| 章節 | 全民台語聖經全羅經文 | 註釋 |
| 10:1 | Só͘-lô-móng ê Chim-giânSó͘-lô-móng ê Chim-giân, tì-hūi ê kiáⁿ hō͘ lāu-pē hoaⁿ-hí; gû-gōng ê kiáⁿ hō͘ lāu-bú iu-būn. | 註釋 串珠 康來昌 原文 典藏 |
| 10:2 | Put-gī ê chîⁿ-châi lóng bô lī-ek; chí ū kong-gī ē kiù lâng thoat-lī sí-bông. | 註釋 串珠 康來昌 原文 典藏 |
| 10:3 | Siōng-chú bô hō͘ gī lâng tú tio̍h iau-gō; pháiⁿ lâng só͘ him-bō͘ ê tāichì, I bô hō͘ i sêng-kong. | 註釋 串珠 康來昌 原文 典藏 |
| 10:4 | Chhiú pîntōaⁿ ê lâng ē tú tio̍h sànchhiah; chhiú kut-la̍t ê lâng ē tit tio̍h hó-gia̍h. | 註釋 串珠 康來昌 原文 典藏 |
| 10:5 | Joa̍h-thiⁿ chek-chū bí-niûⁿ ê lâng sī tì-hūi ê kiáⁿ; siu-koah ê sî ài-khùn ê lâng sī pāi-ke ê kiáⁿ. | 註釋 串珠 康來昌 原文 典藏 |
| 10:6 | Hok-khì lîm-kàu gī lâng ê thâu-khak; kiông-pō am-khàm pháiⁿ lâng ê chhùi. | 註釋 串珠 康來昌 原文 典藏 |
| 10:7 | Gī lâng ê kì-liām siū oló; pháiⁿ lâng ê miâ it-tēng sī chhàu. | 註釋 串珠 康來昌 原文 典藏 |
| 10:8 | Sim lāi ū tì-hūi ê lâng ē thiaⁿ siū bēng-lēng; chhùi kóng gōng ōe ê lâng ē sit-pāi. | 註釋 串珠 康來昌 原文 典藏 |
| 10:9 | Kiâⁿ chèng-ti̍t lō͘ ê lâng kiâⁿ-ta̍h an-ún; kiâⁿ oan-khiau lō͘ ê lâng lō͘-hiān goân-hêng. | C註釋 註釋 串珠 康來昌 字典 原文 典藏 |
| 10:10 | Sái ba̍k-bóe lâi hōe-ì ê lâng hō͘ lâng iu-būn; chhùi kóng gōng ōe ê lâng ē sit-pāi. | 註釋 串珠 康來昌 原文 典藏 |
| 10:11 | Gī lâng ê chhùi sī oa̍h-miā ê chúi-chôaⁿ; kiông-pō am-khàm pháiⁿ lâng ê chhùi. | 註釋 串珠 康來昌 原文 典藏 |
| 10:12 | Oàn-hūn ē jiá-khí sio-cheⁿ; thiàⁿ-sim ē jia-khàm só͘-ū ê kòe-sit. | 註釋 串珠 康來昌 原文 典藏 |
| 10:13 | Tī bêng-lí ê lâng chhùi lāi chhōe tio̍h tì-hūi; bû-ti ê lâng ê kha-chiah-phiaⁿ ū koái-á piān-piān. | 註釋 串珠 康來昌 字典 原文 典藏 |
| 10:14 | Tì-hūi ê lâng chek-chū kiàn-sek; gōng lâng ê chhùi ē chin kín sit-pāi. | 註釋 串珠 康來昌 原文 典藏 |
| 10:15 | Hó-gia̍h lâng ê châi-bu̍t sī i kian-kò͘ ê siâⁿ; sànchhiah lâng ê khiàm-khoeh sī i sit-pāi ê goân-in. | 註釋 串珠 康來昌 原文 典藏 |
| 10:16 | Gī lâng ê lô-khó͘ tì-sú ū oa̍h-miā; pháiⁿ lâng só͘ thàn ê tì-sú ū chōe. | 註釋 串珠 康來昌 原文 典藏 |
