章節 | 全民台語聖經全羅經文 | 註釋 |
2:1 | Páu-lô tī The-sa-lô-nî-ke ê Thoân-tōHiaⁿ-tī chí-mōe, lín kakī chai, goán í-chêng khì lín hia hóng-būn m̄-sī bô hāu-kó. | C註釋 註釋 串珠 原文 典藏 |
2:2 | Lín mā lóng chai, goán khì lín hia chìn-chêng, sûi-jiân tī Hui-li̍p-póe ū tú tio̍h pek-hāi kah bú-jio̍k, goán iáu koh sī óa-khò lán ê Siōng-tè, hó-táⁿ bīn-tùi thiau-chiàn, kā Siōng-tè ê hok-im thoân hō͘ lín. | C註釋 註釋 串珠 原文 典藏 |
2:3 | Goán ê khoàn-bián m̄-sī chhut tī chhò-gō͘ á-.sī put-liông ê tōng-ki, mā m̄-sī kan-chà siūⁿ beh phiàn lâng. | C註釋 註釋 串珠 原文 典藏 |
2:4 | Si̍t-chè-siōng, Siōng-tè khòaⁿ goán ē kham-tit, chiah kā hok-im kau-thok goán, goán chiū chiàu ánne lâi thoân. M̄-sī beh hō͘ lâng hoaⁿ-hí, sī beh hō͘ kàm-chhat lán lāi-sim ê Siōng-tè hoaⁿ-hí. | C註釋 註釋 串珠 原文 典藏 |
2:5 | In-ūi lín chai, goán lóng m̄ bat tùi lín kóng phô͘-tháⁿ ê ōe, mā m̄ bat ū tham-sim ê liām-thâu, che Siōng-tè ē-tàng ūi goán chò-chèng. | C註釋 註釋 串珠 原文 典藏 |
2:6 | Goán chò Ki-tok ê sù-tô͘, sûi-jiân ē-tàng iau-kiû lâng chun-kèng goán, chóng-.sī, goán m̄ bat tùi lín á-.sī pa̍t lâng, iau-kiû kui êng-kng hō͘ goán. | C註釋 註釋 串珠 原文 典藏 |
2:7 | Goán tī lín tiong-kan ê sî, un-jiû tùi-thāi lín, chhin-chhiūⁿ lāu-bú teh iúⁿ-chhī kakī ê kiáⁿ-jî. | C註釋 註釋 串珠 原文 典藏 |
2:8 | Goán ánne thiàⁿ-sioh lín, m̄ nā kah lín hun-hióng Siōng-tè ê hok-im, liân kakī ê sèⁿ-miā mā hoaⁿ-hí hō͘ lín, in-ūi lín sī goán só͘ thiàⁿ ê. | C註釋 註釋 串珠 原文 典藏 |
2:9 | Hiaⁿ-tī chí-mōe, lín tio̍h ē kì-tit goán ê lô-khó͘ kang-chok, goán thoân Siōng-tè ê hok-im hō͘ lín ê sî, ūi tio̍h bô ài ke-thiⁿ lín jīm-hô lâng ê hū-tām, goán mê-ji̍t chò-kang lâi î-chhî goán ê seng-oa̍h hùi-iōng. | C註釋 註釋 串珠 原文 典藏 |
2:10 | Lín kah Siōng-tè ē-tàng ūi goán chò-chèng, tùi lín chiahê sìn-tô͘, goán ê chò lâng sī gōa-ni̍h-á sèng-kiat, kong-gī, bô thang hiâm. | C註釋 註釋 串珠 原文 典藏 |
2:11 | Lín chai goán tùi-thāi lín ta̍k lâng, chhin-chhiūⁿ lāu-pē teh tùi-thāi kakī ê kiáⁿ-jî. | C註釋 註釋 串珠 原文 典藏 |
2:12 | Goán kó͘-lē lín, an-ùi lín, sī ài beh hō͘ lín ê kiâⁿ-ta̍h ē-tàng hû-ha̍p Siōng-tè ê chí-ì, I ū ho͘-tiàu lín chìn-ji̍p I ê kok-tō͘ kah êng-iāu. | C註釋 註釋 串珠 原文 典藏 |
2:13 | Siōng-tè hō͘ The-sa-lô-nî-ke Kàu-hōe ê Sìn-sitGoán mā ūi tio̍h chit-ê iân-kò͘, kám-siā Siōng-tè bô soah, in-ūi lín tùi goán niá-siū Siōng-tè ê sìn-sit ê sî, lín bô kā i siūⁿ-chò sī lâng ê ōe, tian-tò tòng-chò khak-si̍t sī Siōng-tè ê sìn-sit. Chit-ê sìn-sit tī lín sìn-tô͘ tiong-kan teh khí chok-iōng. | C註釋 註釋 串珠 原文 典藏 |
2:14 | Hiaⁿ-tī chí-mōe, Iô-tá-iah tē-khu sio̍k Ki-tok I-é-su ê Siōng-tè ê kàu-hōe, ū siū tio̍h tông-pau ê pek-hāi. Lín siū tio̍h kakī tông-pau ê pek-hāi, tú chhin-chhiūⁿ in ū siū tio̍h Iô-tá-iah lâng ê pek-hāi. | C註釋 註釋 串珠 原文 典藏 |
2:15 | Hiahê Iô-tá-iah lâng hāi-sí Chú I-é-su kah chèng sian-ti, mā kā goán khu tio̍h chhut-kéng; in hō͘ Siōng-tè bô hoaⁿ-hí, koh kah chèng lâng chò tùi-te̍k. | C註釋 註釋 串珠 原文 典藏 |
2:16 | In sīm-chì chó͘-tòng goán thoân tit-kiù ê hok-im hō͘ gōa-pang lâng; in ánne kè-sio̍k hoān chōe, chōe-ok sî-sî teh koàn-boán, Siōng-tè ê siū-khì chòe-āu ē lîm-kàu in ê sin chiūⁿ. | C註釋 註釋 串珠 原文 典藏 |
2:17 | Páu-lô Ǹg-bāng koh Khì Hóng-būn in Hiaⁿ-tī chí-mōe, goán chiām-sî kah lín hun-lī, he sī seng-khu ê hun-lī, goán ê sim pēng bô lī-khui lín, goán gōa-ni̍h-á pek-chhiat siūⁿ beh koh kah lín kìⁿ-bīn. | C註釋 註釋 串珠 原文 典藏 |
2:18 | Goán chin ài khì lín hia. Góa Páu-lô chi̍t pái koh chi̍t pái siūⁿ beh khì, m̄ koh, Sa-tán kā goán chó͘-tòng. | C註釋 註釋 串珠 原文 典藏 |
2:19 | Lán ê Chú I-é-su chài-lîm ê sî, goán ê ǹg-bāng kah hoaⁿ-hí, í-ki̍p siōng thang khoa-kháu ê sī siáⁿ-mi̍h? Kám m̄-sī lín? | C註釋 註釋 串珠 字典 原文 典藏 |
2:20 | Lín si̍t-chāi sī goán ê kong-êng kah hoaⁿ-hí. | C註釋 註釋 串珠 原文 典藏 |