章節 | 全民台語聖經全羅經文 | 註釋 |
1:1 | Só͘-lô-móng si-koa tiong ê Ngá-ko. | 註釋 串珠 原文 典藏 |
1:2 | [siàu-lí] Goān i ēng i ê chhùi lâi chim góa, in-ūi lí ê ài-chêng pí chiú khah kam-tiⁿ. | 註釋 串珠 字典 原文 典藏 |
1:3 | Lí ê ko-iû phang koh hó; lí ê miâ chhin-chhiūⁿ tò chhut-.lâi ê ko-iû, só͘-í, chèng chabó͘ gín'á lóng ài lí. | 註釋 串珠 字典 原文 典藏 |
1:4 | Goān lí khan góa, goán chiū cháu-lâi tòe lí; ông chhōa góa ji̍p-khì i ê pâng lāi; goán beh in-ūi lí lâi hoaⁿ-hí khoài-lo̍k, goán beh oló lí ê ài-chêng iâⁿ-kòe hó chiú; in ài lí sī eng-kai ê. | 註釋 串珠 字典 原文 典藏 |
1:5 | Ê-lú-sa-lèm ê chèng chabó͘ gín'á, góa sī o͘ koh seⁿ-chò hó khòaⁿ, chhin-chhiūⁿ Ke-tal ê pò͘-pêⁿ, chhin-chhiūⁿ Só͘-lô-móng ê tiùⁿ-lî. | 註釋 串珠 字典 原文 典藏 |
1:6 | M̄-thang khòaⁿ góa phôe-hu lio̍h-á o͘, he sī in-ūi ji̍t-thâu pha̍k góa; goán lāu-bú ê kiáⁿ bat tùi góa siū-khì, in hō͘ góa kò͘-siú in ê phû-tô hn̂g; góa kakī ê phû-tô hn̂g soah bô hoat-tō͘ kò͘-siú. | 註釋 串珠 字典 原文 典藏 |
1:7 | Góa sim só͘ ài ê lâng, kiû lí kā góa kóng, lí tī siáⁿ-mi̍h só͘-chāi teh chhī iûⁿ? Tiong-tàu sî lí hō͘ in hioh tī siáⁿ-mi̍h só͘-chāi? Tī lí tâng-phōaⁿ ê iûⁿ-kûn ê piⁿ-á, góa ná ē chhin-chhiūⁿ tà bīn ê lâng? | 註釋 串珠 字典 原文 典藏 |
1:8 | [chùn-lâm] Lú-kài tiong siōng súi ê, lí nā m̄-chai só͘-chāi, chò lí chhut-.khì, tòe iûⁿ-kûn ê kha-jiah khì; chhī lí ê soaⁿ-iûⁿ-á tī bo̍k-chiá ê pò͘-pêⁿ piⁿ. | 註釋 串珠 字典 原文 典藏 |
1:9 | Góa só͘ ài ê, góa kā lí pí-phēng chò chhin-chhiūⁿ Hôa-láu ê chiàn-chhia ê bé. | 註釋 串珠 字典 原文 典藏 |
1:10 | Lí chhùi-phóe ê mn̂g-pīⁿ chin súi, lí ê ām-kún kòa chu-pó ê liān-á, chin hó khòaⁿ. | 註釋 串珠 字典 原文 典藏 |
1:11 | Goán beh kā lí chò kim liān-á, koh siuⁿ gîn liú-á. | 註釋 串珠 字典 原文 典藏 |
1:12 | [siàu-lí] Ông chē-toh ê sî, góa ê ná-ta̍t phang-iû chhèng-chhut i ê phang-bī. | 註釋 串珠 字典 原文 典藏 |
1:13 | Góa ê lông-kun sī góa ê chi̍t-pau bu̍t-io̍h, tòa tī góa ê heng chêng. | 註釋 串珠 字典 原文 典藏 |
1:14 | Góa ê lông-kun sī góa ê chi̍t pha chéng-kah hoe, khui tī Ian-ge-tih ê phû-tô hn̂g lāi. | 註釋 串珠 字典 原文 典藏 |
1:15 | [chùn-lâm] Góa só͘ ài ê, lí khòaⁿ, lí chin súi; lí khòaⁿ, lí chin súi; lí ê ba̍k-chiu chhin-chhiūⁿ hún-chiáu. | 註釋 串珠 字典 原文 典藏 |
1:16 | [siàu-lí] Góa ê lông-kun, lí khòaⁿ, lí chin súi, lí si̍t-chāi sī thang hoaⁿ-hí ê; lán ê bîn-chhn̂g lóng sī chheⁿ-le̍k sek. | 註釋 串珠 字典 原文 典藏 |
1:17 | Lán ê chhù ê êⁿ-á sī pek-hiuⁿ chhâ, i ê kak-á sī chhêng-peh chhâ. | 註釋 串珠 字典 原文 典藏 |