章節 | 全民台語聖經漢羅經文 | 註釋 |
21:1 | 大衛點算以色列人ê數額(撒下24:1-25)撒旦起來ài害以色列,引誘大衛算以色列人ê數額。 | 註釋 串珠 原文 典藏 |
21:2 | 大衛kā約押kah人民中間ê首領講:「Lín去算以色列人,tùi別是巴到但,tńg來kā我講,hō͘我知in ê數額。」 | 註釋 串珠 原文 典藏 |
21:3 | 約押講:「願上主hō͘祂ê子民比現今加添百倍,我ê主—我ê王,in kám無lóng是我ê主ê人民?我ê主án怎命令chitê tāichì?án怎hō͘以色列犯罪?」 | 註釋 串珠 原文 典藏 |
21:4 | 總是,王ê話贏過約押。約押to̍h出去遍行以色列地,koh tńg來耶路撒冷。 | 註釋 串珠 原文 典藏 |
21:5 | 約押to̍h kā所算人民ê總額報告大衛:以色列人ēgia̍h刀ê有一百十萬,偤大人ēgia̍h刀ê四十七萬。 | 註釋 串珠 字典 原文 典藏 |
21:6 | 獨獨利未人kah便雅憫人伊無算在內,因為約押討厭王chitê命令。 | 註釋 串珠 原文 典藏 |
21:7 | Chitê tāichì上帝看做m̄好,就phah以色列。 | 註釋 串珠 原文 典藏 |
21:8 | 大衛對上帝講:「我行chitê tāichì,大大有罪,taⁿ求祢除去祢ê奴僕ê罪,因為我所做ê真戇。」 | 註釋 串珠 原文 典藏 |
21:9 | 上主吩咐大衛ê先見迦得,講: | 註釋 串珠 原文 典藏 |
21:10 | 「你tio̍h去kā大衛講,上主ánne講:『Taⁿ我用三項排tī你面前,你揀一項,我thang行tī你ê身上。』」 | 註釋 串珠 原文 典藏 |
21:11 | 迦得to̍h來見大衛,kā伊講:「上主ánne講:『你tio̍h kakī 揀, | 註釋 串珠 原文 典藏 |
21:12 | 看是三年ê飢荒,á是三月日tī你ê對敵ê面前tú tio̍h損害,hō͘仇敵ê刀劍jiok tio̍h你,á是三日上主ê劍,to̍h是瘟疫tī你ê國內,上主ê使者tī以色列ê全境teh毀滅。』Taⁿ你tio̍h想看,我thang用啥物話回覆差我ê。」 | 註釋 串珠 字典 原文 典藏 |
21:13 | 大衛kā迦得講:「我困迫到極,我願意陷落tī上主ê手,因為祂ê憐憫真大,我m̄願意陷落tī人ê手。」 | 註釋 串珠 原文 典藏 |
21:14 | 就ánne,上主就降瘟疫tī以色列,以色列人死ê有七萬。 | 註釋 串珠 原文 典藏 |
21:15 | 上主差一个使者來到耶路撒冷beh kā它滅掉,teh beh kā她滅掉ê時,上主看tio̍h,就改變主意,kā毀滅ê使者講:「夠額à,taⁿ thang停你ê手。」Hit時,上主ê使者khiā tī耶布斯人阿珥楠 ê稻埕。 | 註釋 串珠 字典 原文 典藏 |
21:16 | 大衛gia̍h頭看tio̍h上主ê使者khiā tī半空中,拔刀tī手裡,伸tī耶路撒冷ê頂面。大衛kah chiahê長老lóng穿麻衫,面仆tī土腳。 | 註釋 串珠 字典 原文 典藏 |
21:17 | 大衛對上帝講:「吩咐點算人民ê kám m̄是我?我犯罪行大pháiⁿ,總是,chiahê羊群kám有做啥物?求上主—我ê上帝,伸手tī我kah我ê父ê家,m̄ thang攻擊祢ê子民,降瘟疫hō͘ in。」 | 註釋 串珠 字典 原文 典藏 |
21:18 | Hit當時,上主ê使者命令迦得去kā大衛講,大衛tio̍h上去,tī耶布斯人阿珥楠 ê稻埕,kā上主起一座壇。 | 註釋 串珠 字典 原文 典藏 |
21:19 | 大衛就照迦得奉上主ê名所講ê話上去。 | 註釋 串珠 原文 典藏 |
21:20 | Hit時,阿珥楠teh phah麥,oa̍t頭看tio̍h天使,kah伊做伙hit四個kiáⁿ走去bih。 | 註釋 串珠 字典 原文 典藏 |
21:21 | 大衛來到阿珥楠 hia,阿珥楠看tio̍h大衛,to̍h tùi稻埕出來,àⁿ頭拜大衛。 | 註釋 串珠 字典 原文 典藏 |
21:22 | 大衛對阿珥楠講:「你kā chitê稻埕ê地hō͘我,hō͘我tī hia thang kā上主起一座壇,你tio̍h照足額ê價錢賣我,hō͘瘟疫soah,無害tio̍h人民。」 | 註釋 串珠 字典 原文 典藏 |
21:23 | 阿珥楠 kā大衛講:「你thang the̍h去用,願我ê主—我ê王,照你所看做好ê去行。你看,我用牛hō͘你做燒祭,用phah五穀ê器具做柴,mā用麥á做素祭,chiahê我lóng hō͘你。」 | 註釋 串珠 字典 原文 典藏 |
21:24 | 大衛王kā 阿珥楠講:「M̄是ánne,我絕對beh用足額ê價錢來買,因為我無ài the̍h你ê物hō͘上主,無ài用無開費來獻燒祭。」 | 註釋 串珠 字典 原文 典藏 |
21:25 | 就ánne,大衛為tio̍h hit塊地秤六百舍客勒ê金hō͘ 阿珥楠。 | 註釋 串珠 字典 原文 典藏 |
21:26 | 大衛tī hia kā上主起一座壇,獻燒祭kah平安祭,koh求叫上主。上主tùi天降火tī祭壇頂來kā伊應答 。 | 註釋 串珠 字典 原文 典藏 |
21:27 | 上主命令使者,伊to̍hka7刀收入去鞘內。 | 註釋 串珠 字典 原文 典藏 |
21:28 | Hit時,大衛看tio̍h上主tī耶布斯人阿珥楠 ê稻埕kā伊應答,to̍h tī hia獻祭。 | 註釋 串珠 字典 原文 典藏 |
21:29 | 因為摩西tī曠野所造上主ê會幕kah燒祭ê壇,hit時lóng tī基遍koân ê所在。 | 註釋 串珠 字典 原文 典藏 |
21:30 | 總是,大衛bē tàng上到祂ê面前來問上帝,因為伊驚上主ê使者ê刀。 | 註釋 串珠 字典 原文 典藏 |