| 章節 | 全民台語聖經全羅經文 | 註釋 |
| 12:1 | Hoaⁿ-hí siū kàu-tok ê lâng ì-ài tì-sek; oàn-hūn chek-pī ê lâng to̍h-sī chengseⁿ. | 註釋 串珠 康來昌 原文 典藏 |
| 12:2 | Hó lâng ē tit tio̍h Siōng-chú ê un-tián; Siat kúi-kè ê lâng ē hō͘ Siōng-chú tēng chōe. | 註釋 串珠 康來昌 原文 典藏 |
| 12:3 | Lâng bē tàng tùi pháiⁿ lâi kiàn-li̍p; gī lâng ê kin-pún éng bē iô-tāng. | 註釋 串珠 康來昌 原文 典藏 |
| 12:4 | Châi-tek ê chabó͘ lâng sī tiōng-hu ê bián-liû; pāi-ke ê chabó͘ lâng chhin-chhiūⁿ hō͘ tiōng-hu ê kut hiú-nōa. | 註釋 串珠 康來昌 原文 典藏 |
| 12:5 | Gī lâng ê liām-thâu sī kong-pêⁿ; pháiⁿ lâng ê kè-bô͘ sī kúi-chà. | 註釋 串珠 康來昌 原文 典藏 |
| 12:6 | Pháiⁿ lâng ê ōe sī teh tng-tán beh hāi lâng; chèng-ti̍t lâng ê chhùi ē kiù lâng. | 註釋 串珠 康來昌 原文 典藏 |
| 12:7 | Pháiⁿ lâng ē tó-hoāi kui tī bô; gī lâng ê chhù ē khiā chāi. | 註釋 串珠 康來昌 原文 典藏 |
| 12:8 | Lâng ē chiàu i ê tì-hūi tit tio̍h oló; sim-lāi o͘-pe̍h siūⁿ ê lâng ē siū biáu-sī. | 註釋 串珠 康來昌 原文 典藏 |
| 12:9 | Hō͘ lâng khòaⁿ-khin ê lâng iáu koh ū lô͘-po̍k, khah iâⁿ kakī chū-tōa bô bí-niûⁿ thang chia̍h. | 註釋 串珠 康來昌 字典 原文 典藏 |
| 12:10 | Gī lâng koan-sim i chengseⁿ ê oa̍h-miā; pháiⁿ lâng ê liân-bín mā sī chân-jím. | 註釋 串珠 康來昌 原文 典藏 |
| 12:11 | Chèng-choh chhân-hn̂g ê lâng ē ū bí-niûⁿ kàu-gia̍h; kau-pôe bô hē-lo̍h ê lâng sī bû-ti. | 註釋 串珠 康來昌 字典 原文 典藏 |
| 12:12 | Pháiⁿ lâng him-bō͘ put-gī ê lâng ê lô-bāng; gī lâng ê kin-thâu seⁿ-chhut kóe-chí. | 註釋 串珠 康來昌 原文 典藏 |
| 12:13 | Chhùi-tûn ê kòe-sit sī pháiⁿ ê lô-bāng; chí ū gī lâng ē thoat-lī hoān-lān. | 註釋 串珠 康來昌 字典 原文 典藏 |
| 12:14 | Lâng in-ūi chhùi só͘ kiat ê kóe-chí ē tit tio̍h hok-khì móa-móa; lâng chiàu i chhiú só͘ chò ê tit tio̍h pò-siúⁿ. | 註釋 串珠 康來昌 原文 典藏 |
| 12:15 | Gōng lâng khòaⁿ kakī ê lō͘ chò chèng-ti̍t; chí ū tì-hūi ê lâng thiaⁿ lâng khó͘-khǹg. | 註釋 串珠 康來昌 字典 原文 典藏 |
| 12:16 | Gōng lâng ê m̄-kam-goān ē sûi-sî hián-chhut; thong-ta̍t ê lâng ún-ba̍t kakī ê kiàn-siàu. | 註釋 串珠 康來昌 原文 典藏 |
| 12:17 | Kóng si̍t-ōe ê lâng hián-bêng kong-gī; lāmsám kiàn-chèng ê lâng hián-chhut kúi-chà. | 註釋 串珠 康來昌 原文 典藏 |
| 12:18 | Kóng-ōe sò-sèng ê lâng chhin-chhiūⁿ to teh chha̍k lâng; tì-hūi lâng ê chhùi-chi̍h ē i hó lâng. | 註釋 串珠 康來昌 字典 原文 典藏 |
| 12:19 | Sêng-si̍t ê chhùi éng-oán kian-kò͘; pe̍h-chha̍t ê chi̍h chí-put-kò tòng chi̍t-sî-á. | 註釋 串珠 康來昌 原文 典藏 |
| 12:20 | Tô͘-bô͘ pháiⁿ tāi ê lâng sim chûn kúi-chà; khǹg lâng hô-hó ê lâng ē tit tio̍h hoaⁿ-hí. | 註釋 串珠 康來昌 原文 典藏 |
| 12:21 | Gī lâng bē tú tio̍h chai-hāi; pháiⁿ lâng ē tú tio̍h chin chē chai-hō. | 註釋 串珠 康來昌 原文 典藏 |
| 12:22 | Pe̍h-chha̍t ê chhùi-tûn sī Siōng-chú só͘ thó-ià; chò tāichì sêng-si̍t ê lâng sī I só͘ hoaⁿ-hí. | 註釋 串珠 康來昌 原文 典藏 |
| 12:23 | Thong-ta̍t ê lâng am-khàm tì-sek; gōng lâng ê sim hián-chhut gû-gōng. | 註釋 串珠 康來昌 字典 原文 典藏 |
| 12:24 | In-khîn lâng ê chhiú ē chiáng-koân; pîntōaⁿ lâng ē chò lâng ê khó͘-kang. | 註釋 串珠 康來昌 原文 典藏 |
| 12:25 | Lâng ê sim nā chhau-hoân ē hō͘ i lóe-chì; chi̍t kù hó ōe ē-tàng hō͘ i hoaⁿ-hí. | 註釋 串珠 康來昌 原文 典藏 |
| 12:26 | Gī lâng ín-chhōa i ê chhù-piⁿ kiâⁿ chiàⁿ lō͘; pháiⁿ lâng ê lō͘ hō͘ lâng sit-bê. | 註釋 串珠 康來昌 字典 原文 典藏 |
| 12:27 | Pîn-tōaⁿ lâng bô piak phah-la̍h só͘ tit tio̍h ê bah; in-khîn ê lâng ē tit tio̍h pó-kùi ê châi-bu̍t. | 註釋 串珠 康來昌 原文 典藏 |
| 12:28 | Tī kong-gī ê lō͘ ū oa̍h-miā; i ê tō-lō͘ pēng bô sí-bông. | 註釋 串珠 康來昌 字典 原文 典藏 |