章節 | 全民台語聖經全羅經文 | 註釋 |
2:1 | M̄-thang Ū Phian-kiànChhin-ài ê hiaⁿ-tī chí-mōe, lín kì-jiân sìn lán êng-kng ê Chú I-é-su Ki-tok, to̍h m̄ thang ēng gōa-māu-lâi phòaⁿ-toàn lâng. | 註釋 串珠 盧俊義 康來昌 原文 典藏 |
2:2 | Nā ū hó-gia̍h lâng kòa kim chhiú-chí, chhēng súi saⁿ ji̍p-lâi lín ê hōe-tn̂g, koh ū chhēng phòa-saⁿ ê sànchhiah lâng ji̍p-.lâi, | 註釋 串珠 盧俊義 康來昌 字典 原文 典藏 |
2:3 | Lín nā kantaⁿ chù-ì hit-ê chhēng súi saⁿ ê lâng, tùi i kóng, " Chhiáⁿ lí lâi chē tōa-ūi. " khiok tùi hit-ê sànchhiah lâng kóng, " Lí khiā tiàm hia. " Á-sī kóng, " Chē góa ê kha-ta̍h piⁿ-á. " | 註釋 串珠 盧俊義 康來昌 字典 原文 典藏 |
2:4 | Án-ne lín kám m̄-sī ū phian-sim, ēng pháiⁿ liām-thâu lâi teh phòaⁿ-toàn lâng? | 註釋 串珠 盧俊義 康來昌 原文 典藏 |
2:5 | Chhin-ài ê hiaⁿ-tī chí-mōe, lín tio̍h thiaⁿ! Siōng-tè ū kéng sè-kan ê sànchhiah lâng, hō͘ in tī sìn-gióng siōng hù-chiok, lâi sêng-chiap I só͘ èng-ín beh hō͘ thiàⁿ I ê lâng ê kok-tō͘. | 註釋 串珠 盧俊義 康來昌 原文 典藏 |
2:6 | M̄ koh, lín khòaⁿ-khin sànchhiah lâng. Kî-si̍t, kā lín khi-ap koh thoa lín khì hoat-têng ê, kám m̄-sī hiahê hó-gia̍h lâng? | 註釋 串珠 盧俊義 康來昌 原文 典藏 |
2:7 | Húi-pòng Siōng-tè siúⁿ-sù hō͘ lín chun-kùi ê miâ ê, kám m̄-sī kāng-khoán hiahê lâng? | 註釋 串珠 盧俊義 康來昌 原文 典藏 |
2:8 | Lín nā chun-siú keng-tián só͘ kì-chài ê" Tio̍h thiàⁿ chhù-piⁿ chhin-chhiūⁿ kakī " (chù, LBK 19:18) hit-ê Siōng-tè kok-tō͘ ê lu̍t-hoat, ánne chiū tio̍h ā. | 註釋 串珠 盧俊義 康來昌 原文 典藏 |
2:9 | To̍k-to̍k lín nā ēng gōa-māu-lâi phòaⁿ-toàn lâng, to̍h-sī hoān chōe, ē siū lu̍t-hoat tēng chōe. | 註釋 串珠 盧俊義 康來昌 原文 典藏 |
2:10 | Lâng nā bô chun-siú lu̍t-hoat tiong ê chi̍t tiâu, to̍h-sī bô chun-siú choân-pō͘ ê lu̍t-hoat. | 註釋 串珠 盧俊義 康來昌 原文 典藏 |
2:11 | In-ūi bēng-lēng " M̄-thang kan-îm "ê hit ūi mā kóng, " M̄-thang thâi-sí-lâng ". (chù, CAG 20:13, 15; SBK 5:17-18) sûi-jiân bô hoān kan-îm, nā-sī thâi-sí-lâng, chiū sǹg-chò sī hoān tio̍h lu̍t-hoat ê lâng. | 註釋 串珠 盧俊義 康來昌 原文 典藏 |
2:12 | Lín kì-jiân beh chiàu ē hō͘ lâng chū-iû ê lu̍t-hoat lâi siū sím-phòaⁿ, chiū tio̍h chiàu lu̍t-hoat lâi kóng-ōe, lâi kiâⁿ-ta̍h. | 註釋 串珠 盧俊義 康來昌 原文 典藏 |
