章節 | 全民台語聖經漢羅經文 | 註釋 |
16:1 | 偤大kah以色列交戰(王上15:17-22)亞撒王三十六年,以色列王巴沙起來攻擊偤大,起拉瑪城beh阻擋人tī偤大王亞撒hia出入。 | 註釋 串珠 原文 典藏 |
16:2 | 亞撒to̍h tùi上主ê殿kah王宮ê金庫the̍h出金銀,送hō͘ tòa tī大馬士革ê亞南王,講: | 註釋 串珠 字典 原文 典藏 |
16:3 | 「我kah你有約,親像前我ê老父kah你ê老父ánne。Taⁿ我用金銀送你,請你去廢除你kah以色列王巴沙所立ê約,hō͘伊離開我。」 | 註釋 串珠 字典 原文 典藏 |
16:4 | 便哈達遵thàn亞撒王ê話,差伊hiahê軍長去攻擊以色列ê城。In就攻破I-ióng、但kah A-bel-má-im,以及拿弗他利所有金庫ê城。 | 註釋 串珠 字典 原文 典藏 |
16:5 | 巴沙聽tioh8to̍h停工,無koh起拉瑪城。 | 註釋 串珠 原文 典藏 |
16:6 | 就ánne,亞撒王chhōa偤大群眾óa來,in to̍h搬徙巴沙所用來beh起拉瑪城ê石頭kah柴,用來起迦巴城kah米斯巴城。 | 註釋 串珠 原文 典藏 |
16:7 | 先知哈拿尼Hit時,先見哈拿尼來見偤大王亞撒,kā伊講:「因為你óa靠亞南王,無óa靠上主—你ê上帝,所以,亞南王ê軍兵脫離你ê手。 | 註釋 串珠 原文 典藏 |
16:8 | 古實人kah路比人kám m̄是大ê軍隊,有真chē戰車kah馬兵?獨獨因為你óa靠上主,祂就ē kā in交tī你ê手中。 | 註釋 串珠 字典 原文 典藏 |
16:9 | 因為上主ê目chiu tī全地看來看去,見若專心ǹg祂ê,祂to̍h ē顯明祂ê大氣力kā伊幫贊。Tī chitê tāichì,你所行是愚戇;因為ánne,以後你ē有交戰ê tāichì。」 | 註釋 串珠 原文 典藏 |
16:10 | 亞撒就受氣先見,kā伊關tī監裡,是因為伊為tio̍h chit件tāichì大受氣。Hit時,亞撒mā pháiⁿ款待人民中間幾nā个人。 | 註釋 串珠 字典 原文 典藏 |
16:11 | 亞撒統治ê結果(王上15:23-24)亞撒所行ê tāichì,tùi頭到尾lóng記tī偤大kah以色列chiahê王ê記錄。 | 註釋 串珠 字典 原文 典藏 |
16:12 | 亞撒王三十九年,伊ê腳有破病,病kah真傷重。破病ê時無求上主,獨獨去求醫生。 | 註釋 串珠 原文 典藏 |
16:13 | 亞撒做王四十一年就死,kah伊ê祖先做伙睏, | 註釋 串珠 原文 典藏 |
16:14 | 埋葬tī伊kakī ê墓,to̍h是伊tī大衛ê城為kakī 所鑿ê,hē tī眠床頂,伊ê眠床有芳香滿滿,to̍h是照調和香ê方法所造ê。人民為tio̍h伊行真chē燒祭ê禮數。 | 註釋 串珠 字典 原文 典藏 |