章節 | 全民台語聖經漢羅經文 | 註釋 |
1:1 | 所羅門王祈求智慧(王上 3:1-15)大衛ê kiáⁿ所羅門ê國位堅固,上主—伊ê上帝kah伊tāichì,hō͘伊不止大興旺。 | 註釋 串珠 原文 典藏 |
1:2 | 所羅門對以色列人民,to̍h是營長,連長,審判官,以及全以色列ê首領kah族長講話。 | 註釋 串珠 原文 典藏 |
1:3 | 所羅門kah會眾lóng去到基遍ê山頭壇,tī hia有上帝ê會幕,to̍h是上帝ê奴僕摩西tī曠野所造ê。 | 註釋 串珠 字典 原文 典藏 |
1:4 | 獨獨上帝ê櫃,大衛已經tùi基列耶琳帶它去到大衛替它準備ê所在,因為伊bat tī耶路撒冷替上帝搭布棚。 | 註釋 串珠 字典 原文 典藏 |
1:5 | 而且戶珥ê孫,烏利ê kiáⁿ比撒列所造ê銅壇mā tī hia,tī上主ê會幕前,所羅門kah會眾lóng來chia。 | 註釋 串珠 字典 原文 典藏 |
1:6 | 所羅門上到上主ê面前ê銅壇,to̍h是tī會幕hia,獻一千隻ê chengseⁿ tī hit頂面做燒祭。 | 註釋 串珠 字典 原文 典藏 |
1:7 | Hit暝,上主對所羅門托夢,kā伊講:「你ài我賞賜hō͘你啥物,你thang求。」 | 註釋 串珠 原文 典藏 |
1:8 | 所羅門對上主講:「祢bat對我ê老父大衛施大慈愛,koh hō͘我續接伊做王。 | 註釋 串珠 原文 典藏 |
1:9 | 上主—上帝ah,taⁿ求祢行祢所應允我ê老父大衛ê話,因為祢設立我做chiahê人民ê王,in親像地chiūⁿê土沙hiah chē。 | 註釋 串珠 原文 典藏 |
1:10 | 求祢賞賜我智慧kah聰明,hō͘我thang出入tī chiahê人民ê面前,因為啥人ē tàng審判祢hiah大國ê人民?」 | 註釋 串珠 原文 典藏 |
1:11 | 上帝對所羅門講:「你已經有chit款心,無求財物、好額、尊貴kah你ê對敵ê性命,mā無求kakī 長歲壽,獨獨為kakī 求智慧kah聰明,hō͘你thang審判我ê子民,to̍h是我設立你做in ê王ê, | 註釋 串珠 原文 典藏 |
1:12 | 所以,賞賜hō͘你智慧kah聰明,我mā ē賞賜hō͘你財物、好額kah尊貴。Tī你以前ê列王lóng無有ánne,tī你以後mā bē koh有ánne。」 | 註釋 串珠 原文 典藏 |
1:13 | 所羅門王ê武力kah財富(王上10:26-29)就ánne,所羅門tùi基遍山頭壇ê會幕前tńg來耶路撒冷,做王管理以色列。 | 註釋 串珠 字典 原文 典藏 |
1:14 | 所羅門聚集戰車kah馬兵,有戰車一千四百台,馬兵一萬二千名,安置tī囤車ê城,mā kah王tī耶路撒冷。 | 註釋 串珠 字典 原文 典藏 |
1:15 | 王tī耶路撒冷hō͘金銀ná親像石頭,hō͘柏香樹ná親像平原ê桑材樹,因為有真chē。 | 註釋 串珠 字典 原文 典藏 |
1:16 | 所羅門所有ê馬是tùi埃及來ê,to̍h是王ê senglí人一陣一陣照價錢買來ê。 | 註釋 串珠 字典 原文 典藏 |
1:17 | In tùi埃及買來ê車,每台價值銀六百舍客勒,馬每一隻價值一百五十舍客勒。赫人chiahê王kah亞南chiahê王,lóng tùi in經手照ánne帶出來。 | 註釋 串珠 字典 原文 典藏 |