章節 | 全民台語聖經漢羅經文 | 註釋 |
12:1 | 埃及侵略偤大(王上14:25-28)羅波安ê國堅固,伊強盛ê時,就棄sak上主ê律法,以色列mā lóng tòe伊。 | 註釋 串珠 原文 典藏 |
12:2 | 羅波安王五年,埃及王示撒起來攻擊耶路撒冷,因為in得罪上主。 | 註釋 串珠 原文 典藏 |
12:3 | 示撒有戰車一千兩百台,馬兵六萬,koh有tòe伊tùi埃及出來ê人,to̍h是路比人、Su-ki人、古實人,chē到算bē了。 | 註釋 串珠 字典 原文 典藏 |
12:4 | 伊征服偤大堅固ê城,to̍h來到耶路撒冷。 | 註釋 串珠 字典 原文 典藏 |
12:5 | Hit時,偤大ê首領為tio̍h示撒ê緣故,聚集tī耶路撒冷,先知示瑪雅來見羅波安kah hiahê首領,kā in講:「上主ánne講:『Lín棄sak我,所以,我kā lín棄sak tī示撒ê手。』」 | 註釋 串珠 原文 典藏 |
12:6 | 就ánne,以色列hiahê首領kah王kakī 謙卑,講:「上主是公義。」 | 註釋 串珠 原文 典藏 |
12:7 | 上主看tio̍h in kakī 謙卑,上主ê話就臨到示瑪雅講:「In既然kakī 謙卑,我無beh kā in剿滅,beh hō͘ in略á得tio̍h拯救,我無beh用示撒ê手piàⁿ落我ê受氣tī耶路撒冷。 | 註釋 串珠 原文 典藏 |
12:8 | 總是,in ē做示撒ê奴僕,hō͘ in知影服事我kah服事列國有啥物分別。」 | 註釋 串珠 原文 典藏 |
12:9 | 就ánne,埃及王示撒起來攻擊耶路撒冷,搶上主殿ê寶物kah王宮ê寶物,lóng帶去,koh搶所羅門所做金ê屏牌。 | 註釋 串珠 字典 原文 典藏 |
12:10 | 羅波安王做銅ê屏牌來代替,交hō͘守王宮門ê侍衛長去顧守。 | 註釋 串珠 字典 原文 典藏 |
12:11 | 王ta̍k pái入去上主ê殿,侍衛就帶chiahê屏牌,後來,就帶倒tńg來,hē tī侍衛ê厝。 | 註釋 串珠 字典 原文 典藏 |
12:12 | 王kakī 謙卑ê時,上主ê受氣就收倒tńg,無全部kā伊消滅,而且tī偤大ê中間mā有好ê tāichì。 | 註釋 串珠 原文 典藏 |
12:13 | 羅波安統治ê記載羅波安王kakī 強盛,tī耶路撒冷做王。羅波安坐位ê時四十一歲,tī耶路撒冷,to̍h是上主tùi以色列眾支族中間所揀來安置祂ê名ê城,做王十七年。伊ê老母ê名叫做拿瑪,是亞捫人。 | 註釋 串珠 原文 典藏 |
12:14 | 羅波安行pháiⁿ,因為伊無定tio̍h意思來走chhōe上主。 | 註釋 串珠 原文 典藏 |
12:15 | 羅波安所行ê tāichì,tùi頭到尾,kám無記tī先知示瑪雅kah先見易多ê冊有關族譜ê?羅波安kah耶羅波安tiāⁿ-tiāⁿ 交戰。 | 註釋 串珠 原文 典藏 |
12:16 | 羅波安kah伊ê祖先同睏,埋葬tī大衛城。伊ê kiáⁿ亞比雅續接伊做王。 | 註釋 串珠 原文 典藏 |