章節 | 全民台語聖經全羅經文 | 註釋 |
5:1 | [chùn-lâm] Góa ê sió-mōe, góa ê ài-jîn-á, góa ji̍p-khì góa ê hn̂g lāi, bán góa ê bu̍t-io̍h kah góa ê phang-liāu, chia̍h góa ê bi̍t-pâng kah góa ê bi̍t; lim góa ê chiú kah góa ê leng. [chèng chabó͘ gín'á] Pêng-iú, lâi chia̍h! Lông-kun, lâi lim, koh lim chin chē! | 註釋 串珠 字典 原文 典藏 |
5:2 | [siàu-lí] Góa teh khùn, góa ê sim iáu cheng-sîn. Che sī goán lông-kun ê siaⁿ, i phah mn̂g, kóng: [chùn-lâm] Góa ê sió-mōe, góa só͘ ài ê, góa ê hún-chiáu, góa ê sûn-choân ê, kiû lí kā góa khui mn̂g; in-ūi góa ê thâu-khak lō͘-chúi móa-móa; góa ê thâu-mn̂g hō͘ àm-sî ê lō͘-chúi tih tâm. | 註釋 串珠 字典 原文 典藏 |
5:3 | [siàu-lí] Góa í-keng thǹg góa ê saⁿ, beh án-chóaⁿ koh chhēng? Góa í-keng sé góa ê kha, ná ē thang koh òe lahsap? | 註釋 串珠 字典 原文 典藏 |
5:4 | Góa ê lông-kun tùi mn̂g phāng chhun chhiú ji̍p-.lâi, góa ê sim-tn̂g ūi tio̍h i lâi kek-tōng. | 註釋 串珠 原文 典藏 |
5:5 | Góa khí-lâi beh kā góa ê lông-kun khui mn̂g; góa siang chhiú ê bu̍t-io̍h tih lo̍h-.khì, góa ê chéng-thâu-á ū bu̍t-io̍h chiap tih tī mn̂g-chhòaⁿ. | 註釋 串珠 字典 原文 典藏 |
5:6 | Góa kā góa ê lông-kun khui mn̂g, m̄ koh, góa ê lông-kun í-keng oa̍t tńg-sin khì à; góa ūi tio̍h i ê ōe, sîn put hù thé; góa chhōe i mā chhōe bē tio̍h; góa kiò i, i mā bô ìn. | 註釋 串珠 原文 典藏 |
5:7 | Siâⁿ lāi sûn-lô ê lâng tú tio̍h góa, phah góa, siong góa; kò͘ siâⁿ chhiûⁿ ê lâng chhiúⁿ góa ê moa-kin. | 註釋 串珠 字典 原文 典藏 |
5:8 | Ê-lú-sa-lèm ê chèng chabó͘ gín'á, góa pek-chhiat hoan-hù lí, nā tú tio̍h góa ê lông-kun, tio̍h kā i kóng, góa ūi i pēⁿ siuⁿ-si. | 註釋 串珠 原文 典藏 |
5:9 | [chèng Cha-bó͘ gín'á] Lí chit-ê lú-kài tiong siōng súi ê, lí ê lông-kun pí pa̍t lâng ê lông-kun ū siáⁿ-mi̍h khah iâⁿ? Lí ê lông-kun pí pa̍t lâng ê lông-kun ū siáⁿ-mi̍h khah iâⁿ, lí chiah ē ánne pek-chhiat kā goán hoan-hù? | 註釋 串珠 原文 典藏 |
5:10 | [siàu-lí] Góa ê lông-kun sī pe̍h koh âng, sī bān lâng tiong ê siōng súi ê. | 註釋 串珠 原文 典藏 |
5:11 | I ê thâu-khak chhin-chhiūⁿ siōng hó ê kim, i ê thâu-mn̂g sôe lo̍h-.lâi, o͘ kah chhin-chhiūⁿ o͘-a. | 註釋 串珠 字典 原文 典藏 |
5:12 | I ê ba̍k-chiu chhin-chhiūⁿ khe piⁿ ê hún-chiáu, ēng leng kā i sé, koh an-tì kah chin hó-sè. | 註釋 串珠 字典 原文 典藏 |
5:13 | I ê chhùi-phóe chhin-chhiūⁿ phang-hoe kui pâi, koh chhin-chhiūⁿ phang chháu ê tâi. I ê chhùi-tûn chhin-chhiūⁿ pek-ha̍p hoe, koh tih-lo̍h bu̍t-io̍h chiap. | 註釋 串珠 字典 原文 典藏 |
5:14 | I ê siang chhiú chhin-chhiūⁿ kim-khoân siuⁿ n̂g-ge̍k; i ê seng-khu chhin-chhiūⁿ tiau-khek ê chhiūⁿ-gê, sì-kho͘-ûi siuⁿ nâ-pó-chio̍h. | 註釋 串珠 字典 原文 典藏 |
5:15 | I ê kha-thúi chhin-chhiūⁿ pe̍h-ge̍k ê chio̍h-thiāu an-tì tī sûn-kim ê chō; i ê gōa-māu chhin-chhiūⁿ Le-ba-nòng, koh chin súi, chhin-chhiūⁿ pek-hiuⁿ chhiū. | 註釋 串珠 字典 原文 典藏 |
5:16 | I ê ōe hui-siông tiⁿ, i oân-choân kah tit lâng thiàⁿ; Ê-lú-sa-lèm ê chèng chabó͘ gín'á, che sī góa ê lông-kun, che sī góa ê pêng-iú. | 註釋 串珠 原文 典藏 |