章節 | 全民台語聖經全羅經文 | 註釋 |
1:1 | Che sī I-é-su Ki-tok ê khé-sī, Siōng-tè hō͘ Ki-tok chit-ê khé-sī, ài I kā liâmpiⁿ it-tēng ē hoat-seng ê tāichì chí-sī Siōng-tè ê lô͘-po̍k; Ki-tok ū chhe-khián I ê thiⁿ-sài khì chí-sī Siōng-tè ê lô͘-po̍k Iô-há-neh. | 註釋 串珠 盧俊義 盧俊義 原文 典藏 |
1:2 | Iô-há-neh kā só͘ khòaⁿ tio̍h koan-hē Siōng-tè ê sìn-sit kah I-é-su Ki-tok ê kiàn-chèng, tùi só͘-ū ê lâng chò-chèng. | 註釋 串珠 盧俊義 盧俊義 原文 典藏 |
1:3 | Tha̍k chit pún chheh kah thiaⁿ hiahê ī-giân, koh chun-siú kî-tiong só͘ kì-chài ê lâng chin ū hok-khì, in-ūi èng-giām chiahê tāichì ê ji̍t-kî teh beh kàu à. | 註釋 串珠 盧俊義 盧俊義 原文 典藏 |
1:4 | Tùi Chhit Keng Kàu-hōe Chhéng-anGóa — Iô-há-neh siá phoe kià hō͘ A-si-a séng ê chhit keng kàu-hōe. Goān hiān-chāi chûn-chāi, chá-chêng chûn-chāi, chiong-lâi mā chûn-chāi ê Siōng-tè kah I chō-ūi chêng ê chhit-ê lêng í-ki̍p I-é-su Ki-tok sù lín un-tián kah pêng-an. | 註釋 串珠 盧俊義 盧俊義 字典 原文 典藏 |
1:5 | Ki-tok sī tiong-si̍t ê kiàn-chèng-jîn, sī thâu chi̍t-ê tùi sí-lâng tiong koh-oa̍h, koh sī tē-chiūⁿ bān-ông ê Chú-cháiⁿ. | 註釋 串珠 盧俊義 盧俊義 原文 典藏 |
1:6 | Ki-tok thiàⁿ lán, ūi tio̍h lán lâu hoeh hi-seng, lâi tháu-pàng lán thoat-lī lán ê chōe, mā hō͘ lán chiâⁿ-chò kok-tō͘, chiâⁿ chò chè-si, lâi ho̍k-sāi I ê Thiⁿ-pē Siōng-tè. Goān êng-kng kah koân-lêng kui tī I-é-su Ki-tok, tāi-tāi bô chīn. A-men! | 註釋 串珠 盧俊義 盧俊義 原文 典藏 |
1:7 | Lí khòaⁿ, Ki-tok chē hûn teh lâi, chèng lâng ē khòaⁿ tio̍h I. Liân ēng chhiuⁿ chha̍k I ê lâng mā ē khòaⁿ tio̍h I. Tē chiūⁿ bān-bîn lóng ē in-ūi I ê chài-lîm lâi hóe-kái thî-khàu. Chit-ê tāichì it-tēng ē ánne hoat-seng. A-men! | 註釋 串珠 盧俊義 盧俊義 原文 典藏 |
1:8 | Hiān-chāi chûn-chāi, chá-chêng chûn-chāi, chiong-lâi mā chûn-chāi ê choân-lêng ê Chú — Siōng-tè kóng, " Góa sī khí-thâu ê Al-hoah(Α) koh sī kiat-bóe ê O͘-mè-gah(Ω). " | 註釋 串珠 盧俊義 盧俊義 原文 典藏 |
1:9 | Ki-tok Tùi Iô-há-neh Hián-hiānGóa — Iô-há-neh sī lín ê hiaⁿ-tī, ū kah lín chò-hóe hun-tam I-é-su ê khó͘-lān kah thun-lún, koh ū hūn tī I ê kok-tō͘. Ūi tio̍h beh thoân Siōng-tè ê sìn-sit kah kiàn-chèng I-é-su ê hok-im, góa bat tòa tī chi̍t-ê miâ kiò-chò Pa̍t-mo͘h ê hái-tó. | 註釋 串珠 盧俊義 盧俊義 原文 典藏 |
