| 章節 | 全民台語聖經全羅經文 | 註釋 |
| 16:1 | Sim ê kè-bô͘ chāi tī lâng, chi̍h ê ìn-tap sī tùi Siōng-chú lâi. | 註釋 串珠 康來昌 原文 典藏 |
| 16:2 | Lâng khòaⁿ kakī ê só͘ chò lóng sī chheng-khì, to̍k-to̍k Siōng-chú teh chhek-to̍k lâng ê sim. | 註釋 串珠 康來昌 字典 原文 典藏 |
| 16:3 | Lí só͘ chò ê tāichì lóng tio̍h kau-thok Siōng-chú; lí ê kè-ōe chiū ē ún-tàng. | 註釋 串珠 康來昌 原文 典藏 |
| 16:4 | Siōng-chú só͘ chō ê lóng ha̍h I ê lō͘-ēng; liân pháiⁿ lâng mā sī ūi tio̍h chai-hō ê ji̍t lâi chûn-chāi. | 註釋 串珠 康來昌 原文 典藏 |
| 16:5 | Sim kiau-ngō͘ ê lâng sī Siōng-chú só͘ thó-ià; sûi-jiân chhiú khan chhiú mā bē bián siū hêng-hoa̍t. | 註釋 串珠 康來昌 原文 典藏 |
| 16:6 | Tùi liân-bín kah sêng-si̍t, chōe-kò tit tio̍h sio̍k-hôe;tùi kèng-ùi Siōng-chú, lâng chiū thang lī-khui pháiⁿ tāi. | 註釋 串珠 康來昌 原文 典藏 |
| 16:7 | Lâng ê só͘ kiâⁿ nā hō͘ Siōng-chú hoaⁿ-hí, Siōng-chú mā ē hō͘ in kah tùi-te̍k hô. | 註釋 串珠 康來昌 字典 原文 典藏 |
| 16:8 | Ū chin chē chîⁿ ā put-gī, put-jû chîⁿ chió ū kong-gī. | 註釋 串珠 康來昌 原文 典藏 |
| 16:9 | Lâng ê sim kè-ōe i ê lō͘, to̍k-to̍k sī Siōng-chú teh tiāⁿ tio̍h i ê kha-pō͘. | 註釋 串珠 康來昌 字典 原文 典藏 |
| 16:10 | Ông ê chhùi lāi nā ū Siōng-tè ê ōe, sím-phòaⁿ ê sî, i ê chhùi chiū bē ū chha-chhò. | 註釋 串珠 康來昌 原文 典藏 |
| 16:11 | Kong-tō ê thian-phêng kah chhìn lóng sio̍k Siōng-chú, tē-á lāi só͘-ū ê chhìn-thûi lóng sī I só͘ tiāⁿ tio̍h. | 註釋 串珠 康來昌 字典 原文 典藏 |
| 16:12 | Chò pháiⁿ sī ông só͘ thó-ià, in-ūi ông-ūi sī tùi kong-gī lâi kian-kò͘. | 註釋 串珠 康來昌 字典 原文 典藏 |
| 16:13 | Kong-gī ê chhùi-tûn sī ông só͘ hoaⁿ-hí, kóng-ōe chèng-ti̍t ê lâng sī ông só͘ thiàⁿ. | 註釋 串珠 康來昌 原文 典藏 |
| 16:14 | Ông ê tōa siū-khì chhin-chhiūⁿ sí-bông ê sù-chiá, to̍k-to̍k tì-hūi ê lâng ē hō͘ i soah. | 註釋 串珠 康來昌 原文 典藏 |
| 16:15 | Ông bīn-sek ê kng hō͘ lâng ū oa̍h-miā; ông ê un-tián chhin-chhiūⁿ chhun-hō͘ ê hûn. | 註釋 串珠 康來昌 原文 典藏 |
| 16:16 | Tit tio̍h tì-hūi pí tit tio̍h kim ke chin hó; tit tio̍h chhong-bêng pí tit tio̍h gîn koh khah hó. | 註釋 串珠 康來昌 字典 原文 典藏 |