| 10:17 | Thiaⁿ siū khoàn-kài sī kiâⁿ tī oa̍h-miā ê lō͘; khì-sak chek-pī to̍h-sī kiâⁿ bê-lō͘. | 註釋 串珠 康來昌 字典 原文 典藏 |
| 10:18 | Am-khàm oàn-hūn ê lâng, chhùi kóng pe̍h-chha̍t; húi-pòng lâng ê lâng sī gōng lâng. | 註釋 串珠 康來昌 原文 典藏 |
| 10:19 | Kāu-ōe ê lâng bē bián ū kòe-sit; iok-sok chhùi-chi̍h ê lâng sī ū tì-hūi. | 註釋 串珠 康來昌 原文 典藏 |
| 10:20 | Gī lâng ê chi̍h chhin-chhiūⁿ bûn-gîn; pháiⁿ lâng ê sim bô siáⁿ-mi̍h kè-ta̍t. | 註釋 串珠 康來昌 字典 原文 典藏 |
| 10:21 | Gī lâng ê chhùi pôe-ióng chin chē lâng; gōng lâng in-ūi bû-ti lâi sí. | 註釋 串珠 康來昌 原文 典藏 |
| 10:22 | Siōng-chú ê sù-hok hō͘ lâng hó-gia̍h; lāi-bīn bô chham iu-būn. | 註釋 串珠 康來昌 原文 典藏 |
| 10:23 | Gû-gōng ê lâng lia̍h kiâⁿ pháiⁿ chò kún-chhiò; chóng-.sī, bêng-lí ê lâng lia̍h tì-hūi chò hoaⁿ-hí. | 註釋 串珠 康來昌 原文 典藏 |
| 10:24 | Pháiⁿ lâng só͘ kiaⁿ ê tāichì ē lîm-kàu i; gī lâng só͘ ì-ài ê tāichì ē tit tio̍h ín-chún. | 註釋 串珠 康來昌 原文 典藏 |
| 10:25 | Kông hong chi̍t ē chhoe kòe, pháiⁿ lâng kui tī bô; gī lâng sī éng-oán ê tē-ki. | 註釋 串珠 康來昌 原文 典藏 |
| 10:26 | Lâng chhe pîntōaⁿ lâng chò tāichì, ná chhin-chhiūⁿ chhùi-khí tú tio̍h chhò͘, ba̍k-chiu tú tio̍h hóe-ian. | 註釋 串珠 康來昌 字典 原文 典藏 |
| 10:27 | Kèng-ùi Siōng-tè chiū ē ke-thiⁿ ji̍t-chí; chóng-.sī, pháiⁿ lâng ê nî-hòe ē kiám-chió. | 註釋 串珠 康來昌 原文 典藏 |
| 10:28 | Gī lâng ê ǹg-bāng sī hoaⁿ-hí; pháiⁿ lâng ê him-bō͘ sī bô chhái-kang. | 註釋 串珠 康來昌 原文 典藏 |
| 10:29 | Siōng-chú ê lō͘ tùi chèng-ti̍t ê lâng lâi kóng sī siâⁿ-pó, tùi kiâⁿ pháiⁿ ê lâng lâi kóng sī húi-bia̍t. | 註釋 串珠 康來昌 字典 原文 典藏 |
| 10:30 | Gī lâng éng-oán bô î-sóa; pháiⁿ lâng bē tàng tī tē-chiūⁿ khiā-khí. | 註釋 串珠 康來昌 原文 典藏 |
| 10:31 | Gī lâng ê chhùi seⁿ-chhut tì-hūi; o͘-pe̍h-kóng ê chi̍h ē hông koah-tn̄g. | 註釋 串珠 康來昌 原文 典藏 |
| 10:32 | Gī lâng ê chhùi-tûn chai thang hō͘ lâng hoaⁿ-hí; pháiⁿ lâng ê chhùi o͘-pe̍h kóng-ōe. | C註釋 註釋 串珠 康來昌 原文 典藏 |