章節 | 全民台語聖經全羅經文 | 註釋 |
9:1 | Góa kā che it-chhè ê tāichì khǹg tī sim-lāi, koh siông-sè chhâ-khó, chiū chai gī lâng kah tì-hūi ê lâng, in ê só͘ chò lóng tī Siōng-tè ê chhiú tiong; á-.sī thiàⁿ á-.sī oàn-hūn, lóng tī in ê thâu-chêng, m̄ koh in m̄-chai. | 註釋 串珠 康來昌 原文 典藏 |
9:2 | Hoān-nā lîm-kàu kûn-chiòng ê tāichì lóng sī sio-siâng. Gī lâng kah pháiⁿ lâng lóng tú tio̍h kāng-khoán ê tāichì; hó lâng kah pháiⁿ lâng; chheng-khì ê lâng kah bô chheng-khì ê lâng, hiàn chè ê lâng kah bô hiàn chè ê lâng mā sī sio-siâng. Hó lâng ánne, chōe-jîn mā sī ánne; chiùchōa ê lâng ánne, kiaⁿ chiùchōa ê mā sī ánne. | 註釋 串珠 康來昌 原文 典藏 |
9:3 | Tī ji̍t-kng ê ē-bīn só͘ kiâⁿ ê it-chhè tāichì tiong, ū chi̍t hāng pháiⁿ tāi, to̍h-sī chèng lâng só͘ tú-.tio̍h ê lóng sī sio-siâng. Sè-kan lâng ê sim chhiong-móa pháiⁿ, oa̍h ê sî sim-lāi tian-kông, āu-lâi in chiū kui tī sí-lâng. | 註釋 串珠 康來昌 原文 典藏 |
9:4 | Kiàn-nā sio̍k tī oa̍h ê lâng, hit-ê lâng iáu ū ǹg-bāng, in-ūi oa̍h ê káu iâⁿ-kòe sí ê sai. | 註釋 串珠 康來昌 字典 原文 典藏 |
9:5 | Oa̍h ê lâng chai-iáⁿ ē sí, sí ê lâng lóng m̄-chai, mā bô tit tio̍h pò-siúⁿ, in ê miâ hō͘ lâng bē kì-.tit. | 註釋 串珠 康來昌 原文 典藏 |
9:6 | In ê thiàⁿ, in ê oàn-hūn kah in ê chi̍t-tò͘, lóng í-keng siau-bia̍t. Tī ji̍t-kng ê ē-bīn só͘ kiâⁿ ê it-chhè tāichì, éng-oán bô in ê hūn. | 註釋 串珠 康來昌 原文 典藏 |
9:7 | Chò lí khì hoaⁿ-hí chia̍h lí ê pn̄g, ēng khoài-lo̍k ê sim lim chiú, in-ūi Siōng-tè í-keng chiap-la̍p lí ê só͘ chò. | 註釋 串珠 康來昌 字典 原文 典藏 |
9:8 | Lí ê saⁿ-khò͘ tio̍h tiāⁿtiāⁿ sé chheng-khì, lí boah thâu-khak ê iû mā m̄ thang khiàm-khoeh. | 註釋 串珠 康來昌 字典 原文 典藏 |
9:9 | Tī lí it-seng khang-hi ê ji̍t-chí, to̍h-sī Siōng-tè siúⁿ-sù hō͘ lí tī ji̍t-kng ê ē-bīn khang-hi ê ji̍t-chí, tio̍h kah lí só͘ thiàⁿ ê chabó͘ lâng khoài-lo̍k kòe-ji̍t, in-ūi he sī lí chāi-seⁿ ê sî, tī ji̍t-kng ê ē-bīn, lô-lo̍k só͘ tit tio̍h ê hok-hūn. | 註釋 串珠 康來昌 原文 典藏 |
9:10 | Kiàn-nā lí ê chhiú só͘ eng-kai chò ê tāichì, tio̍h chīn-la̍t khì chò; in-ūi tī lí só͘ beh khì ê im-kan, bô kang-chok, bô kè-ōe, bô tì-sek, mā bô tì-hūi. | 註釋 串珠 康來昌 原文 典藏 |
9:11 | Góa koh oa̍t tńg-lâi siūⁿ, tī ji̍t-kng ê ē-bīn gâu cháu ê bô it-tēng ē seng kàu, ū la̍t ê bô it-tēng ē khah iâⁿ, tì-hūi ê lâng bô it-tēng ē tit tio̍h bí-niûⁿ, bêng-lí ê lâng bô it-tēng ē tit tio̍h hó-gia̍h, kî-khiáu ê lâng mā bô it-tēng ē tit tio̍h un-tián. In só͘ tú-.tio̍h ê lóng chāi tī sî-kî kah ngó͘-jiân. | 註釋 串珠 康來昌 字典 原文 典藏 |
9:12 | In-ūi lâng ê sî-kî i kakī m̄-chai; chhin-chhiūⁿ hî put-hēng hō͘ bāng ûi-.tio̍h, chiáu hō͘ lô-bāng tng-.tio̍h, chai-hō hut-jiân lîm-kàu ê sî, sè-kan lâng hām-lo̍h tī hit lāi-bīn, mā sī ánne. | 註釋 串珠 康來昌 字典 原文 典藏 |
9:13 | Tì-hūi Iâⁿ-kòe Bú-le̍kGóa khòaⁿ tio̍h ji̍t-kng ê ē-bīn ū chi̍t hāng tì-hūi, chiàu góa khòaⁿ sī chin tōa. | 註釋 串珠 康來昌 原文 典藏 |
9:14 | Chiū-sī ū chi̍t-ê sè-sè ê siâⁿ, hit tiong-kan lâng chió-chió; ū tōa kun-ông lâi kong-kek, kā i ûi-khùn, koh khí koân ê thô͘-tui lâi kā i kong-kek. | 註釋 串珠 康來昌 字典 原文 典藏 |
9:15 | Siâⁿ lāi ū chi̍t-ê sànchhiah koh ū tì-hūi ê lâng, i ēng tì-hūi kiù hit-ê siâⁿ. Chóng-.sī, bô lâng kì-liām hit-ê sànchhiah lâng. | 註釋 串珠 康來昌 原文 典藏 |
9:16 | Góa chiū kóng, tì-hūi iâⁿ-kòe khùi-la̍t, m̄ koh, hit-ê sànchhiah lâng ê tì-hūi hō͘ lâng khòaⁿ-khin, i ê ōe mā bô lâng beh thiaⁿ. | 註釋 串珠 康來昌 原文 典藏 |
9:17 | Tì-hūi ê lâng tī an-chēng tiong kóng-ōe, pí gōng lâng ê thâu-ba̍k tōa-siaⁿ jióng khah ū lâng thiaⁿ. | 註釋 串珠 康來昌 原文 典藏 |
9:18 | Tì-hūi iâⁿ-kòe kau-chiàn ê kun-khì; chóng-.sī, chi̍t-ê ū chōe ê lâng ē pāi-hoāi chin chē hó sū. | 註釋 串珠 康來昌 字典 原文 典藏 |