章節 | 全民台語聖經全羅經文 | 註釋 |
10:1 | Sí-bah Lú-ông Lâi Pài-hóng( LTH 9: 1-12)Sí-bah ê lú-ông thiaⁿ tio̍h Só͘-lô-móng in-ūi Siōng-chú ê miâ só͘ tit tio̍h ê miâ-siaⁿ, i chiū lâi, beh ēng oh-tit kái-bêng ê tāichì lâi kā i chhì-thàm. | 註釋 串珠 原文 典藏 |
10:2 | I lâi-kàu Ê-lú-sa-lèm, tòe i ê lâng chin chē, ū lo̍k-tô chài phang-liāu kah n̂g-kim chin chē, mā ū pó-chio̍h. I kìⁿ Só͘-lô-móng ê sî, chiū kā sim-lāi it-chhè só͘ chûn ê kah i kóng. | 註釋 串珠 字典 原文 典藏 |
10:3 | Só͘-lô-móng chiàu i só͘ mn̄g ê lóng kā i ìn-tap, bô chi̍t hāng ông bē liáu-kái, tì-sú bē tàng kā i kóng. | 註釋 串珠 原文 典藏 |
10:4 | Sí-bah lú-ông khòaⁿ tio̍h Só͘-lô-móng it-chhè ê tì-hūi kah i só͘ khí ê chhù, | 註釋 串珠 原文 典藏 |
10:5 | Toh-téng ê chia̍h-mi̍h, jîn-sîn pâi-lia̍t teh chē, lô͘-po̍k kin-tòe ho̍k-sāi, í-ki̍p in ê saⁿ-khò͘ kah i ê chiú-chèng, koh khòaⁿ tio̍h i chiūⁿ Siōng-chú sèng-tiān ê kiā-á, chiū kiaⁿ kah hûn put hù-thé. | 註釋 串珠 字典 原文 典藏 |
10:6 | I chiū tùi ông kóng, " Góa tī pún-kok só͘ thiaⁿ tio̍h lí ê tāichì kah lí ê tì-hūi, lóng sī chin-si̍t! | 註釋 串珠 原文 典藏 |
10:7 | Chóng-.sī, góa pún-lâi m̄-sìn hiahê ōe, kàu góa lâi chhin-ba̍k khòaⁿ-.tio̍h, chiah chai lâng só͘ kā góa kóng ê iáu bô kah chi̍t-pòaⁿ. Lí ê tì-hūi kah lí ê heng-thong chhiau-kòe góa só͘ thiaⁿ-.tio̍h ê miâ-siaⁿ. | 註釋 串珠 原文 典藏 |
10:8 | Lí ê lâng ū hok-khì! Lí ê lô͘-po̍k chin ū hok-khì! In tiāⁿtiāⁿ khiā tī lí ê bīn-chêng, thiaⁿ lí ê tì-hūi. | 註釋 串珠 原文 典藏 |
10:9 | Siōng-chú — lí ê Siōng-tè sī eng-kai oló ê. I kah-ì lí, hō͘ lí chē I-su-la-el ê kok-ūi; in-ūi Siōng-chú éng-oán thiàⁿ I-su-la-el, só͘-í, siat-li̍p lí chò ông, hō͘ lí péng-kong kiâⁿ-gī. " | 註釋 串珠 字典 原文 典藏 |
10:10 | I ēng chi̍t pah tha-lan-t ê kim kah chin chē ê phang-liāu, í-ki̍p pó-chio̍h sàng ông. Í-āu só͘ sàng lâi ê phang-liāu, m̄ bat koh ū chhin-chhiūⁿ Sí-bah lú-ông sàng Só͘-lô-móng ông ê hiah chē. | 註釋 串珠 字典 原文 典藏 |
10:11 | ( Hi-lâm ê chûn-chiah tùi O͘-huil tòa kim lâi, koh tùi O͘-huil tòa chin chē tôaⁿ-hiuⁿ chhâ kah pó-chio̍h lâi. | 註釋 串珠 字典 原文 典藏 |
10:12 | Ông ēng tôaⁿ-hiuⁿ chhâ, ūi Siōng-chú ê tiān kah ông-kiong chò lân-kan, koh ūi chhiùⁿ koa ê lâng chò khîm-sek. Í-āu m̄ bat koh ū hit khoán tôaⁿ-hiuⁿ chhâ sàng-.lâi, mā bô lâng koh khòaⁿ-.tio̍h, it-ti̍t kàu kin-á-ji̍t. ) | 註釋 串珠 字典 原文 典藏 |
10:13 | Só͘-lô-móng chiàu ông ê lé, ēng mi̍h sàng Sí-bah ê lú-ông í-gōa, kiàn-nā lú-ông só͘ ài ê, só͘ kiû ê, i lóng koh sàng i. Chiū ánne, i kah i ê jîn-sîn tò tńg-khì in pún-kok. | 註釋 串珠 原文 典藏 |
