章節 | 全民台語聖經全羅經文 | 註釋 |
16:1 | Ha-gal kah I-si-ma-elA-bú-lâm ê bó͘ Sa-lái bô kā i seⁿ kiáⁿ. Sa-lái ū chi̍t-ê lú-pī, miâ kiò-chò Ha-gal, sī Ai-gi̍p lâng. | 註釋 串珠 蔡茂堂 康來昌 原文 典藏 |
16:2 | Sa-lái kā A-bú-lâm kóng, " Siōng-chú kìm góa seⁿ kiáⁿ, chhiáⁿ lí kah góa ê lú-pī tâng-pâng, kiámchhái góa thang tùi i tit tio̍h gín'á. " A-bú-lâm chun-thàn Sa-lái ê ōe. | 註釋 串珠 蔡茂堂 康來昌 原文 典藏 |
16:3 | Tùi hit sî khí, A-bú-lâm ê bó͘ Sa-lái kā i ê lú-pī Ai-gi̍p lâng Ha-gal hō͘ in ang A-bú-lâm chò bó͘; hit sî, A-bú-lâm í-keng tòa Ka-nân cha̍p nî. | 註釋 串珠 蔡茂堂 康來昌 原文 典藏 |
16:4 | A-bú-lâm kah Ha-gal tâng-pâng, Ha-gal chiū hoâi-īn; i chai kakī ū sin, chiū khòaⁿ-khin chú-bó. | 註釋 串珠 蔡茂堂 康來昌 原文 典藏 |
16:5 | Sa-lái kā A-bú-lâm kóng, " Góa ê oan-óng kui tī lí. Góa kā góa ê lú-pī hē tī lí ê sim-hoâi tiong, i khòaⁿ kakī ū sin, chiū khòaⁿ-khin góa. Goān Siōng-chú tī lí góa ê tiong-kan phòaⁿ-toàn. " | 註釋 串珠 蔡茂堂 康來昌 原文 典藏 |
16:6 | A-bú-lâm tùi Sa-lái kóng, " Lí ê lú-pī tī lí ê chhiú, lí thang sûi-ì khoán-thāi i. " Sa-lái kā i khó͘-to̍k, i chiū tùi Sa-lái ê bīn-chêng tô-cháu. | 註釋 串珠 蔡茂堂 康來昌 原文 典藏 |
16:7 | Siōng-chú ê sù-chiá tī khòng-iá ê chúi-chôaⁿ piⁿ tú tio̍h Ha-gal; hit-ê chúi-chôaⁿ tī Siu-l ê lō͘-chiūⁿ. | 註釋 串珠 蔡茂堂 康來昌 字典 原文 典藏 |
16:8 | Siōng-chú ê sù-chiá tùi i kóng, " Sa-lái ê lú-pī Ha-gal, lí tùi tó-ūi lâi? Beh khì tó-ūi? " I kóng, " Góa tùi góa ê chú-bó Sa-lái ê bīn-chêng cháu chhut-.lâi. " | 註釋 串珠 蔡茂堂 康來昌 原文 典藏 |
16:9 | Siōng-chú ê sù-chiá tùi i kóng, " Lí tńg-khì lí ê chú-bó hia, khut-ho̍k tī i ê chhiú-hā. " | 註釋 串珠 蔡茂堂 康來昌 原文 典藏 |
16:10 | Siōng-chú ê sù-chiá koh tùi i kóng, " Góa ē hō͘ lí ê kiáⁿ-sun hui-siông chē, sīm-chì sǹg bē liáu. " | 註釋 串珠 蔡茂堂 康來昌 原文 典藏 |
16:11 | Siōng-chú ê sù-chiá koh tùi i kóng, " Lí taⁿ hoâi-īn, beh seⁿ chi̍t-ê kiáⁿ, tio̍h kā i hō-miâ I-si-ma-el, in-ūi Siōng-chú ū thiaⁿ tio̍h lí ê khó͘-chêng. | 註釋 串珠 蔡茂堂 康來昌 原文 典藏 |
16:12 | I chò lâng ē chhin-chhiūⁿ iá-lî, i ê chhiú ē kong-kek kûn-chiòng, kûn-chiòng ê chhiú ē kong-kek i; i ē khiā tī chèng hiaⁿ-tī ê thâu-chêng. " | 註釋 串珠 蔡茂堂 康來昌 字典 原文 典藏 |
16:13 | Ha-gal chiū kā hit ūi tùi i kóng-ōe ê Siōng-chú chheng-chò " Khòaⁿ ē tio̍h ta̍k hāng sū ê Siōng-tè ", in-ūi i kóng, " Góa kèng-jiân tī chia mā khòaⁿ tio̍h hit ūi khòaⁿ-kò͘ góa ê Siōng-tè? " | 註釋 串珠 蔡茂堂 康來昌 原文 典藏 |
16:14 | Só͘-í, chit-kháu chéⁿ ê miâ kiò-chò Be-el-la-hai-loi, to̍h-sī tī Ka-té-si kah Bel-lia̍t ê tiong-kan. | 註釋 串珠 蔡茂堂 康來昌 字典 原文 典藏 |
16:15 | Āu-lâi, Ha-gal kā A-bú-lâm seⁿ chi̍t-ê kiáⁿ; A-bú-lâm kā i ê kiáⁿ hō-miâ kiò-chò I-si-ma-el, to̍h-sī Ha-gal só͘ seⁿ ê. | 註釋 串珠 蔡茂堂 康來昌 原文 典藏 |
16:16 | Ha-gal kā A-bú-lâm seⁿ I-si-ma-el ê sî, A-bú-lâm peh-cha̍p-la̍k hòe. | 註釋 串珠 蔡茂堂 康來昌 原文 典藏 |