章節 | 全民台語聖經全羅經文 | 註釋 |
8:1 | Lán ê Tōa-chè-si I-é-suGóa só͘ kóng ê iàu-tiám to̍h-sī, lán ū chit khoán ê tōa-chè-si, I chē tī thiⁿ-téng chì-tōa Siōng-tè pó-chō ê chiàⁿ pêng. | 註釋 串珠 字典 原文 典藏 |
8:2 | I tī sèng-só͘ kah chin ê hōe-bō͘ teh ho̍k-sāi, chit-ê hōe-bō͘ sī Chú só͘ siat-li̍p ê, m̄-sī lâng só͘ chō ê. | 註釋 串珠 字典 原文 典藏 |
8:3 | Múi chi̍t-ê tōa-chè-si ê siat-li̍p, lóng sī ūi tio̍h hiàn lé-mi̍h kah chè-sū, só͘-í, chit-ê tōa-chè-si mā it-tēng tio̍h ū siáⁿ-mi̍h thang hiàn. | 註釋 串珠 原文 典藏 |
8:4 | I-é-su nā lâu tī tē-chiūⁿ chiū bô chò chè-si, in-ūi í-keng ū chè-si chiàu lu̍t-hoat teh hiàn lé-mi̍h. | 註釋 串珠 原文 典藏 |
8:5 | Chiàu lu̍t-hoat ê chè-si só͘ chò ê ho̍k-sāi, chí-put-kò sī hóng-chō thiⁿ-téng ê hōe-bō͘ kah iáⁿ-siōng. Tú chhin-chhiūⁿ Mô͘-se beh chō hōe-bō͘ ê sî, Siōng-tè ū kā i chí-sī, kóng, " Lí tio̍h kín-sīn, it-chhè tio̍h chiò tī soaⁿ téng góa kā lí chí-sī ê khoán-sit lâi chō. " (chù, CAG 25: 40) | 註釋 串珠 字典 原文 典藏 |
8:6 | Taⁿ I-é-su í-keng tit tio̍h koh khah chun-kùi ê ho̍k-sāi, I chò koh khah hó ê iok ê tiong-pó. Chit-ê iok sī ēng koh khah hó ê èng-ín lâi siat-li̍p ê. | 註釋 串珠 原文 典藏 |
8:7 | Thâu chi̍t-ê iok nā bô siáⁿ-mi̍h khoat-tiám, chiū bô su-iàu li̍p tē-jī-ê iok. | 註釋 串珠 原文 典藏 |
8:8 | Siōng-tè kā in chí-chek, kóng, lí khòaⁿ, ji̍t-chí teh beh kàu, góa beh kah I-su-la-el jîn-bîn í-ki̍p Iô-tah jîn-bîn li̍p sin ê iok. | 註釋 串珠 原文 典藏 |
8:9 | Chit-ê iok bô chhin-chhiūⁿ chêng góa kah in ê chó͘-sian só͘ li̍p ê, to̍h-sī khan in ê chhiú, chhōa in chhut Ai-gi̍p ê sî só͘ li̍p ê, in-ūi in bô kè-sio̍k siú góa ê iok, góa mā bô beh khòaⁿ-kò͘ in. | 註釋 串珠 原文 典藏 |
8:10 | Chú koh kóng, Chiahê ji̍t í-āu, góa kah I-su-la-el lâng beh li̍p ê iok sī ánne, góa beh kā góa ê lu̍t-hoat khǹg tī in ê thâu-náu, khek tī in ê sim. Góa beh chò in ê Siōng-tè, in beh chò Góa ê chú-bîn. | 註釋 串珠 原文 典藏 |
8:11 | In lóng bē koh kà-sī in ê tông-pau á-.sī in ê hiaⁿ-tī chí-mōe kóng, lí tio̍h bat Chú. In-ūi tùi siōng sè kàu siōng tōa, in lóng ē bat góa. | 註釋 串珠 原文 典藏 |
8:12 | Góa ē sià-bián in ê put-gī, bô koh ē kì-tit in ê chōe-ok. " (chù, ILM 31:31-34) | 註釋 串珠 原文 典藏 |
8:13 | Siōng-tè kì-jiân kóng-khí sin ê iok, chiū hō͘ thâu chi̍t-ê iok piàn-chò kū ê. Hitê chiām-chiām kū khì koh soe-thè ê chiū ē liâmpiⁿ siau-sit-.khì. | 註釋 串珠 原文 典藏 |