10:14 | Só͘-lô-móng Ông ê Châi-hù( LTH 9: 13-29)Só͘-lô-móng ta̍k nî só͘ tit tio̍h ê kim, kiōng la̍k-pah la̍k-cha̍p-la̍k tha-lan-t. | 註釋 串珠 字典 原文 典藏 |
10:15 | Í-gōa ū lí-iû ê kah óng-lâi chò senglí ê lâng, í-ki̍p cha̍p cho̍k chiahê ông kah kok lāi chiahê siú-léng só͘ chìn-kòng ê. | 註釋 串珠 原文 典藏 |
10:16 | Só͘-lô-móng ông ēng kòe phah ê kim chò tōa pîn-pâi nn̄g pah bīn, múi bīn tōa pîn-pâi ēng kim la̍k pah si-khel; | 註釋 串珠 字典 原文 典藏 |
10:17 | koh ēng kòe phah ê kim chò pîn-pâi saⁿ pah bīn, múi bīn ēng kim saⁿ mi-nah. Ông kā i hē tī Le-ba-nòng chhiū-nâ ê chhù. | 註釋 串珠 字典 原文 典藏 |
10:18 | Ông koh ēng chhiūⁿ-gê chò chi̍t-ê tōa pó-chō, ēng sûn-kim lâi an. | 註釋 串珠 字典 原文 典藏 |
10:19 | Pó-chō ū la̍k chàn ê kiā-á, chō-ūi the ê téng-bīn sī îⁿ ê; siang pêng ū khò-chhiú, khò-chhiú piⁿ ū nn̄g chiah sai khiā-.leh. | 註釋 串珠 字典 原文 典藏 |
10:20 | Koh ū cha̍p-jī chiah sai khiā tī la̍k chàn kiā-á ê chit pêng kah hit pêng, tī pa̍t kok lóng bô chè-chō chhin-chhiūⁿ ánne ê. | 註釋 串珠 字典 原文 典藏 |
10:21 | Só͘-lô-móng ông it-chhè lim ê khì-kū lóng sī kim ê, Le-ba-nòng chhiū-nâ ê chhù it-chhè ê khì-kū mā sī sûn-kim ê, lóng bô gîn ê. Só͘-lô-móng ê nî-kan, lâng khòaⁿ gîn chò bô kè-ta̍t. | 註釋 串珠 字典 原文 典藏 |
10:22 | In-ūi ông ū Tal-si-sih ê chûn tūi kah Hi-lâm ê chûn tūi chò-hóe kòe hái, chiahê Tal-si-sih ê chûn tūi chài kim, gîn, chhiūⁿ-gê, kâu, khóng-chhiok, múi saⁿ nî tńg-lâi chi̍t pái. | 註釋 串珠 字典 原文 典藏 |
10:23 | Só͘-lô-móng ông ê hó-gia̍h kah tì-hūi iâⁿ-kòe thian-hā lia̍t ông. | 註釋 串珠 原文 典藏 |
10:24 | Thian-hā ê lâng lóng ài lâi kìⁿ Só͘-lô-móng ê bīn, thiaⁿ i ê tì-hūi, to̍h-sī Siōng-chú siúⁿ-sù tī i ê sim ê. | 註釋 串珠 原文 典藏 |
10:25 | In ta̍k-ê tòa chìn-kòng ê mi̍h, to̍h-sī gîn-khì, kim-khì, saⁿ-khò͘, kun-khì, phang-liāu, bé kah lô, ta̍k nî ū tiāⁿ tio̍h ê lē. | 註釋 串珠 字典 原文 典藏 |
10:26 | Só͘-lô-móng chū-chi̍p chiàn-chhia kah bé-peng; i ū chiàn-chhia chi̍t-chheng sì-pah tâi, bé-peng chi̍t-bān nn̄g-chheng miâ; i kā in an-tì tī hiahê tún chhia ê siâⁿ, mā kah ông chò-hóe tī Ê-lú-sa-lèm. | 註釋 串珠 字典 原文 典藏 |
10:27 | Ông tī Ê-lú-sa-lèm hō͘ gîn chhin-chhiūⁿ chio̍h-thâu, hō͘ pek-hiuⁿ chhâ chhin-chhiūⁿ pêng-goân ê sng-châi chhiū, in-ūi ū chin chē. | 註釋 串珠 字典 原文 典藏 |
10:28 | Só͘-lô-móng ê bé sī tùi Ai-gi̍p ūn-.lâi ê, sī ông ê senglí lâng, chi̍t chūn chi̍t chūn, chiàu kè-chîⁿ bé-.lâi ê. | 註釋 串珠 字典 原文 典藏 |
10:29 | Tùi Ai-gi̍p ūn-.lâi ê chhia, múi tâi kè-ta̍t gîn la̍k pah si-khel, bé múi chiah kè-ta̍t chi̍t-pah gō͘-cha̍p. Hiat lâng chiahê ông kah A-lâm chiahê ông, mā lóng tùi ông ê senglí lâng keng-chhiú, kā in ūn chhut-.lâi. | 註釋 串珠 字典 原文 典藏 |