2:13 | In-ūi nā bô ēng chû-pi tùi-thāi lâng, tī sím-phòaⁿ ê sî, Siōng-tè mā bē ēng chû-pi tùi-thāi i; chû-pi iâⁿ-kòe sím-phòaⁿ. | 註釋 串珠 盧俊義 康來昌 原文 典藏 |
2:14 | Sìn-gióng kah Hêng-ûiChhin-ài ê hiaⁿ-tī chí-mōe, sìn-gióng nā bô chiàu tō-lí kiâⁿ, ū siáⁿ-mi̍h lī-ek? Chit khoán sìn-gióng kám ē-tàng kiù i? | 註釋 串珠 盧俊義 康來昌 原文 典藏 |
2:15 | Lín tiong-kan nā ū hiaⁿ-tī á-.sī chí-mōe bô saⁿ thang chhēng, bô pn̄g thang chia̍h, | 註釋 串珠 盧俊義 康來昌 原文 典藏 |
2:16 | Lín kantaⁿ tùi in kóng, " Chiok lín pêng-an! Tio̍h chhēng hō͘ sio, chia̍h hō͘ pá! " nā bô hō͘ in seng-khu só͘ su-iàu ê mi̍h-kiāⁿ, ánne ū siáⁿ-mi̍h lō͘-ēng? | 註釋 串珠 盧俊義 康來昌 原文 典藏 |
2:17 | Sìn-gióng nā bô chiàu tō-lí kiâⁿ, to̍h-sī sí ê. | 註釋 串珠 盧俊義 康來昌 原文 典藏 |
2:18 | Kiám-chhái ū lâng ē kóng, " Lí ū sìn-gióng, góa ū chiàu tō-lí kiâⁿ. " Góa ē ìn kóng, " Lí hō͘ góa khòaⁿ bô chiàu tō-lí kiâⁿ ê sìn-gióng, góa beh ēng chiàu tō-lí kiâⁿ lâi hō͘ lí khòaⁿ góa ê sìn-gióng. " | 註釋 串珠 盧俊義 康來昌 原文 典藏 |
2:19 | Lí sìn Siōng-tè chí ū chi̍t ūi, ánne sī tio̍h; liân hiahê Mô͘-kúi mā sìn, koh kiaⁿ kah phi̍h-phi̍h chhoah. | 註釋 串珠 盧俊義 康來昌 原文 典藏 |
2:20 | Phòng-hong koh hàm-kó͘ ê lâng, lí kám m̄-chai bô chiàu tō-lí kiâⁿ ê sìn-gióng lóng bô lō͘-ēng? | 註釋 串珠 盧俊義 康來昌 原文 典藏 |
2:21 | Lán ê chó͘-sian A-bu-la-hàm hiàn i ê kiáⁿ Í-sak tī tôaⁿ téng, kám m̄-sī tùi chit-ê hêng-tōng lâi hō͘ Siōng-tè kā i chheng-chò gī lâng? | 註釋 串珠 盧俊義 康來昌 字典 原文 典藏 |
2:22 | Khó-kiàn i ê sìn-gióng kah hêng-tōng chò-hóe chìn-hêng; i ê sìn-gióng sī thong-kòe hêng-tōng lâi oân-sêng. | 註釋 串珠 盧俊義 康來昌 原文 典藏 |
2:23 | Che sī èng-giām keng-tián só͘ kóng, A-bu-la-hàm sìn Siōng-tè, chiū ánne Siōng-tè kā i chiap-la̍p chò gī lâng, (chù, CKS 15:6) i mā kiò-chò Siōng-tè ê pêng-iú. | 註釋 串珠 盧俊義 康來昌 原文 典藏 |
2:24 | Khó-kiàn, lâng tit tio̍h chheng-chò gī lâng sī tùi hêng-tōng, m̄-sī kantaⁿ tùi sìn-gióng. | 註釋 串珠 盧俊義 康來昌 原文 典藏 |
2:25 | Kī-lí La-ha̍t chiap-la̍p Iô-tá-iah lâng ê sù-chiá, hō͘ in tùi pa̍t-tiâu-lō͘ chhut-.khì, kám m̄-sī kāng-khoán tùi hêng-tōng lâi tit tio̍h chheng-chò gī lâng? | 註釋 串珠 盧俊義 康來昌 字典 原文 典藏 |
2:26 | Tú chhin-chhiūⁿ seng-khu nā bô lêng-hûn to̍h-sī sí-.khì, sìn-gióng nā bô hêng-tōng mā sī sí-.khì. | 註釋 串珠 盧俊義 康來昌 原文 典藏 |