章節 | 全民台語聖經全羅經文 | 註釋 |
2:1 | Siá hō͘ Ê-hu-soh Kàu-hōe ê Phoe" Lí tio̍h siá phoe hō͘ Ê-hu-soh kàu-hōe ê sù-chiá, kóng, chiàⁿ chhiú 挺 chhit lia̍p chheⁿ, tī chhit ki kim teng-tâi tiong-ng teh kiâⁿ ê hit ūi ánne kóng, | 註釋 串珠 盧俊義 盧俊義 字典 原文 典藏 |
2:2 | Góa chai lí ê só͘ chò kah lí ê lô-khó͘ í-ki̍p thun-lún. Lí mā bē iông-ín hiahê chò pháiⁿ ê lâng, lí mā ū khó-giām hiahê kakī kóng sī sù-tô͘ kî-si̍t m̄-sī ê lâng, khòaⁿ-chhut in sī teh kóng pe̍h-chha̍t. | 註釋 串珠 盧俊義 盧俊義 原文 典藏 |
2:3 | Lí ū thun-lún, koh bat ūi tio̍h góa ê miâ jím-siū khó͘-lān lóng bô ià-siān. | 註釋 串珠 盧俊義 盧俊義 原文 典藏 |
2:4 | M̄ koh, ū chi̍t hāng tāichì, góa tio̍h kā lí chek-pī, to̍h-sī lí í-keng khì-sak tong-chho͘ tùi góa ê thiàⁿ. | 註釋 串珠 盧俊義 盧俊義 原文 典藏 |
2:5 | Só͘-í, lí tio̍h ē kì-tit lí tùi tó-ūi poa̍h-tó, tio̍h hóe-kái, hôe-ho̍k lí khí-thâu thiàⁿ ê kiâⁿ-ta̍h; nā bô, góa ē khì lí hia, kā lí ê teng-tâi sóa-cháu. | 註釋 串珠 盧俊義 盧俊義 字典 原文 典藏 |
2:6 | M̄ koh, lí iáu ū chi̍t hāng khó-chhú ê tāichì, to̍h-sī lí mā kah góa kāng-khoán, oàn-hūn kin-tòe Nî-ko-láu hit-tīn lâng só͘ chò ê tāichì. | 註釋 串珠 盧俊義 盧俊義 原文 典藏 |
2:7 | Ū hīⁿ-khang ê lâng tio̍h thiaⁿ Sèng Sîn kā chiahê kàu-hōe só͘ kóng ê ōe, góa beh hō͘ tek-sèng ê lâng chia̍h Siōng-tè ê lo̍k-hn̂g tiong hit-châng oa̍h-miā-chhiū ê kóe-chí. " | 註釋 串珠 盧俊義 盧俊義 原文 典藏 |
2:8 | Siá hō͘ Sū-mú-ná Kàu-hōe ê Phoe" Lí tio̍h siá phoe hō͘ Sū-mú-ná kàu-hōe ê sù-chiá, kóng, khí-thâu ê kah kiat-bóe ê, tùi sí-lâng tiong koh-oa̍h ê hit ūi ánne kóng, | 註釋 串珠 盧俊義 盧俊義 原文 典藏 |
2:9 | Góa chai lí ê khó͘-lān kah sànchhiah; kî-si̍t lí sī hó-gia̍h. Góa mā chai lí ū siū hiahê chū-chheng Iô-tá-iah lâng ê lâng kā lí húi-pòng; kî-si̍t in m̄-sī Iô-tá-iah lâng, in sī sio̍k Sa-tán ê chi̍p-thoân. | 註釋 串珠 盧俊義 盧俊義 字典 原文 典藏 |
2:10 | M̄-bián kiaⁿ lí teh beh siū ê khó͘-lān. Lí khòaⁿ, Mô͘-kúi beh kā lín tiong-kan kúi-nā-ê lâng koaiⁿ lo̍h kaⁿ, lâi kā lín khó-giām, lín ē siū khó͘-lān cha̍p kang. Lí tio̍h chīn-tiong kàu sí, góa ē siúⁿ-sù hō͘ lí oa̍h-miā ê êng-koan. | 註釋 串珠 盧俊義 盧俊義 字典 原文 典藏 |
2:11 | Ū hīⁿ-khang ê lâng lóng tio̍h thiaⁿ Sèng Sîn kā chiahê kàu-hōe só͘ kóng ê ōe, tek-sèng ê lâng it-tēng bē siū tio̍h tē-jī pái sí-bông ê chai-hāi. " | 註釋 串珠 盧俊義 盧俊義 原文 典藏 |
2:12 | Siá hō͘ Pia̍t-ga-mô͘ Kàu-hōe ê Phoe" Lí tio̍h siá phoe hō͘ Pia̍t-ga-mô͘ kàu-hōe ê sù-chiá, kóng, ū siaam bīn lāi ê kiàm ê hit ūi ánne kóng, | 註釋 串珠 盧俊義 盧俊義 字典 原文 典藏 |
2:13 | Góa chai lí só͘ tòa ê só͘-chāi to̍h-sī tī Sa-tán ê chō-ūi hia. Lí chhî-siú góa ê miâ, sīm-chì góa tiong-si̍t ê kiàn-chèng-jîn An-tî-phà tī Mô͘-kúi-ê tē-pôaⁿ hō͘ lâng sat-hāi ê sî, lí mā bē hòng-khì tùi góa ê sìn-sim. | 註釋 串珠 盧俊義 盧俊義 字典 原文 典藏 |
