章節 | 全民台語聖經全羅經文 | 註釋 |
6:1 | Thiah-khui Thâu La̍k-ê Hong-ìnIûⁿ-ko khui chhit-ê hong-ìn tiong-kan ê chi̍t-ê ê sî, góa teh khòaⁿ, ū thiaⁿ tio̍h sì chiah oa̍h-mi̍h ê chi̍t chiah, ēng ná chhin-chhiūⁿ lûi ê siaⁿ kóng, " Lâi! " | 註釋 串珠 盧俊義 盧俊義 字典 原文 典藏 |
6:2 | Góa chi̍t ē khòaⁿ, chiū khòaⁿ tio̍h chi̍t chiah pe̍h bé, khiâ bé ê lâng gia̍h kiong, mā ū niá-siū bián-liû, chhut-hoat cheng-chiàn, tek-sèng koh-chài tek-sèng. | 註釋 串珠 盧俊義 盧俊義 字典 原文 典藏 |
6:3 | Iûⁿ-ko thiah-khui tē-jī-ê hong-ìn ê sî, góa thiaⁿ tio̍h tē-jī chiah oa̍h-mi̍h kóng, " Lâi! " | 註釋 串珠 盧俊義 盧俊義 字典 原文 典藏 |
6:4 | Hit sî, koh ū chi̍t chiah chhiah-sek ê bé chhut-.lâi, khiâ bé ê lâng ū niá-siū koân-pèng, thang tùi tē-chiūⁿ chhiúⁿ-toa̍t hô-pêng, hō͘ jîn-lūi hō͘-siong sat-hāi; i koh ū niá-siū chi̍t ki tōa ki kiàm. | 註釋 串珠 盧俊義 盧俊義 字典 原文 典藏 |
6:5 | Iûⁿ-ko thiah-khui tē-saⁿ-ê hong-ìn ê sî, góa thiaⁿ tio̍h tē-saⁿ chiah oa̍h-mi̍h kóng, " Lâi! " Góa chi̍t ē khòaⁿ, chiū khòaⁿ tio̍h chi̍t chiah o͘ bé, khiâ bé ê lâng chhiú the̍h chhìn-á. | 註釋 串珠 盧俊義 盧俊義 字典 原文 典藏 |
6:6 | Góa thiaⁿ tio̍h kahná ū siaⁿ tùi sì chiah oa̍h-mi̍h ê tiong-kan hoat-chhut, kóng, " Chi̍t kang ê kang-chîⁿ kantaⁿ ē-tàng bé chi̍t kong-seng ê sió-be̍h, nā-sī tōa-be̍h ē-tàng bé saⁿ kong-seng. Iû kah chiú m̄ thang phahsńg. " | 註釋 串珠 盧俊義 盧俊義 字典 原文 典藏 |
6:7 | Iûⁿ-ko thiah-khui tē-sì-ê hong-ìn ê sî, góa thiaⁿ tio̍h tē-sì chiah oa̍h-mi̍h kóng, " Lâi! " | 註釋 串珠 盧俊義 盧俊義 字典 原文 典藏 |
6:8 | Góa chi̍t ē khòaⁿ, chiū khòaⁿ tio̍h chi̍t chiah hóe-hu-sek ê bé, khiâ bé ê lâng miâ kiò-chò sí-bông, im-hú tòe tī i ê āu-bīn. I ū niá-siū koân-pèng, thang tī-lí tē-chiūⁿ ê sì-hūn chi-it, ēng to-kiàm, ki-hng, un-e̍k kah tē-chiūⁿ ê iá-siù, lâi sat-hāi lâng lūi. | 註釋 串珠 盧俊義 盧俊義 字典 原文 典藏 |
6:9 | Iûⁿ-ko thiah-khui tē-gō͘-ê hong-ìn ê sî, góa khòaⁿ tio̍h chè-tôaⁿ ē-bīn, ū ūi tio̍h Siōng-tè ê tō-lí kah tiong-si̍t chò kiàn-chèng lâi siū sat-hāi hiahê lâng ê lêng-hûn. | 註釋 串珠 盧俊義 盧俊義 字典 原文 典藏 |
6:10 | In tōa-siaⁿ hoah, " Sèng-kiat koh chin-si̍t ê Chú-cháiⁿ ah, tio̍h koh gōa kú Lí chiah beh sím-phòaⁿ tē-chiūⁿ ê lâng, thang ūi tio̍h goán só͘ lâu ê hoeh sin-oan? " | 註釋 串珠 盧俊義 盧俊義 原文 典藏 |
6:11 | In ta̍k lâng lóng niá-siū chi̍t-niá pe̍h saⁿ, koh ū siaⁿ kā in kóng, Tio̍h koh hioh chi̍t-sî-á, thèng-hāu kî-tha pêⁿ-pêⁿ chò lô͘-po̍k ê kah lín ê hiaⁿ-tī chí-mōe, to̍h-sī teh beh kah lín kāng-khoán siū sat-hāi ê lâng ê jîn-sò͘ kàu-gia̍h. | 註釋 串珠 盧俊義 盧俊義 字典 原文 典藏 |
6:12 | Āu-lâi, góa khòaⁿ tio̍h iûⁿ-ko thiah-khui tē-la̍k-ê hong-ìn ê sî, hut-jiân tōa tē-tāng, ji̍t-thâu piàn kah chhin-chhiūⁿ o͘ môa-pò͘ hiahni̍h o͘, kui-ê goe̍h-niû piàn kah chhin-chhiūⁿ hoeh hiahni̍h âng; | 註釋 串珠 盧俊義 盧俊義 字典 原文 典藏 |
6:13 | Thiⁿ téng ê chheⁿ tūi-lo̍h tē, chhin-chhiūⁿ bû-hoa-kó chhiū hō͘ tōa hong sàu-kòe, iáu-bōe se̍k ê kóe-chí lak liáu-liáu. | 註釋 串珠 盧俊義 盧俊義 字典 原文 典藏 |
6:14 | Thiⁿ chhin-chhiūⁿ teh kńg chheh ánne siau-sit-.khì, soaⁿ kah hái-tó lóng iô-choah, lī-khui goân ūi. | 註釋 串珠 盧俊義 盧俊義 字典 原文 典藏 |
6:15 | Tē chiūⁿ ê kun-ông, tōa-koaⁿ, kun-tiúⁿ, hó-gia̍h lâng, ū sè-le̍k ê, í-ki̍p só͘-ū chò lô͘-po̍k ê kah chū-iû ê, lóng khì bih tiàm soaⁿ-tōng kah soaⁿ-giâm. | 註釋 串珠 盧俊義 盧俊義 原文 典藏 |
6:16 | In tùi soaⁿ-niá kah soaⁿ-giâm hoah, " Tó lo̍h-lâi kā goán khàm-.leh, hō͘ goán thang siám-phiah hit ūi chē tī pó-chō ê bīn kah iûⁿ-ko ê siū-khì. | 註釋 串珠 盧俊義 盧俊義 字典 原文 典藏 |
6:17 | In-ūi in cho-gū Siōng-tè siū-khì ê tōa ji̍t-chí í-keng kàu à, siáⁿ lâng khiā ē tiâu? " | 註釋 串珠 盧俊義 盧俊義 原文 典藏 |