| 16:17 | Chèng-ti̍t lâng ê tōa-lō͘ sī lī-khui pháiⁿ; kín-sīn siú i ê lō͘ ē pó-choân kakī ê sèⁿ-miā. | 註釋 串珠 康來昌 字典 原文 典藏 |
| 16:18 | Kiau-ngō͘ ē tì-kàu sit-pāi; chū-ko ê sim ē tì-kàu poa̍h-tó. | 註釋 串珠 康來昌 原文 典藏 |
| 16:19 | Sim khiam-pi kah sànchhiah lâng chò-hóe tòa, iâⁿ-kòe kah kiau-ngō͘ ê lâng chò-hóe pun só͘ chhiúⁿ ê mi̍h. | 註釋 串珠 康來昌 原文 典藏 |
| 16:20 | Tì-ì tī tō-lí ê lâng ē tit tio̍h lī-ek, óa-khò Siōng-chú ê lâng ū hok-khì. | 註釋 串珠 康來昌 原文 典藏 |
| 16:21 | Sim ū tì-hūi kiò-chò thong-ta̍t; hó kháu-châi ē ke-thiⁿ lâng ê ha̍k-būn. | 註釋 串珠 康來昌 原文 典藏 |
| 16:22 | Lâng ū bêng-lí chiū ū oa̍h-miā ê chúi-chôaⁿ; gōng lâng ê chek-hoa̍t to̍h-sī i kakī ê gōng. | 註釋 串珠 康來昌 原文 典藏 |
| 16:23 | Tì-hūi lâng ê sim kà-sī i ê chhùi, koh kā i ê chhùi-tûn ke-thiⁿ ha̍k-būn. | 註釋 串珠 康來昌 原文 典藏 |
| 16:24 | Oán-choán ê ōe chhin-chhiūⁿ bi̍t-pâng; ē hō͘ sim kam-tiⁿ, kut sóng-khoài. | 註釋 串珠 康來昌 原文 典藏 |
| 16:25 | Ū chi̍t tiâu lō͘ lâng khòaⁿ-chò chèng-ti̍t, kàu bóe ē chiâⁿ-chò sí-bông ê lō͘. | 註釋 串珠 康來昌 字典 原文 典藏 |
| 16:26 | Pak-tó͘ iau sī teh bián-lē kang-lâng khì chò-kang; in-ūi i ê pak-tó͘ chhui-pek i. | 註釋 串珠 康來昌 原文 典藏 |
| 16:27 | Bô lō͘-ēng ê lâng tô͘-bô͘ hāi lâng; i ê chhùi-tûn chhin-chhiūⁿ ū hóe teh sio. | 註釋 串珠 康來昌 原文 典藏 |
| 16:28 | O͘-pe̍h-kóng ê lâng sì-kè khí hun-cheng, o̍h-ōe ê lâng hō͘ chhin-bi̍t ê pêng-iú pìⁿ léng-tām. | 註釋 串珠 康來昌 原文 典藏 |
| 16:29 | Kiông-pō ê lâng ín-iú chhù-piⁿ, chhōa i kiâⁿ m̄-hó ê lō͘. | 註釋 串珠 康來昌 字典 原文 典藏 |
| 16:30 | Ba̍k-chiu pàng-kheh sī teh tô͘-bô͘ chò pháiⁿ, chhùi-tûn ha̍p óa-lâi chiū chiâⁿ hit-ê pháiⁿ tāi. | 註釋 串珠 康來昌 字典 原文 典藏 |
| 16:31 | Pe̍h thâu-mn̂g sī êng-iāu ê bián-liû, kiâⁿ gī ê lō͘ chiū ē chhōe-.tio̍h. | 註釋 串珠 康來昌 字典 原文 典藏 |
| 16:32 | Bô khoài siū-khì ê lâng iâⁿ-kòe ióng-sū, koán-hat kakī ê sim iâⁿ-kòe-khì cheng-ho̍k kui chō siâⁿ. | 註釋 串珠 康來昌 原文 典藏 |
| 16:33 | Liam-khau koat-tēng chāi tī lâng, tiāⁿ tio̍h tāichì chāi tī Siōng-chú. | 註釋 串珠 康來昌 字典 原文 典藏 |