章節 | 全民台語聖經全羅經文 | 註釋 |
6:1 | [chèng chabó͘ gín'á] Lí chit-ê lú-kài tiong siōng súi ê, chhiáⁿ lí kā góa kóng lí ê lông-kun khì tó-ūi? Lí ê lông-kun oa̍t tńg-khì tó-ūi? Thang hō͘ goán kah lí chò-hóe khì chhōe i. | 註釋 串珠 原文 典藏 |
6:2 | [siàu-lí] Góa ê lông-kun lo̍h-khì i ê hn̂g, khì-kàu phang hoe kui pâi ê só͘-chāi. I tī hn̂g lāi teh chhī iûⁿ-kûn, koh bán pek-ha̍p hoe. | 註釋 串珠 字典 原文 典藏 |
6:3 | Góa sio̍k góa ê lông-kun, góa ê lông-kun mā sio̍k góa; i tī pek-ha̍p hoe ê tiong-kan teh chhī iûⁿ-kûn. | 註釋 串珠 字典 原文 典藏 |
6:4 | [chùn-lâm] Góa só͘ thiàⁿ ê, lí súi kah ná chhin-chhiūⁿ Til-chah, hó kah ná chhin-chhiūⁿ Ê-lú-sa-lèm, ui-gî kah ná chhin-chhiūⁿ gia̍h tōa kî ê kun-tūi. | 註釋 串珠 字典 原文 典藏 |
6:5 | Lí ê ba̍k-chiu m̄ thang khòaⁿ góa, in-ūi in ē toa̍t-khì góa ê sim-sîn; lí ê thâu-mn̂g chhin-chhiūⁿ soaⁿ-iûⁿ kui tīn, tó tī Gi-lia̍t ê soaⁿ piⁿ. | 註釋 串珠 字典 原文 典藏 |
6:6 | Lí ê chhùi-khí chhin-chhiūⁿ kui tīn ê iûⁿ-bó, seng-khu sé chheng-khì khí-.lâi; ta̍k chiah lóng ū siang-seⁿ kiáⁿ, bô kah chi̍t chiah sit-lo̍h i ê kiáⁿ. | 註釋 串珠 字典 原文 典藏 |
6:7 | Lí ê chhùi-phóe tī phè lāi, chhin-chhiūⁿ peh khui ê sia̍h-liû. | 註釋 串珠 字典 原文 典藏 |
6:8 | Ū la̍k-cha̍p-ê ông-hō͘, peh-cha̍p-ê pîn-hui, mā ū sǹg bē liáu ê kiong-lí. | 註釋 串珠 原文 典藏 |
6:9 | Góa ê hún-chiáu, góa ê sûn-choân ê sī to̍k-it ê; i sī in lāu-bú to̍k-seⁿ ê, sī seⁿ i ê só͘ te̍k-pia̍t thiàⁿ ê. Chiahê chabó͘ gín'á khòaⁿ-.tio̍h, chiū oló i ū hok-khì; ông-hō͘ kah pîn-hui khòaⁿ-.tio̍h, mā oló i. | 註釋 串珠 字典 原文 典藏 |
6:10 | Hitê ǹg gōa-bīn khòaⁿ chhut-.khì, chhin-chhiūⁿ chá-khí sî ê kng, koh súi kah ná chhin-chhiūⁿ goe̍h-niû, chheng-kiat kah ná chhin-chhiūⁿ ji̍t-thâu, ui-gî kah ná chhin-chhiūⁿ gia̍h tōa kî ê kun-tūi ê, i sī siáⁿ lâng? | 註釋 串珠 字典 原文 典藏 |
6:11 | Góa lo̍h-khì hu̍t-thô hn̂g, beh khòaⁿ soaⁿ-kok tiong chheⁿ-chhùi ê si̍t-bu̍t, beh khòaⁿ phû-tô hoat íⁿ á-bōe, sia̍h-liû khui hoe á-bōe. | 註釋 串珠 字典 原文 典藏 |
6:12 | Tī bô phah-sǹg ê tiong-kan, góa ê sim-sîn kā góa an-tì tī chun-kùi ê lâng ê chhia tiong. | 註釋 串珠 字典 原文 典藏 |
6:13 | [chèng chabó͘ gín'á] Tò tńg-.lâi, Su-la-mih( Chù, " Ngá-ko " tiong lí-sióng chêng-jîn ê hòa-sin. )! Tò tńg-.lâi, hō͘ goán thang khòaⁿ tio̍h lí. [siàu-lí] Lín ūi siáⁿ-mi̍h beh khòaⁿ Su-la-mih, chhin-chhiūⁿ khòaⁿ Ma-há-niam ( Chù, Iol-tàn hô tang ê chi̍t-ê só͘-chāi, in-ūi Iâ-kop kah thiⁿ-sài siong-hōe lâi hō-miâ, tī Ga̍t pian-kéng, pun hō͘ Lē-bī lâng. )ê thiàu-bú? | 註釋 串珠 原文 典藏 |