章節 | 全民台語聖經全羅經文 | 註釋 |
147:1 | O-ló Choân-lêng Siōng-tèLín tio̍h oló Siōng-chú! In-ūi chhiùⁿ koa oló lán ê Siōng-chú sī chin hó; oló I sī ha̍p-gî ê. | 註釋 串珠 原文 典藏 |
147:2 | Siōng-chú khí-chō Ê-lú-sa-lèm, chū-chi̍p I-su-la-el tiong siū chhian-sóa khì gōa-pang ê lâng. | 註釋 串珠 原文 典藏 |
147:3 | I i hó siong-sim ê lâng, pau-chat in ê siong. | 註釋 串珠 原文 典藏 |
147:4 | I sǹg chheⁿ-sîn ê sò͘-bo̍k, sûi lia̍p kā i hō-miâ. | 註釋 串珠 原文 典藏 |
147:5 | Lán ê Siōng-chú chì-tōa, ke̍k ū khùi-la̍t; I ê tì-hūi bû kiông-chīn. | 註釋 串珠 原文 典藏 |
147:6 | Siōng-chú hû-chhî khiam-pi ê lâng; kā pháiⁿ lâng kàng kē kàu thô͘-kha. | 註釋 串珠 原文 典藏 |
147:7 | Lín tio̍h ēng kám-siā ǹg Siōng-chú chhiùⁿ koa; tio̍h tôaⁿ khîm chhiùⁿ koa oló lán ê Siōng-chú. | 註釋 串珠 字典 原文 典藏 |
147:8 | I khí hûn jia thiⁿ, ūi tio̍h tē chún-pī hō͘-chúi, hō͘ soaⁿ hoat-chháu. | 註釋 串珠 原文 典藏 |
147:9 | I siúⁿ-sù chia̍h-mi̍h hō͘ cháu-siù kah teh háu ê o͘-a kiáⁿ. | 註釋 串珠 字典 原文 典藏 |
147:10 | I bô ì-ài bé ê la̍t tōa, I bô kah-ì lâng ê kha gâu cháu. | 註釋 串珠 字典 原文 典藏 |
147:11 | Siōng-chú sī ì-ài kèng-ùi I kah gióng-bōng I ê chû-ài ê lâng. | 註釋 串珠 原文 典藏 |
147:12 | Ê-lú-sa-lèm, lí tio̍h oló Siōng-chú! Si-óng, lí tio̍h oló lí ê Siōng-tè! | 註釋 串珠 原文 典藏 |
147:13 | In-ūi I kian-kò͘ lí ê mn̂g-chhòaⁿ, sù-hok hō͘ lí tiong-kan ê kiáⁿ-jî. | 註釋 串珠 字典 原文 典藏 |
147:14 | I hō͘ lí ê kéng lāi thài-pêng, ēng siōng hó ê be̍h hō͘ lí chia̍h pá. | 註釋 串珠 字典 原文 典藏 |
147:15 | I hoat-chhut bēng-lēng tī tē-.ni̍h; I ê ōe thoân-pò chin kín. | 註釋 串珠 原文 典藏 |
147:16 | I kàng-lo̍h seh chhin-chhiūⁿ mî-hoe, mā lo̍h-sng chhin-chhiūⁿ hóe-hu. | 註釋 串珠 原文 典藏 |
147:17 | I hiat lo̍h pha̍uh chi̍t tè chi̍t tè; I hoat-chhut kôaⁿ-chhìn léng-hong, siáⁿ lâng tí-tòng ē-tiâu? | 註釋 串珠 字典 原文 典藏 |
147:18 | I chi̍t-ē chhut lēng, chiahê chiū lóng iûⁿ-.khì; I hō͘ hong chhoe, chúi chiū lâu. | 註釋 串珠 原文 典藏 |
147:19 | I kā I ê ōe chí-sī Iâ-kop, kā I ê lu̍t-lē kah tián-chiong chí-sī I-su-la-el. | 註釋 串珠 原文 典藏 |
147:20 | I m̄ bat ánne khoán-thāi pa̍t kok; I ê tián-chiong, in lóng m̄ bat. Lín tio̍h oló Siōng-chú! | 註釋 串珠 原文 典藏 |