章節 | 全民台語聖經漢羅經文 | 註釋 |
2:1 | 撒旦koh再試探約伯Koh有一日,上主hiahê kiáⁿ來,khiā tī上主ê面前;撒旦mā來tī in中間,khiā tī上主ê面前。 | 註釋 串珠 原文 典藏 |
2:2 | 上主對撒旦講:「你tùi tó位來?」撒旦應上主講:「我tī地chiūⁿ行來行去,遍行tī hia,tùi hia來。」 | 註釋 串珠 原文 典藏 |
2:3 | 上主對撒旦講:「你kám有注意tio̍h我ê奴僕約伯?因為地chiūⁿ無人親像伊hiah完善koh正直,敬畏上帝,離開pháiⁿ路。你雖然激我kā伊攻擊,無緣無故kā伊破壞,伊猶原執守伊ê純全。」 | 註釋 串珠 原文 典藏 |
2:4 | 撒旦應上主講:「用皮換皮,人為tio̍h伊ê性命願意放棄伊一切ê所有。 | 註釋 串珠 字典 原文 典藏 |
2:5 | 總是,祢若伸手去kha̍p tio̍h伊ê骨kah伊ê肉,伊to̍h ē當面棄絕祢。」 | 註釋 串珠 原文 典藏 |
2:6 | 上主對撒旦講:「你看,伊tī你ê手頭,總是,你tio̍h留伊ê性命。」 | 註釋 串珠 原文 典藏 |
2:7 | 撒旦to̍h tùi上主ê面前出去,phah約伯,hō͘伊tùi腳底到頭殼頂lóng生毒瘡。 | 註釋 串珠 原文 典藏 |
2:8 | 約伯to̍h用hāu-phiaⁿ-phòe來扒身軀,坐tī火灰ê中間。 | 註釋 串珠 字典 原文 典藏 |
2:9 | 伊ê bó͘ to̍h對伊講:「你kám iáu koh執守你ê純全?Taⁿ你tio̍h棄絕上主來死!」 | 註釋 串珠 原文 典藏 |
2:10 | M̄ koh,約伯對她講:「你講話ná親像hiahê戇chabó͘人所teh講ê。是án怎lè?咱tùi上主領受福氣,kám bē tùi祂領受災禍?」Tī這一切ê tāichì,約伯並無tùi伊ê嘴來犯罪。 | 註釋 串珠 原文 典藏 |
2:11 | 約伯ê眾朋友來看伊Hit時,約伯三个朋友聽tio̍h伊tú tio̍h一切ê苦難,ta̍k个tùi in ê所在來,to̍h是提幔人以利法,書亞人Bil-tat,拿瑪人瑣法;in相約做伙來悲傷,kā伊安慰。 | 註釋 串珠 原文 典藏 |
2:12 | In遠遠gia̍h頭看,bē認得伊,to̍h大聲啼哭;ta̍k人拆裂外衫,ǹg天tī kakī ê頭殼掖土沙粉。 | 註釋 串珠 字典 原文 典藏 |
2:13 | Into̍h kah伊坐tī土腳七日七暝,無kah伊講kah一句,因為in看tio̍h伊ê痛苦真大。 | 註釋 串珠 原文 典藏 |