1:10 | Tī chi̍t-ê Chú ê ji̍t, góa hō͘ Sèng Sîn kám-tōng, thiaⁿ tio̍h tī góa ê āu-bīn ū chhin-chhiūⁿ kó͘-chhoe ê tōa siaⁿ-im, | 註釋 串珠 盧俊義 盧俊義 字典 原文 典藏 |
1:11 | Kóng, " Lí tio̍h kā só͘ khòaⁿ-.tio̍h ê siá-chò chheh, kià hō͘ hit chhit keng kàu-hōe, to̍h-sī Ê-hu-soh, Sū-mú-ná, Pia̍t-ga-mô͘, Τhu-a-tí-lah, Sal-tí, Hui-la-té-hui-ah, Lâu-tí-kiah. " | 註釋 串珠 盧俊義 盧俊義 字典 原文 典藏 |
1:12 | Góa oa̍t tńg-sin siūⁿ beh khòaⁿ kah góa kóng-ōe ê sī siáⁿ lâng, kiat-kó khòaⁿ tio̍h chhit ki kim teng-tâi. | 註釋 串珠 盧俊義 盧俊義 原文 典藏 |
1:13 | Teng-tâi ê tiong-ng ū chi̍t ūi chhin-chhiūⁿ Jîn-chú, chhēng chi̍t-niá tn̂g-phàu, heng-khám hâ kim-tòa. | 註釋 串珠 盧俊義 盧俊義 字典 原文 典藏 |
1:14 | I ê thâu-mn̂g pe̍h kah ná chhin-chhiūⁿ iûⁿ-mn̂g á-.sī seh, I ê ba̍k-chiu chhin-chhiūⁿ hóe-iām. | 註釋 串珠 盧俊義 盧俊義 原文 典藏 |
1:15 | I ê kha chhin-chhiūⁿ kòe hóe-lô͘ toàn-liān koh bôa-kòe ê tâng hiahni̍h kim; I ê siaⁿ chhin-chhiūⁿ tōa-chúi teh chhiâng ê siaⁿ hiah hiáng. | 註釋 串珠 盧俊義 盧俊義 字典 原文 典藏 |
1:16 | Tī I ê chiàⁿ chhiú ū chhit lia̍p chheⁿ, I ê chhùi thò͘-chhut siaam bīn lāi ê kiàm. I ê bīn-māu hoat kng, chhin-chhiūⁿ tiong-tàu sî ê ji̍t-thâu hiah kng. | 註釋 串珠 盧俊義 盧俊義 字典 原文 典藏 |
1:17 | Góa chi̍t-ē khòaⁿ tio̍h I, chiū kahná sí-lâng phak tī I ê kha chêng. I ēng chiàⁿ chhiú hōaⁿ góa, kóng, " M̄-bián kiaⁿ, góa sī khí-thâu ê, mā sī kiat-bóe ê. | 註釋 串珠 盧俊義 盧俊義 原文 典藏 |
1:18 | Góa sī hit ūi éng-oán oa̍h-.leh ê. Góa bat sí, taⁿ góa oa̍h-.leh, koh ē oa̍h kàu bān-sè-tāi. Góa chiáng-koán sí-bông kah im-hú ê só-sî. | 註釋 串珠 盧俊義 盧俊義 字典 原文 典藏 |
1:19 | Só͘-í, lí tio̍h kā só͘ khòaⁿ-.tio̍h ê, hiān-kim só͘ teh hoat-seng ê kah chiong-lâi ē hoat-seng ê tāichì lóng siá lo̍h-.lâi. | 註釋 串珠 盧俊義 盧俊義 原文 典藏 |
1:20 | Lí só͘ khòaⁿ tio̍h tī góa chiàⁿ chhiú hit chhit lia̍p chheⁿ kah chhit ki kim teng-tâi ê ò-pì sī ánne, chhit lia̍p chheⁿ sī chhit keng kàu-hōe ê sù-chiá, chhit ki teng-tâi sī chhit keng kàu-hōe. " | 註釋 串珠 盧俊義 盧俊義 字典 原文 典藏 |