章節 | 全民台語聖經漢羅經文 | 註釋 |
3:1 | 約伯咒詛kakī 後來,約伯開嘴,咒詛伊kakī ê日子。 | 註釋 串珠 原文 典藏 |
3:2 | 約伯開嘴講: | 註釋 串珠 原文 典藏 |
3:3 | 我出世ê日,願hitê日無去;講有懷孕chapo͘ kiáⁿ hit暝,願hitê暝mā無去。 | 註釋 串珠 原文 典藏 |
3:4 | 願hitê日變做烏暗;願上帝無tùi頂面看顧它,光mā無照它。 | 註釋 串珠 原文 典藏 |
3:5 | 願烏暗kah死蔭侵入kā它征服;願密雲停tī它ê頂面,願hō͘日變烏暗ê kā它phah驚。 | 註釋 串珠 原文 典藏 |
3:6 | 講到hit暝,願烏暗kā它搶去;願它無kah年中hiahê日同歡喜,mā無入tī hiahê月ê數額。 | 註釋 串珠 原文 典藏 |
3:7 | Ai-ah!願hit暝無有生kiáⁿ;in中間無歡喜ê聲。 | 註釋 串珠 原文 典藏 |
3:8 | 願hiahê咒詛日時ê kā它咒詛,以及hiahê ē激動海怪ê kā它咒詛。 | 註釋 串珠 字典 原文 典藏 |
3:9 | 願hit暝天phú光ê星變烏暗;願伊ǹg望天光mā bē tàng,mā無看tio̍h早起時ê天phú光; | 註釋 串珠 原文 典藏 |
3:10 | 因為無關密生我ê子宮,mā無對我ê目chiu 遮蓋患難。 | 註釋 串珠 原文 典藏 |
3:11 | 我ná ē無tī胎裡to̍h死去?Án怎出腹肚ê時無續斷氣? | 註釋 串珠 原文 典藏 |
3:12 | Ná ē有老母ê腳頭u接納我?Án怎有奶hō͘我suh? | 註釋 串珠 原文 典藏 |
3:13 | 若無ánne,我已經真安然倒teh,已經恬靜teh睏; | C註釋 註釋 串珠 原文 典藏 |
3:14 | kah地chiūⁿ列王ê謀士同在,in bat為kakī tī拋荒ê所在起造; | 註釋 串珠 原文 典藏 |
3:15 | á是kah有金ê首領同在,in bat用銀充滿in ê厝。 | C註釋 註釋 串珠 字典 原文 典藏 |
3:16 | Á是親像落胎受埋葬,我to̍h死失去;親像iáu未見tio̍h光ê嬰á。 | 註釋 串珠 原文 典藏 |
3:17 | Tī hia pháiⁿ人無koh再攪擾;tī hia厭倦ê得tio̍h安息。 | 註釋 串珠 原文 典藏 |
3:18 | Tī hia受掠ê人做伙得tio̍h安然,無聽tio̍h督工ê聲。 | 註釋 串珠 原文 典藏 |
3:19 | 序細序大lóng tī hia;奴僕脫離伊ê主人。 | 註釋 串珠 原文 典藏 |
3:20 | 受苦難ê人ná ē hō͘伊有光?心內憂苦ê人án怎hō͘伊有活命? | 註釋 串珠 原文 典藏 |
3:21 | In ǹg望死mā bē tàng死;chhōe死比掘隱密ê寶貝khah出力。 | 註釋 串珠 原文 典藏 |
3:22 | In chhōe tio̍h墳墓就快樂,歡喜到bē顧得。 | 註釋 串珠 字典 原文 典藏 |
3:23 | 人ê前途已經暗bong-bong,上帝四面圍困伊,án怎hō͘伊有光? | 註釋 串珠 字典 原文 典藏 |
3:24 | 因為我用吐氣代替食物;我大聲哮,親像大水chhèng出來。 | 註釋 串珠 字典 原文 典藏 |
3:25 | 因為我所真驚ê tāichì臨到我,我所驚惶ê到tī我。 | 註釋 串珠 原文 典藏 |
3:26 | 我bē tàng安然,bē tàng平靜,bē tàng安息,總是,有患難來。 | 註釋 串珠 原文 典藏 |