章節 | 全民台語聖經全羅經文 | 註釋 |
23:1 | Io-siú-ah ê Ûi-giânSiōng-chú í-keng hō͘ I-su-la-el lâng an-chēng, bô kah sì-kho͘-ûi só͘-ū ê tùi-te̍k kau-chiàn, í-keng keng-kòe chin chē ji̍t, Io-siú-ah mā nî lāu, ū hòe à. | 註釋 串珠 原文 典藏 |
23:2 | Hit sî, Io-siú-ah chiū kiò I-su-la-el jîn-bîn, in ê tiúⁿ-ló kah in ê cho̍k-tiúⁿ, in ê sím-phòaⁿ-koaⁿ, in ê koaⁿ-tiúⁿ, só͘-ū ê lâng lóng lâi, tùi in kóng, " Góa í-keng hòe-siū chē nî lāu. | 註釋 串珠 原文 典藏 |
23:3 | Siōng-chú — lín ê Siōng-tè in-ūi lín ê iân-kò͘, tùi hiahê kok só͘ kiâⁿ it-chhè ê tāichì, lín ū khòaⁿ-.tio̍h, in-ūi thè lín kau-chiàn ê sī Siōng-chú — lín ê Siōng-tè. | 註釋 串珠 原文 典藏 |
23:4 | Só͘ chhun chiahê kok, í-ki̍p góa só͘ siau-bia̍t ê hiahê kok, tùi Iol-tàn hô kàu tōa hái, ǹg ji̍t lo̍h ê só͘-chāi, góa í-keng pun hō͘ lín ta̍k chi-cho̍k chò sán-gia̍p. | 註釋 串珠 原文 典藏 |
23:5 | Siōng-chú — lín ê Siōng-tè ē tùi lín ê bīn-chêng kā in kóaⁿ-cháu, mā beh tùi lín ê thâu-chêng kā in kóaⁿ-sòaⁿ, lín chiū ē tit tio̍h in ê tē chò sán-gia̍p, chiàu Siōng-chú — lín ê Siōng-tè só͘ tùi lín kóng ê. | 註釋 串珠 原文 典藏 |
23:6 | " Só͘-í, lín tio̍h tōa-tōa chòng-táⁿ, chip-siú lâi kiâⁿ Mô͘-se lu̍t-hoat ê chheh it-chhè só͘ kì-chài ê, m̄ thang lī-khui I lâi phian chó á-.sī phian iū. | 註釋 串珠 字典 原文 典藏 |
23:7 | Τī lín tiong-kan só͘ chhun hiahê kok, lín m̄ thang kah i chham-chhap, m̄ thang thê-khí in hiahê sîn-bêng ê miâ, m̄ thang hō͘ lâng kí in lâi chiùchōa, mā m̄ thang kā i ho̍k-sāi, m̄ thang kā i kūi-pài; | 註釋 串珠 原文 典藏 |
23:8 | chóng-.sī, tio̍h chiàu lín kàu kin-á-ji̍t só͘ kiâⁿ ê kah Siōng-chú — lín ê Siōng-tè kiat-liân. | 註釋 串珠 原文 典藏 |
23:9 | In-ūi Siōng-chú í-keng ēng tōa koh kiông ê kok kā in tùi lín ê bīn-chêng kóaⁿ chhut-.khì, kàu kin-á-ji̍t, lóng bô chi̍t-ê lâng ē-tàng tī lín ê bīn-chêng khiā-tiâu. | 註釋 串珠 原文 典藏 |
23:10 | Lín chi̍t-ê lâng beh kóaⁿ-tio̍k chi̍t chheng lâng, in-ūi thè lín kau-chiàn ê sī Siōng-chú — lín ê Siōng-tè, chiàu I só͘ tùi lín kóng ê. | 註釋 串珠 原文 典藏 |
23:11 | Lín tio̍h kakī tōa-tōa kín-sīn, thiàⁿ Siōng-chú — lín ê Siōng-tè. | 註釋 串珠 原文 典藏 |
23:12 | " Lín nā lio̍h-á tò-thè, kah chûn tī lín tiong-kan só͘ chhun hiahê jîn-bîn kiat-liân, kah in kiat-chhin, chò-hóe óng-lâi, | 註釋 串珠 原文 典藏 |
23:13 | Lín tio̍h khak-si̍t chai, Siōng-chú — lín ê Siōng-tè it-tēng bô beh koh kā hiahê jîn-bîn tùi lín ê bīn-chêng kóaⁿ chhut-.khì; chóng-.sī, in beh chiâⁿ-chò lín ê lô-bāng oa̍h-tauh, phah lín seng-khu ê chhê, ba̍k-chiu lāi ê chhì, it-ti̍t kàu lín tī Siōng-chú — lín ê Siōng-tè só͘ siúⁿ-sù hō͘ lín chit-ê hó ê tē bia̍t-bông. | 註釋 串珠 字典 原文 典藏 |
23:14 | " Lí khòaⁿ, góa kin-á-ji̍t beh kiâⁿ sè-kan lâng só͘ tio̍h kiâⁿ ê lō͘, lín it-sim it-ì chai-iáⁿ, Siōng-chú — lín ê Siōng-tè só͘ èng-ín sù-hok hō͘ lín ê ōe, bô chi̍t kù lo̍k-khong, lóng tī lín ê sin chiūⁿ èng-giām, kî-tiong bô lo̍k-khong kah chi̍t hāng. | 註釋 串珠 字典 原文 典藏 |
23:15 | Siōng-chú — lín ê Siōng-tè só͘ èng-ín it-chhè ê hok-khì, án-chóaⁿ lîm-kàu lín ê, Siōng-chú mā beh chiàu ánne hō͘ ta̍k chióng ê chai-hō lîm-kàu tī lín tiong-kan, it-ti̍t kàu I tī Siōng-chú — lín ê Siōng-tè só͘ siúⁿ-sù hō͘ lín chit-ê hó ê tē kā lín bia̍t-bông. | 註釋 串珠 原文 典藏 |
23:16 | Lín nā ûi-pōe Siōng-chú — lín ê Siōng-tè só͘ bēng-lēng lín ê iok, khì ho̍k-sāi pa̍t-ê sîn-bêng, kā i kūi-pài, Siōng-chú ê siū-khì chiū ē tùi lín hoat-chhut, lín ē chin kín tī I só͘ siúⁿ-sù hō͘ lín hó ê tē bia̍t-bông. " | 註釋 串珠 原文 典藏 |