章節 | 全民台語聖經全羅經文 | 註釋 |
21:1 | Ông ê sim tī Siōng-chú ê chhiú tiong, chhin-chhiūⁿ chúi-lâu chiàu I ê só͘ ài ê hong-hiòng lâu-.khì. | 註釋 串珠 康來昌 原文 典藏 |
21:2 | Lâng ê hêng-ûi kakī khòaⁿ-chò chèng-ti̍t; chóng-.sī, Siōng-chú chhek-to̍k lâng ê sim. | 註釋 串珠 康來昌 字典 原文 典藏 |
21:3 | Kiâⁿ-gī péng-kong, pí hiàn chè koh khah tit tio̍h Siōng-chú chiap-la̍p. | 註釋 串珠 康來昌 原文 典藏 |
21:4 | Ba̍k-thâu koân, sim kiau-ngō͘, í-ki̍p pháiⁿ lâng chū-ko lóng sī chōe. | 註釋 串珠 康來昌 字典 原文 典藏 |
21:5 | In-khîn kè-ōe ē tit tio̍h chhiong-sēng; sò-sèng ê lâng ē tì-kàu khiàm-khoeh. | 註釋 串珠 康來昌 原文 典藏 |
21:6 | Ēng kúi-chà ê chi̍h tit tio̍h ê chîⁿ-châi, chhin-chhiūⁿ chhe-lâi chhe-khì ê phû-hûn chin kín to̍h ē siau-sit. | 註釋 串珠 康來昌 原文 典藏 |
21:7 | Pháiⁿ lâng ê kiông-pō ē sàu-tû kakī, in-ūi in m̄-khéng kong-pêⁿ tùi-thāi lâng. | 註釋 串珠 康來昌 原文 典藏 |
21:8 | Tîm-bê chōe-ok ê lâng, i ê lō͘ oan-oan oat-oat; chóng-.sī, sûn-kiat ê lâng, i ê hêng-ûi chèng-ti̍t. | 註釋 串珠 康來昌 字典 原文 典藏 |
21:9 | Lêng-khó tòa tī chhù téng ê kak-thâu, m̄ thang kah chháu-nāu ê chabó͘ lâng chò-hóe tòa tī khui-khoah ê chhù. | 註釋 串珠 康來昌 字典 原文 典藏 |
21:10 | Pháiⁿ lâng ê sim ài lâng chò pháiⁿ, i ê ba̍k-chiu pēng bô khó-liân i ê chhù-piⁿ. | 註釋 串珠 康來昌 原文 典藏 |
21:11 | Bú-bān ê lâng ē siū hêng-hoa̍t, gōng-ti̍t ê lâng ē tit tio̍h tì-hūi; tì-hūi ê lâng siū kà-sī chiū ē tit tio̍h tì-sek. | 註釋 串珠 康來昌 原文 典藏 |
21:12 | Gī lâng chin chheng-chhó pháiⁿ lâng ê ke, chai-iáⁿ pháiⁿ lâng ē chhia-tó tì-kàu bia̍t-bô. | 註釋 串珠 康來昌 原文 典藏 |
21:13 | Kā hīⁿ-khang that khí-.lâi, m̄-thiaⁿ sànchhiah lâng teh ai-kiû ê lâng, i í-āu kiû-kiò mā bē tit tio̍h lâng thiaⁿ. | 註釋 串珠 康來昌 原文 典藏 |
21:14 | Àm-tiong sàng lé ē soah siū-khì; heng chêng ê lé-mi̍h ē soah tōa siū-khì. | 註釋 串珠 康來昌 原文 典藏 |
21:15 | Péng-kong kiâⁿ-gī, ē hō͘ hó lâng hoaⁿ-hí; tùi pháiⁿ lâng bô siáⁿ lī-ek. | 註釋 串珠 康來昌 原文 典藏 |
21:16 | Lī-khui bêng-lí ê lō͘ ê lâng, ē tòa tī im-hûn ê tiong-kan. | 註釋 串珠 康來昌 字典 原文 典藏 |
21:17 | Ài chhia-hoa ê lâng ē tì-kàu sànchhiah; hò͘ⁿ-chiú kah iû ê lâng bē tàng hó-gia̍h. | 註釋 串珠 康來昌 字典 原文 典藏 |
21:18 | Pháiⁿ lâng chò gī lâng sio̍k-hôe ê kè-chîⁿ; kan-chà ê lâng chò chèng-ti̍t lâng ê thè-sin. | 註釋 串珠 康來昌 原文 典藏 |
21:19 | Lêng-khó tòa tī khòng-iá, mā m̄ thang kah chháu-nāu ài oan-ke ê chabó͘ lâng chò-hóe tòa. | 註釋 串珠 康來昌 原文 典藏 |
21:20 | Tì-hūi ê lâng chhù lāi ū kùi-khì ê pó-bu̍t kah iû; gōng lâng chin kín to̍h sńg liáu-liáu. | 註釋 串珠 康來昌 字典 原文 典藏 |
21:21 | Cháu-chhōe kong-gī kah jîn-chû ê lâng, ē chhōe tio̍h oa̍h-miā, kong-gī kah êng-iāu. | 註釋 串珠 康來昌 原文 典藏 |
21:22 | Tì-hūi ê lâng ē-tàng peh-chiūⁿ ióng-sū ê siâⁿ, húi-bia̍t i só͘ óa-khò ê siâⁿ-pó. | 註釋 串珠 康來昌 原文 典藏 |
21:23 | Iok-sok kakī ê chhùi kah chi̍h ê lâng, ē pó-siú i ê sîn-hûn bián siū chai-hāi. | 註釋 串珠 康來昌 原文 典藏 |
21:24 | Kiau-ngō͘ chū-ko ê lâng miâ kiò-chò bú-bān, i chò tāichì chhiong-kông. | 註釋 串珠 康來昌 原文 典藏 |
21:25 | Pîn-tōaⁿ ê lâng ē tùi tham-io̍k lâi sí, in-ūi i ê chhiú m̄-khéng chò-kang. | 註釋 串珠 康來昌 原文 典藏 |
21:26 | Ū lâng kui ji̍t tham-io̍k put ti-chiok; m̄ koh, gī lâng khóng-khài si-sià lóng bē tàng-sng. | 註釋 串珠 康來昌 原文 典藏 |
21:27 | Pháiⁿ lâng ê chè-hiàn sī khó-ò͘ⁿ ê; hô-hòng sī i chûn pháiⁿ-ì lâi hiàn? | 註釋 串珠 康來昌 原文 典藏 |
21:28 | Lām-sám chò-chèng ê lâng ē bia̍t-bông; to̍k-to̍k chhin-hīⁿ thiaⁿ tio̍h lâi kiàn-chèng ê lâng, bô lâng ē-tàng kā i piān-tó. | 註釋 串珠 康來昌 原文 典藏 |
21:29 | Pháiⁿ lâng bīn-phôe kāu; m̄ koh, chèng-ti̍t lâng kín-sīn i ê kiâⁿ-ta̍h. | 註釋 串珠 康來昌 字典 原文 典藏 |
21:30 | Lâng bô hit khoán tì-hūi, chhong-bêng, kè-ōe, thang tí-te̍k Siōng-chú. | 註釋 串珠 康來昌 原文 典藏 |
21:31 | Bé sī ūi tio̍h kau-chiàn ê ji̍t lâi chún-pī; chóng-.sī, tek-sèng sī tùi Siōng-chú lâi. | 註釋 串珠 康來昌 字典 原文 典藏 |