章節 | 全民台語聖經全羅經文 | 註釋 |
12:1 | Lán Lâi Pháu-cháu Thâu-chêng ê Lō͘-thêngKì-jiân ū hiah chē kiàn-chèng-jîn chhin-chhiūⁿ hûn kā lán pau-ûi-.leh, lán tio̍h pâi-tû it-chhè ê chó͘-gāi kah it-ti̍t kā lán tîⁿ-pòaⁿ ê chōe, kian-jím pháu-cháu lán thâu-chêng ê lō͘-thêng. | 註釋 串珠 原文 典藏 |
12:2 | Tio̍h chù-sîn khòaⁿ I-é-su, I sī lán sìn-gióng ê kin-goân kah bo̍k-phiau; I ūi tio̍h pâi tī I thâu-chêng ê khoài-lo̍k, bô kā lêng-jio̍k khòaⁿ chāi gán-lāi, jím-siū si̍p-jī-kè téng ê khó͘-lān, taⁿ I chē tī Siōng-tè pó-chō ê chiàⁿ pêng. | 註釋 串珠 字典 原文 典藏 |
12:3 | Àn-chiàu Kí-lu̍t Lâi Pháu-cháuLín tio̍h siūⁿ I ê keng-le̍k; I jím-siū chōe-jîn tùi I ê hêng-ge̍k, ánne lín chiah bē tì-sú kha-chhiú nńg lâi ià-siān. | 註釋 串珠 原文 典藏 |
12:4 | Lín kah chōe-ok tàu-cheng, iáu-bōe tí-khòng kàu lâu hoeh ê thêng-tō͘. | 註釋 串珠 原文 典藏 |
12:5 | Lín kám bē kì-.tit, Siōng-tè kā lín tòng-chò kiáⁿ lâi khoàn-bián ê ōe ánne kóng, góa ê kiáⁿ, Chú ê kéng-kài m̄ thang khòaⁿ-khin, hō͘ I chek-pī m̄ thang sit-chì. | 註釋 串珠 原文 典藏 |
12:6 | In-ūi Chú koán-kà I só͘ thiàⁿ ê, piⁿ-phah I só͘ chiap-la̍p ê kiáⁿ-jî. (chù, ChG 3:11-12) | 註釋 串珠 字典 原文 典藏 |
12:7 | Lín tio̍h jím-siū koán-kà, Siōng-tè kā lín khoán-thāi chhin-chhiūⁿ kiáⁿ-jî. Kám ū kiáⁿ-jî bô siū pē-bú ê koán-kà? | 註釋 串珠 原文 典藏 |
12:8 | Lín nā bô kah kî-tha ê kiáⁿ-jî kāng-khoán siū koán-kà, to̍h-sī su-seng-chú, m̄-sī chin-chiàⁿ ê kiáⁿ-jî. | 註釋 串珠 原文 典藏 |
12:9 | Lán ū chun-tiōng sè-kan ê pē-bú kā lán koán-kà, hô-hòng sio̍k-lêng Thiⁿ-pē ê koán-kà, lán kám m̄-sī koh khah tio̍h sūn-ho̍k lâi tit tio̍h oa̍h-miā? | 註釋 串珠 原文 典藏 |
12:10 | Sè-kan ê pē-bú chiām-sî chiàu kakī ê ì-sù lâi kā lán koán-kà; to̍k-to̍k Siōng-tè ê koán-kà sī beh hō͘ lán tit tio̍h lī-ek, hō͘ lán hun-hióng I ê sèng-kiat. | 註釋 串珠 原文 典藏 |
12:11 | Lán ta̍k pái siū koán-kà ê sî, lóng ē kám-kak bô hoaⁿ-hí koh iu-būn, m̄ koh, keng-kòe koán-kà ê toàn-liān liáu-āu, ē hō͘ lán kiat-chhut pêng-an ê kóe-chí, kòe chèng-ti̍t ê seng-oa̍h. | 註釋 串珠 原文 典藏 |
12:12 | Kà-sī kah Kéng-kàiSó͘-í, lín chiahê kha-sng chhiú nńg ê lâng tio̍h hō͘ kha-chhiú ióng-kiāⁿ khí-.lâi. | 註釋 串珠 原文 典藏 |
12:13 | Tio̍h ūi lín ê kha chún-pī ti̍t-ti̍t ê lō͘, bián-tit pái-kha-.ê lâng oai-chhoa̍h, tian-tò ē tit tio̍h i hó. | 註釋 串珠 字典 原文 典藏 |
12:14 | Tio̍h ló͘-le̍k kah chèng lâng hô-bo̍k lâi kòe sèng-kiat ê seng-oa̍h; nā bô, bô lâng ē-tàng kìⁿ tio̍h Chú. | 註釋 串珠 原文 典藏 |
12:15 | Tio̍h kín-sīn, chiah bián-tit ū lâng sit-lo̍h Siōng-tè ê un-tián, mā chiah bián-tit ū to̍k-chháu hoat khí-.lâi, hō͘ chin chē lâng siū ù-jiám. | 註釋 串珠 原文 典藏 |
