章節 | 全民台語聖經全羅經文 | 註釋 |
29:1 | Lâng tiāⁿtiāⁿ siū chek-hoa̍t, iû-goân ngē i ê ām-kún, i ē hut-jiân-kan pāi-hoāi, lóng bô hoat-tō͘ thang i-tī. | 註釋 串珠 康來昌 原文 典藏 |
29:2 | Gī lâng ke-thiⁿ chin chē ê sî, jîn-bîn chiū khoài-lo̍k; pháiⁿ lâng chiáng-koân ê sî, jîn-bîn chiū thó͘-khùi. | 註釋 串珠 康來昌 原文 典藏 |
29:3 | Him-bō͘ tì-hūi ê lâng hō͘ lāu-pē khoài-lo̍k; kah ki-lí kiat-kau ê lâng khui lāu-pē ê chîⁿ-châi. | 註釋 串珠 康來昌 原文 典藏 |
29:4 | Ông chiàu kong-pêⁿ ē hō͘ kok kian-kò͘; ài chiap-siū o͘-se ê ông chiū ē kā kok chhia-tó. | 註釋 串珠 康來昌 原文 典藏 |
29:5 | Phô͘-tháⁿ i chhù-piⁿ ê lâng, to̍h-sī siat lô-bāng tîⁿ kakī ê kha. | 註釋 串珠 康來昌 字典 原文 典藏 |
29:6 | Pháiⁿ lâng ê chōe sī in ê lô-bāng; to̍k-to̍k gī lâng ē-tàng chhiùⁿ koa hoaⁿ-hí. | 註釋 串珠 康來昌 字典 原文 典藏 |
29:7 | Gī lâng chhâ-bêng sànchhiah lâng ê àn-kiāⁿ; pháiⁿ lâng bô bêng-lí lóng bô koan-sim. | 註釋 串珠 康來昌 原文 典藏 |
29:8 | Bú-bān ê lâng kiáu-jiáu siâⁿ, ná chhin-chhiūⁿ teh pàng hóe sio; to̍k-to̍k tì-sek ê lâng ē hō͘ siū-khì lóng soah. | 註釋 串珠 康來昌 原文 典藏 |
29:9 | Tì-hūi ê lâng kah gōng lâng sio-cheⁿ, á-.sī siū-khì á-.sī kiàn-siàu lóng bē tàng an-chēng. | 註釋 串珠 康來昌 原文 典藏 |
29:10 | Ài thâi lâng ê lâng oàn-hūn oân-siān ê lâng; to̍k-to̍k chèng-ti̍t ê lâng ē-tàng pó-siú kakī ê sèⁿ-miā. | 註釋 串珠 康來昌 原文 典藏 |
29:11 | Gû-gōng ê lâng ū siū-khì chiū lóng hián-chhut; m̄ koh, tì-sek ê lâng chiū iok-sok kakī hō͘ i soah. | 註釋 串珠 康來昌 原文 典藏 |
29:12 | Chiáng-koân ê lâng nā chun-thàn pe̍h-chha̍t ōe, i ê jîn-sîn chiū lóng sī pháiⁿ. | 註釋 串珠 康來昌 原文 典藏 |
29:13 | Sàn-chhiah lâng kah pō-gio̍k ê lâng sio tú-.tio̍h; Siōng-chú pêⁿ-pêⁿ chiò-kng in nn̄g chióng lâng ê ba̍k-chiu. | 註釋 串珠 康來昌 原文 典藏 |
29:14 | Ông nā chiàu sêng-si̍t phòaⁿ-toàn sànchhiah lâng, i ê chō-ūi chiū ē éng-oán kian-kò͘. | 註釋 串珠 康來昌 字典 原文 典藏 |
29:15 | Koái-á kah chek-pī ē ke-thiⁿ tì-hūi; pàng chhut-chāi i ê gín'á, ē hō͘ lāu-bú kiàn-siàu. | 註釋 串珠 康來昌 字典 原文 典藏 |
29:16 | Pháiⁿ lâng ke-thiⁿ ê sî, chōe-kò mā ke-thiⁿ; gī lâng ē khòaⁿ tio̍h in sit-pāi. | 註釋 串珠 康來昌 原文 典藏 |
29:17 | Kàu-tok lí ê kiáⁿ, i chiū ē hō͘ lí an-sim; i mā ē hō͘ lí ê sim hoaⁿ-hí. | 註釋 串珠 康來昌 原文 典藏 |
29:18 | Nā bô Siōng-tè be̍k-sī ī-siōng, jîn-bîn chiū hòng-chhiòng; chí ū chip-siú lu̍t-hoat ê lâng ū hok-khì. | 註釋 串珠 康來昌 原文 典藏 |
29:19 | Kan-taⁿ ēng ōe, lô͘-po̍k m̄-khéng siū kàu-tok; i sûi-jiân bêng-pe̍k, mā bô teh tì-ì. | 註釋 串珠 康來昌 原文 典藏 |
29:20 | Lí khòaⁿ tio̍h kóng-ōe chhong-pōng ê lâng bô? Gōng lâng pí i khah ū ǹg-bāng. | 註釋 串珠 康來昌 原文 典藏 |
29:21 | Lâng nā kā lô͘-po̍k tùi sè-hàn to̍h khoán-thāi kòe-thâu; chit-ê lô͘-po̍k kàu lō͘-bóe ē piàn-chò i ê kiáⁿ lâi tit châi-sán. | 註釋 串珠 康來昌 原文 典藏 |
29:22 | Ài siū-khì ê lâng khí sio-cheⁿ, tōa siū-khì ê lâng chin chē ē tì-sú hoān chōe. | 註釋 串珠 康來昌 原文 典藏 |
29:23 | Lâng ê kiau-ngō͘ ē hō͘ i kàng kē; sim khiam-pi ê lâng ē hō͘ i tit tio̍h êng-kng. | 註釋 串珠 康來昌 原文 典藏 |
29:24 | Kah chha̍t hun-chong ê lâng sī oàn-hūn kakī ê sèⁿ-miā; i thiaⁿ tio̍h kiò lâng chiùchōa ê ōe, mā bē kóng-chhut si̍t-ōe. | 註釋 串珠 康來昌 原文 典藏 |
29:25 | Kiaⁿ lâng bô kiaⁿ Siōng-tè ê lô͘-po̍k to̍h-sī chū siat lô-bāng; to̍k-to̍k óa-khò Siōng-chú ê lâng ē tit tio̍h an-ún. | 註釋 串珠 康來昌 字典 原文 典藏 |
29:26 | Chin chē lâng kiû chiáng-koân-chiá ê un-tián; to̍k-to̍k lâng ê siū phòaⁿ-toàn sī tùi Siōng-chú lâi. | 註釋 串珠 康來昌 原文 典藏 |
29:27 | Bô kong-tō ê lâng sī gī lâng só͘ thó-ià; kiâⁿ chèng-ti̍t ê lâng sī pháiⁿ lâng só͘ thó-ià. | 註釋 串珠 康來昌 字典 原文 典藏 |