章節 | 全民台語聖經全羅經文 | 註釋 |
20:1 | Sa-tán Siū Khún-pa̍kJiân-āu, góa koh khòaⁿ tio̍h chi̍t-ê thiⁿ-sài tùi thiⁿ-téng lo̍h-.lâi, chhiú the̍h bô-té chhim kheⁿ ê só-sî kah chi̍t tiâu tōa tiâu thih-liān. | 註釋 串珠 盧俊義 盧俊義 字典 原文 典藏 |
20:2 | I lia̍h hit chiah liông, to̍h-sī hit bóe lāu- chôa, mā sī kiò-chò Mô͘-kúi á-.sī Sa-tán ê, ēng thih-liān kā i pa̍k chi̍t chheng nî . | 註釋 串珠 盧俊義 盧俊義 字典 原文 典藏 |
20:3 | Thiⁿ-sài kā i hiat lo̍h-khì bô-té chhim kheⁿ, koaiⁿ khí-.lâi, koh ēng hong-ìn hong khí-.lâi, hō͘ i bē tàng koh bê-he̍k lia̍t kok, it-ti̍t kàu chi̍t chheng nî móa; chit-ê kî-hān liáu-āu, i it-tēng ē chiām-sî siū tháu-pàng. | 註釋 串珠 盧俊義 盧俊義 字典 原文 典藏 |
20:4 | Sèng-kiat ê Lâng kah Ki-tok Chò-hóe Thóng-tīGóa koh khòaⁿ tio̍h kúi-nā-ê pó-chō, chē tī hit téng-bīn ê ū tit tio̍h sím-phòaⁿ ê koân-pèng; góa mā ū khòaⁿ tio̍h hiahê ūi I-é-su chò kiàn-chèng kah ūi tio̍h Siōng-tè ê tō hō͘ lâng chām-thâu ê lâng ê lêng-hûn. Chiahê lâng m̄ bat pài hit chiah béng-siù kah béng-siù ê chō-siōng, thâu-hia̍h á-.sī tī chhiú-.ni̍h mā bô siū i khàm ìn chò kì-hō. In lóng koh-oa̍h kah Ki-tok chò-hóe thóng-tī chi̍t chheng nî . | 註釋 串珠 盧俊義 盧俊義 字典 原文 典藏 |
20:5 | Che sī thâu chi̍t pái ê koh-oa̍h, kî-tha ê sí-lâng tio̍h kàu hit-ê chi̍t chheng nî kî-móa, chiah ē koh oa̍h. | 註釋 串珠 盧俊義 盧俊義 原文 典藏 |
20:6 | Tī thâu chi̍t pái koh-oa̍h ū hūn ê lâng chin ū hok-khì, in sī sèng-kiat ê lâng. Tē-jī pái ê sí-bông bô koân kā in koán-hat, in ē chò Siōng-tè kah Ki-tok ê chè-si, mā ē kah Ki-tok chò-hóe thóng-tī chi̍t chheng nî . | 註釋 串珠 盧俊義 盧俊義 原文 典藏 |
20:7 | Sa-tán Chiàn-pāiHitê chi̍t chheng nî kî-móa, Sa-tán ē siū tháu-pàng chhut-.lâi. | 註釋 串珠 盧俊義 盧俊義 字典 原文 典藏 |
20:8 | I ē chhut-khì bê-he̍k tē-chiūⁿ sì-hng ê lia̍t kok, to̍h-sī Ò͘-g kah Má-gok, kā in tiàu-chi̍p óa-lâi kau-chiàn; in ê jîn-sò͘ chē kah ná hái soa. | 註釋 串珠 盧俊義 盧俊義 原文 典藏 |
20:9 | In chiū khí-lâi tī tē-chiūⁿ, móa sì-kè khì ûi-khùn sìn-tô͘ ê iâⁿ kah Siōng-tè só͘ thiàⁿ ê siâⁿ; chiū ū hóe tùi thiⁿ kàng lo̍h-lâi kā in siau-bia̍t. | 註釋 串珠 盧俊義 盧俊義 原文 典藏 |
20:10 | Hiahê kā in bê-he̍k ê Mô͘-kúi hông hiat lo̍h-khì hóe kah liû-hông ê ô͘; hit chiah béng-siù kah ké sian-ti chá to̍h í-keng tī hia; in ē mê-ji̍t siū khó͘-to̍k, éng-oán bô soah. | 註釋 串珠 盧俊義 盧俊義 字典 原文 典藏 |
20:11 | Chòe-āu ê Sím-phòaⁿSòa lo̍h-.lâi, góa koh khòaⁿ tio̍h chi̍t-ê pe̍h-sek ê tōa pó-chō kah chē tī hit téng-bīn hit ūi. Tē kah thiⁿ tùi I ê bīn-chêng tô-cháu, cháu kah bô khòaⁿ tio̍h iáⁿ-chiah. | 註釋 串珠 盧俊義 盧俊義 字典 原文 典藏 |
20:12 | Góa koh khòaⁿ tio̍h sí-.khì ê lâng, bô-lūn tōa-sè lóng khiā tī pó-chō chêng. Kì-lio̍k ê chheh lóng hian-khui, lēng-gōa chi̍t pún oa̍h-miā-chheh mā hian-khui. Sí khì ê lâng chiàu in ê hêng-ûi, kin-kì chiahê chheh só͘ kì-chài ê lâi siū sím-phòaⁿ. | 註釋 串珠 盧俊義 盧俊義 字典 原文 典藏 |
20:13 | Hái kā lāi-bīn ê sí-lâng kau chhut-.lâi, sí-bông kah im-hú mā kā lāi-bīn ê sí-lâng kau chhut-.lâi. Ta̍k lâng chiàu in ê hêng-ûi siū sím-phòaⁿ. | 註釋 串珠 盧俊義 盧俊義 原文 典藏 |
20:14 | Jiân-āu, sí-bông kah im-hú mā siū hiat lo̍h-khì hóe-ô͘, chit-ê hóe-ô͘ to̍h-sī tē-jī pái ê sí. | 註釋 串珠 盧俊義 盧俊義 原文 典藏 |
20:15 | Miâ bô kì-chài tī oa̍h-miā-chheh ê lâng, mā lóng siū hiat lo̍h-khì hóe-ô͘. | 註釋 串珠 盧俊義 盧俊義 字典 原文 典藏 |