章節 | 全民台語聖經漢羅經文 | 註釋 |
2:1 | 準備起聖殿(王上5:1-18)所羅門定tio̍h意思beh為上主ê名起聖殿,mā為kakī ê國起皇宮。 | 註釋 串珠 原文 典藏 |
2:2 | 所羅門to̍h揀選擔工七萬人,上山phah石ê八萬人,督工ê三千六百人。 | 註釋 串珠 字典 原文 典藏 |
2:3 | 所羅門差人去見推羅王希南,講:「你bat運柏香柴hō͘我ê老父大衛起厝來tòa,求你mā照ánne款待我。 | C註釋 註釋 串珠 字典 原文 典藏 |
2:4 | 你看,我beh為tio̍h上主—我ê上帝ê名起殿,分別做聖獻hō͘祂,thang tī祂ê面前燒芳料ê香,tiāⁿ-tiāⁿ 供給排列ê餅,ta̍k早暗、安息日、月ê初一kah上主—阮ê上帝所定tio̍h ê節期,獻燒祭。這是以色列人永遠ê例。 | 註釋 串珠 原文 典藏 |
2:5 | 我所beh起ê殿真大,因為阮ê上帝真大,贏過所有ê神明。 | 註釋 串珠 字典 原文 典藏 |
2:6 | 天kah天頂ê天尚且無夠額thang hō͘祂tòa,啥人ē為tio̍h祂起殿?我是啥物款人thang kā祂起殿?只不過是tī祂ê面前燒香niā-niā。 | 註釋 串珠 字典 原文 典藏 |
2:7 | Taⁿ求你差一个人來到我chia,to̍h是gâu做金、銀、銅、鐵,kah紫色、朱紅色、藍色ê料ê,mā手工幼tī ta̍k項雕刻ê工,thang kah hiahê kah我tī偤大耶路撒冷gâu ê師傅做伙做工,to̍h是我ê老父大衛所準備ê。 | 註釋 串珠 字典 原文 典藏 |
2:8 | Koh求你tùi黎巴嫩運柏香樹、松樹、檀香樹來到我chia,因為我知你ê奴僕gâu剉黎巴嫩ê樹。你看,我ê奴僕beh kah你ê奴僕做伙做。 | 註釋 串珠 原文 典藏 |
2:9 | Án-ne thang kā我準備真chē柴料,因為我所beh起ê殿是大koh奇妙ê。 | 註釋 串珠 字典 原文 典藏 |
2:10 | 你ê奴僕剉樹,你看,我beh hō͘ in好ê小麥二萬歌珥,大麥二萬歌珥,酒二萬罷特,油二萬罷特(註:液體ê容量單位, 等於乾物單位ê伊法)。」 | 註釋 串珠 原文 典藏 |
2:11 | 推羅王希南回phoe應所羅門講:「因為上主疼祂ê子民,to̍h設立你做in ê王。」 | 註釋 串珠 原文 典藏 |
2:12 | 希南koh講:「創造天地ê上主,以色列ê上帝,是應該oló ê!祂賞賜大衛王一个智慧ê kiáⁿ,hō͘伊有聰明gâu計謀,thang為tio̍h上主起殿koh為伊ê國起皇宮。 | 註釋 串珠 原文 典藏 |
2:13 | 「Taⁿ我差一个手工幼koh聰明ê人去,伊是我親信ê師傅戶蘭, | 註釋 串珠 字典 原文 典藏 |
2:14 | 伊是但ê支族一个chabó͘人ê kiáⁿ,伊ê老父是推羅人,伊gâu做金、銀、銅、鐵,石、柴,kah紫色、藍色、朱紅色ê幼苧布,mā ē了解ta̍k種ê雕刻,mā ē想出ta̍k種ê工。Hō͘伊kah你hiahê gâu ê師傅,以及你ê老父—我ê主大衛hiahê gâu ê師傅做伙做。 | 註釋 串珠 字典 原文 典藏 |
2:15 | Taⁿ我ê主所講ê小麥、大麥、油、酒,願ē tàng順序運來hō͘ chiahê奴僕。 | 註釋 串珠 原文 典藏 |
2:16 | 阮ē照你所需要ê tùi黎巴嫩剉樹,ká kui排浮tī海裡運來到約帕,你to̍h thang運去到耶路撒冷。」 | 註釋 串珠 原文 典藏 |
2:17 | 動工起聖殿(王上6:1-38)所羅門點算tòa tī以色列地ê出外人,照伊ê老父大衛所算ê,總共有十五萬三千六百名。 | C註釋 註釋 串珠 原文 典藏 |
2:18 | 伊hō͘七萬人做擔工,八萬人tī山裡phah石,三千六百人監督in ê做工。 | 註釋 串珠 原文 典藏 |