文ê音讀,意思是「滅亡」。) kah死失講:阮耳孔聽tio̍h它ê風聲。 | 註釋 串珠 原文 典藏 |
28:23 | 上帝明白智慧ê路,mā知它ê所在。 | 註釋 串珠 字典 原文 典藏 |
28:24 | 因為祂鑒察到地ê極頭,遍看普天下。 | 註釋 串珠 原文 典藏 |
28:25 | 祂定tio̍h風ê輕重,koh量水ê chē少。 | 註釋 串珠 原文 典藏 |
28:26 | 祂kā雨水定tio̍h例,kā雷電定tio̍h它ê路。 | 註釋 串珠 字典 原文 典藏 |
28:27 | Hit時,祂看tio̍h智慧來kā它講明,祂kā它造成,koh kā它查察。 | 註釋 串珠 原文 典藏 |
28:28 | 祂對人講:你看,敬畏上主to̍h是智慧,離開pháiⁿ to̍h是聰明。 | 註釋 串珠 原文 典藏 |