章節 | 全民台語聖經全羅經文 | 註釋 |
28:1 | Pháiⁿ lâng bô lâng jiok mā teh cháu; to̍k-to̍k gī lâng hó-táⁿ chhin-chhiūⁿ sai. | 註釋 串珠 康來昌 字典 原文 典藏 |
28:2 | In-ūi tē-hng ū chōe-kò, kun-ông chiū chin chē; ū bêng-lí kah tì-sek ê kun-ông, kok chiū ē kú-tn̂g an-tēng. | 註釋 串珠 康來昌 原文 典藏 |
28:3 | Sàn-chhiah ê lâng khi-hū sànchhiah lâng, ná chhin-chhiūⁿ chò tōa-chúi ê hō͘ kā ngó͘-kok chhiong bô-.khì. | 註釋 串珠 康來昌 字典 原文 典藏 |
28:4 | Pàng-sak lu̍t-hoat ê lâng oló pháiⁿ lâng; chóng-.sī, chip-siú lu̍t-hoat ê lâng kah pháiⁿ lâng sio-cheⁿ. | 註釋 串珠 康來昌 原文 典藏 |
28:5 | Pháiⁿ lâng bô bêng-pe̍k kong-gī, m̄ koh, cháu-chhōe Siōng-chú ê lâng lóng bêng-pe̍k. | 註釋 串珠 康來昌 原文 典藏 |
28:6 | Sàn-chhiah lâi kiâⁿ chèng-ti̍t, iâⁿ-kòe chò tāichì oan-khiau ê hó-gia̍h lâng. | 註釋 串珠 康來昌 字典 原文 典藏 |
28:7 | Kín-sīn siú lu̍t-hoat ê lâng sī tì-hūi ê kiáⁿ; kah tham-chia̍h ê lâng chò-phōaⁿ sī teh lêng-jio̍k lāu-pē. | 註釋 串珠 康來昌 原文 典藏 |
28:8 | Pàng tāng-lāi lâi hoat-châi ê lâng, sī teh kā liân-bín sànchhiah lâng ê lâng chek-chū châi-hù. | 註釋 串珠 康來昌 原文 典藏 |
28:9 | Hīⁿ-khang oa̍t-cháu, m̄-thiaⁿ lu̍t-hoat ê lâng, liân i ê kî-tó mā sī khó-ò͘ⁿ. | 註釋 串珠 康來昌 原文 典藏 |
28:10 | Bê-he̍k chèng-ti̍t lâng kiâⁿ pháiⁿ lō͘ ê lâng, ē poa̍h lo̍h-khì kakī ê hām-kheⁿ; to̍k-to̍k oân-choân ê lâng ē sêng-chiap hó ê sán-gia̍p. | 註釋 串珠 康來昌 字典 原文 典藏 |
28:11 | Hó-gia̍h lâng kakī khòaⁿ-chò sī ū tì-hūi, to̍k-to̍k chhong-bêng ê sànchhiah lâng kā i khòaⁿ chhut-chhut. | 註釋 串珠 康來昌 原文 典藏 |
28:12 | Gī lâng tek-chì ū tōa êng-kng; pháiⁿ lâng heng-khí, lâng chiū cháu-khì bih. | 註釋 串珠 康來昌 原文 典藏 |
28:13 | Am-khàm kakī chōe-ok ê lâng bē heng-thong; to̍k-to̍k jīn chōe lâi hóe-kái ê lâng ē tit tio̍h liân-bín. | 註釋 串珠 康來昌 原文 典藏 |
28:14 | Tiāⁿ-tiāⁿ chûn kiaⁿ-ùi Siōng-chú ê lâng ū hok-khì; ngē i ê sim ê lâng ē hām-lo̍h chai-hō. | 註釋 串珠 康來昌 原文 典藏 |
28:15 | Pō-gio̍k ê kun-ông koán-hat sànchhiah ê jîn-bîn, ná chhin-chhiūⁿ hm̄-hm̄ háu ê sai kah teh chhōe chia̍h ê hîm. | 註釋 串珠 康來昌 字典 原文 典藏 |
28:16 | Bû-ti ê kun-ông chin chē kiâⁿ pō-gio̍k; oàn-hūn tham-châi ê kun-ông ē chia̍h tn̂g hòe-siū. | 註釋 串珠 康來昌 原文 典藏 |
28:17 | Tam-tng thâi lâng ê chōe ê lâng ē cháu ji̍p-khì chhim kheⁿ, lâng m̄ thang kā i chó͘-tòng. | 註釋 串珠 康來昌 字典 原文 典藏 |
28:18 | Chò tāichì chèng-ti̍t ê lâng ē tit tio̍h chín-kiù; chò tāichì oan-khiau ê lâng ē sûi-sî poa̍h-tó. | 註釋 串珠 康來昌 字典 原文 典藏 |
28:19 | Chèng-choh chhân-hn̂g ê lâng ē ū bí-niûⁿ kàu-gia̍h; kau-pôe bô hē-lo̍h ê lâng ē ke̍k sànchhiah. | 註釋 串珠 康來昌 字典 原文 典藏 |
28:20 | Sìn-si̍t ê lâng ē tit tio̍h chin chē hok-khì; siūⁿ beh hoat hoâiⁿ-châi ê lâng bē bián-tit ē siū hêng-hoa̍t. | 註釋 串珠 康來昌 原文 典藏 |
28:21 | Khòaⁿ lâng tōa-sè ba̍k ê lâng sī m̄-hó; in-ūi chi̍t tè piáⁿ lâi hoān-hoat ê lâng mā sī m̄-hó. | 註釋 串珠 康來昌 字典 原文 典藏 |
28:22 | Lâng tàng-sng koh siūⁿ beh hoat hoâiⁿ-châi, siūⁿ bē kàu sànchhiah ē lîm-kàu i. | 註釋 串珠 康來昌 原文 典藏 |
28:23 | Kā lâng chek-pī āu-lâi tit tio̍h lâng hoaⁿ-hí, pí ēng chi̍h phô͘-tháⁿ ê lâng tit tio̍h khah chē lâng ê hoaⁿ-hí. | 註釋 串珠 康來昌 原文 典藏 |
28:24 | Thau-the̍h lāu-pē á-.sī lāu-bú ê mi̍h, koh kóng, " Che m̄-sī chōe ", chit khoán lâng sī kah kiông-tō kâng lūi. | 註釋 串珠 康來昌 原文 典藏 |
28:25 | Tham-sim ê lâng ē khí sio-cheⁿ; m̄ koh óa-khò Siōng-chú ê lâng ē tit tio̍h hong-sēng. | 註釋 串珠 康來昌 原文 典藏 |
28:26 | Óa-khò kakī sim-su ê lâng sī gōng ê lâng; chiàu tì-hūi lâi kiâⁿ ê lâng ē tit tio̍h chín-kiù. | 註釋 串珠 康來昌 原文 典藏 |
28:27 | Chín-chè sànchhiah ê lâng bē tì-kàu khiàm-khoeh; chóng-.sī, tèⁿ-chò bô khòaⁿ-.tio̍h ê lâng ē siū chiù-chó͘. | 註釋 串珠 康來昌 原文 典藏 |
28:28 | Pháiⁿ lâng heng-khí, lâng chiū siám khì bih; in nā bia̍t-bông, gī lâng chiū ē ke-thiⁿ chin chē. | 註釋 串珠 康來昌 原文 典藏 |