12:16 | Tio̍h kín-sīn, chiah bián-tit ū lâng îm-loān bô kèng-khiân, chhin-chhiūⁿ E-sáu ūi tio̍h chi̍t-tiám-á chia̍h-mi̍h, chhut-bē tōa-kiáⁿ ê miâ-hūn. | 註釋 串珠 原文 典藏 |
12:17 | Lín chai, i āu-lâi ài beh niá-siū chiok-hok ê sî hō͘ lāu-pē kī-choa̍t, in-ūi i chhōe bô pān-hoat lâi kái-piàn lāu-pē ê sim-ì, só͘-í sûi-jiân lâu ba̍k-sái, pek-chhiat kî-kiû, mā bē tàng tit tio̍h chiok-hok. | 註釋 串珠 原文 典藏 |
12:18 | Thiⁿ téng ê Ê-lú-sa-lèm ê Chè pàiLín bô chhin-chhiūⁿ I-su-la-el lâng, lâi-kàu bong ē tio̍h ê Si-nái soaⁿ, tī hia ū hóe-iām, ba̍t hûn, o͘-àm kah tōa hong, | 註釋 串珠 原文 典藏 |
12:19 | Koh ū kó͘-chhoe ê hiáng-siaⁿ kah kóng-ōe ê siaⁿ. Thiaⁿ-.tio̍h ê lâng khún-kiû Siōng-tè, mài koh tùi in kóng ōe, | 註釋 串珠 字典 原文 典藏 |
12:20 | In-ūi in bē tàng jím-siū hit-ê bēng-lēng ánne kóng, " Liân cháu-siù nā kha̍p tio̍h soaⁿ, mā tio̍h ēng chio̍h-thâu tìm-sí. " (chù, CAG 19:12-13) | 註釋 串珠 字典 原文 典藏 |
12:21 | Hitê kéng-siōng hui-siông thang kiaⁿ, tì-sú Mô͘-se kóng, " Góa kiaⁿ kah phi̍h-phi̍h chhoah. " | 註釋 串珠 原文 典藏 |
12:22 | M̄ koh, lín sī lâi-kàu Si-óng soaⁿ, éng-oán oa̍h ê Siōng-tè ê siâⁿ, thiⁿ-téng ê Ê-lú-sa-lèm, tī hia ū chheng-chheng bān-bān ê thiⁿ-sài. | 註釋 串珠 原文 典藏 |
12:23 | Lín lâi-kàu Siōng-tè ê tōa-kiáⁿ chū-chi̍p ê só͘-chāi, in ê miâ lóng ū teng-kì tī thiⁿ-téng. Lín lâi-kàu sím-phòaⁿ bān-bîn ê Siōng-tè ê bīn-chêng, lín lâi-kàu í-keng sêng-choân ê gī lâng ê lêng-hûn hia. | 註釋 串珠 原文 典藏 |
12:24 | Lín lâi-kàu Sin-iok ê tiong-pó — I-é-su ê bīn-chêng kah só͘ hiù ê hoeh hia; chit-ê hoeh pí A-bel ê hoeh só͘ piáu-ta̍t ê koh khah hó. | 註釋 串珠 原文 典藏 |
12:25 | Tio̍h kín-sīn, m̄ thang kī-choa̍t tùi lín kóng ōe ê hit ūi. Hiahê tī tē-chiūⁿ kī-choa̍t hit ūi tùi in kéng-kài ê lâng to bē tàng tô-siám chōe, hô-hòng lán kī-choa̍t tùi thiⁿ-téng lâi kéng-kài lán ê hit ūi? | 註釋 串珠 原文 典藏 |
12:26 | Hit sî, I ê siaⁿ hō͘ tē iô-tāng, m̄ koh, taⁿ I ū èng-ín kóng, " Góa m̄ nā beh koh chi̍t pái hō͘ tē iô-tāng, mā beh hō͘ thiⁿ iô-tāng. " (chù, HGS 2:6) | 註釋 串珠 原文 典藏 |
12:27 | Hit kù " Beh koh chi̍t pái " Sī chí-bêng hiahê siū chō ê mi̍h beh siū iô-tāng, beh siū chhian-sóa, hō͘ hiahê bô siū iô-tāng ê kú-tn̂g lâu lo̍h-.lâi. | 註釋 串珠 原文 典藏 |
12:28 | Só͘-í, lán tio̍h kám-siā, in-ūi lán ū tit tio̍h hit-ê bē iô-tāng ê kok-tō͘. Lán tio̍h chiàu Siōng-tè só͘ hoaⁿ-hí ê, ēng khiân-sêng kah kèng-ùi ê sim lâi ho̍k-sāi Siōng-tè, | 註釋 串珠 原文 典藏 |
12:29 | In-ūi lán ê Siōng-tè si̍t-chāi sī húi-bia̍t ê hóe. | 註釋 串珠 原文 典藏 |