2:14 | M̄ koh, góa ū kúi-nā hāng tāichì beh kā lí chek-pī, in-ūi tī lí hia ū lâng chhî-siú Pa-lân ê kà-sī. Chit-ê Pa-lân bat kà-sī Ba-al, khì bê-he̍k I-su-la-el ê kiáⁿ-sun, hō͘ in chia̍h chè-kòe ngó͘-siōng ê mi̍h, koh kiâⁿ kan-îm. | 註釋 串珠 盧俊義 盧俊義 原文 典藏 |
2:15 | Chhin-chhiūⁿ ánne, lí hia mā ū lâng chhî-siú Nî-ko-láu ê kà-sī. | 註釋 串珠 盧俊義 盧俊義 原文 典藏 |
2:16 | Só͘-í, tio̍h hóe-kái, nā bô, góa liâmpiⁿ ē kàu lí hia, ēng góa chhùi lāi ê kiàm kah in kau-chiàn. | 註釋 串珠 盧俊義 盧俊義 字典 原文 典藏 |
2:17 | Ū hīⁿ-khang ê lâng lóng tio̍h thiaⁿ Sèng Sîn kā chiahê kàu-hōe só͘ kóng ê ōe, tek-sèng ê lâng, góa beh kā pó-chûn khí-.lâi ê má-ná hō͘ i. Góa mā beh hō͘ i chi̍t tè pe̍h-chio̍h, chio̍h ê téng-bīn khek sin ê miâ; niá-siū ê lâng í-gōa, bô lâng bat chit-ê miâ. " | 註釋 串珠 盧俊義 盧俊義 原文 典藏 |
2:18 | Siá hō͘ Τhu-a-tí-lah Kàu-hōe ê Phoe" Lí tio̍h siá phoe hō͘ Τhu-a-tí-lah kàu-hōe ê sù-chiá, kóng, Siōng-tè ê Kiáⁿ, to̍h-sī ba̍k-chiu chhin-chhiūⁿ hóe-iām, kha chhin-chhiūⁿ kim siaksiak ê tâng ê hit ūi ánne kóng, | 註釋 串珠 盧俊義 盧俊義 原文 典藏 |
2:19 | Góa chai lí ê kiâⁿ-ta̍h, lí ê thiàⁿ, sìn-sim, ho̍k-sāi kah thun-lún; góa mā chai lí chòe-kīn teh chò ê tāichì pí khí-thâu ê khah chē. | 註釋 串珠 盧俊義 盧俊義 原文 典藏 |
2:20 | M̄ koh, ū chi̍t hāng tāichì góa tio̍h kā lí chek-pī, to̍h-sī lí iông-ín hit-ê chū-chheng chò sian-ti ê chabó͘ lâng I-é-che-bel; i kà-sī koh bê-he̍k góa hiahê lô͘-po̍k khì kiâⁿ kan-îm, koh chia̍h chè-kòe ngó͘-siōng ê mi̍h. | 註釋 串珠 盧俊義 原文 典藏 |
2:21 | Góa hō͘ i ū ki-hōe thang hóe-kái, m̄ koh, i bô beh hóe-kái, koh kè-sio̍k i ê îm-loān. | 註釋 串珠 盧俊義 原文 典藏 |
2:22 | Góa beh hō͘ i phòa-pēⁿ tó tī bîn-chhn̂g; hiahê kah i kiâⁿ kan-îm ê lâng, nā bô hóe-kái, thêng-chí kah i ê îm-loān, góa mā beh hō͘ in siū tōa chai-lān. | 註釋 串珠 盧俊義 字典 原文 典藏 |
2:23 | Góa beh ēng sí-bông lâi siau-bia̍t hiahê kin-tòe I-é-che-bel ê lâng, ánne, chiahê kàu-hōe lóng ē chai, góa ū teh kàm-chhat lâng ê sim-tn̂g, mā beh chiàu lín ta̍k lâng ê só͘ kiâⁿ kā lín pò-èng. | 註釋 串珠 盧俊義 原文 典藏 |
2:24 | M̄ koh, lín tī Τhu-a-tí-lah ê kî-tha hiahê bô sêng-siū chit khoán kà-sī, mā m̄ bat in só͘ kóng koan-hē Sa-tán ê ò-pì ê lâng, góa kā lín kóng, góa bē ke-thiⁿ pa̍t khoán tāng-tàⁿ hō͘ lín. | 註釋 串珠 盧俊義 原文 典藏 |
2:25 | Chóng-.sī, lín tio̍h chhî-siú lín só͘-ū ê, it-ti̍t kàu góa chài-lîm. | 註釋 串珠 盧俊義 原文 典藏 |
2:26 | Tek-sèng koh kè-sio̍k chun-siú góa ê bēng-lēng ti̍t-kàu lō͘-bóe ê lâng, góa beh hō͘ i ū koân-pèng thang tī-lí bān-kok. | 註釋 串珠 盧俊義 原文 典藏 |
2:27 | I beh ēng thih-koái kā in koán-hat, chhin-chhiūⁿ kā hûi-khì kòng chhùi; góa mā ū ánne tùi góa ê Thiⁿ-pē niá-siū koân-pèng. | 註釋 串珠 盧俊義 字典 原文 典藏 |
2:28 | Góa mā beh kā khé-bêng-chheⁿ hō͘ tek-sèng ê lâng. | 註釋 串珠 盧俊義 原文 典藏 |
2:29 | Ū hīⁿ-khang ê lâng lóng tio̍h thiaⁿ Sèng Sîn kā chiahê kàu-hōe só͘ kóng ê ōe. " | 註釋 串珠 盧俊義 原文 典藏 |