章節 | 全民台語聖經全羅經文 | 註釋 |
4:1 | Góa koh oa̍t tńg-lâi khòaⁿ, khòaⁿ tio̍h tī ji̍t-kng ê ē-bīn só͘ hoat-seng ê it-chhè ê ap-pek. Lí khòaⁿ, siū ap-pek ê teh lâu ba̍k-sái, mā bô lâng an-ùi. In bô tit tio̍h an-ùi, sī in-ūi ap-pek in ê ū sè-le̍k.. | 註釋 串珠 康來昌 原文 典藏 |
4:2 | In-ūi ánne, góa oló hiahê í-keng sí-.khì ê sí-lâng, iâⁿ-kòe hiahê iáu oa̍h-.leh ê oa̍h-lâng. | 註釋 串珠 康來昌 原文 典藏 |
4:3 | M̄ koh, hit-ê iáu-bōe chhut-sì ê, to̍h-sī khòaⁿ bē tio̍h ji̍t-kng ê ē-bīn só͘ hoat-seng ê pháiⁿ tāi ê, i pí chit nn̄g chióng iáu khah hó. | 註釋 串珠 康來昌 原文 典藏 |
4:4 | Góa koh khòaⁿ tio̍h lâng ūi tio̍h it-chhè ê lô-khó͘ kah ta̍k chióng kî-khiáu ê kang, chiū hō͘ chhù-piⁿ oàn-tò͘. Che mā sī khang-hi, mā sī lia̍h-hong. | 註釋 串珠 康來昌 原文 典藏 |
4:5 | Gû-gōng ê lâng chhiú phah chhe, chia̍h kakī ê bah. | 註釋 串珠 康來昌 原文 典藏 |
4:6 | Chi̍t chhiú móa-móa koh ū pêng-an, iâⁿ-kòe nn̄g chhiú móa-móa lâi lô-lo̍k lia̍h-hong. | 註釋 串珠 康來昌 原文 典藏 |
4:7 | Góa koh oa̍t tńg-lâi khòaⁿ, tī ji̍t-kng ê ē-bīn ū khang-hi ê tāichì. | 註釋 串珠 康來昌 原文 典藏 |
4:8 | Ū lâng ko͘-toaⁿ bô phōaⁿ, bô kiáⁿ mā bô hiaⁿ-tī. I kèng-jiân lô-lo̍k bô soah, i ê ba̍k-chiu bô khòaⁿ chîⁿ-châi chò kàu-gia̍h. I kóng, " Góa lô-lo̍k khek-khó͘ kakī, bô hióng-hok, tàu-té sī teh ūi siáⁿ lâng? " Che mā sī khang-hi, mā sī ke̍k tāng ê lô-khó͘. | 註釋 串珠 康來昌 原文 典藏 |
4:9 | Nn̄g-ê lâng chóng pí chi̍t-ê lâng khah hó, in-ūi in chò-hóe lô-khó͘ tit tio̍h hó ê hāu-kó. | 註釋 串珠 康來昌 原文 典藏 |
4:10 | Poa̍h-tó ê sî, chit-ê lâng thang hû i ê tâng-phōaⁿ khí-.lâi; nā-sī toaⁿ-sin lâi poa̍h-tó, bô pa̍t lâng hû i khí-.lâi, chit-ê lâng chiū ū chai-hō. | 註釋 串珠 康來昌 原文 典藏 |
4:11 | Jî-chhiáⁿ nn̄g lâng chò-hóe khùn chiū ē sio-lō; nā kakī chi̍t-ê lâng khùn, ná ē sio lè? | 註釋 串珠 康來昌 原文 典藏 |
4:12 | Tan-tan chi̍t-ê lâng, lâng chiū ē phah-iâⁿ i; nā ū nn̄g-ê lâng, chiū ē tí-tòng i; saⁿ kó͘ ê soh bē hiah kín tn̄g. | 註釋 串珠 康來昌 字典 原文 典藏 |
4:13 | Sàn-chhiah koh ū tì-hūi ê siàu-liân lâng, iâⁿ-kòe nî lāu koh m̄-khéng siū kàn-chèng ê gōng ông. | 註釋 串珠 康來昌 原文 典藏 |
4:14 | Chit-ê lâng sī tùi kaⁿ lāi chhut-lâi chò ông; tī i ê kok lāi, chhut-sì sī sànchhiah lâng. | 註釋 串珠 康來昌 字典 原文 典藏 |
4:15 | Góa khòaⁿ tio̍h tī ji̍t-kng ê ē-bīn teh kiâⁿ ê oa̍h-lâng, lóng chun-thàn hit-ê siàu-liân lâng, to̍h-sī tē-jī-ê, sòa-chiap i ê ūi ê lâng. | 註釋 串珠 康來昌 原文 典藏 |
4:16 | I só͘ koán ê jîn-bîn chin chē, sǹg bē liáu; chóng-.sī, āu-lâi ê lâng bô ūi tio̍h i lâi hoaⁿ-hí. Che mā sī khang-hi, mā sī lia̍h-hong. | 註釋 串珠 康來昌 原文 典藏 |