章節 | 全民台語聖經全羅經文 | 註釋 |
135:1 | O-ló ê Si-koaLín tio̍h oló Siōng-chú! Tiàm tī Siōng-chú ê tiān teh ho̍k-sāi ê lô͘-po̍k, lín tio̍h oló Siōng-chú ê miâ! | 註釋 串珠 原文 典藏 |
135:2 | Tiàm tī lán Siōng-chú ê tiān-īⁿ lāi ê chhe-ēng, lín tio̍h oló I! | 註釋 串珠 字典 原文 典藏 |
135:3 | Lín tio̍h oló Siōng-chú, in-ūi Siōng-chú sī hó; tio̍h chhiùⁿ koa oló I ê miâ, in-ūi che sī chin kî-biāu. | 註釋 串珠 原文 典藏 |
135:4 | In-ūi Siōng-chú kéng-soán Iâ-kop kui I kakī, kéng-soán I-su-la-el chò I kakī te̍k-pia̍t ê soán-bîn. | 註釋 串珠 原文 典藏 |
135:5 | Góa chai Siōng-chú chò tōa, mā chai lán ê Chú pôaⁿ-kòe só͘-ū ê sîn-bêng. | 註釋 串珠 原文 典藏 |
135:6 | Siōng-chú tī thiⁿ-téng, tī tē-chiūⁿ, tī hái tiong, tī só͘-ū ê chhim-ian, lóng chiàu I kakī ê chí-ì lâi kiâⁿ. | 註釋 串珠 原文 典藏 |
135:7 | I hō͘ hûn-bū tùi tē-ke̍k chhèng khí-.lâi, I ūi tio̍h hō͘ chhòng-chō sihnà, hō͘ hong tùi I ê khò͘-pâng chhoe chhut-.lâi. | 註釋 串珠 字典 原文 典藏 |
135:8 | I kā thâu-chiūⁿ seⁿ ê Ai-gi̍p lâng kah chengseⁿ lóng phah-sí. | 註釋 串珠 原文 典藏 |
135:9 | Ai-gi̍p, I tī lí ê tiong-kan kiâⁿ sîn-jiah kî-sū, lâi tùi-hù Hôa-láu kah i ê jîn-sîn. | 註釋 串珠 原文 典藏 |
135:10 | I phah-iâⁿ chin chē pang-kok, koh thâi-sí tōa koân-lêng ê ông, | 註釋 串珠 原文 典藏 |
135:11 | Chiū-sī A-mô͘-lī ông Si-hông kah Ba-siáng ông O͘-k, í-ki̍p Ka-nân ta̍k kok ê ông. | 註釋 串珠 原文 典藏 |
135:12 | I kā in ê tē hō͘ I ê chú-bîn — I-su-la-el chò sán-gia̍p. | 註釋 串珠 原文 典藏 |
135:13 | Siōng-chú ah, Lí ê miâ liû-thoân kàu éng-oán! Siōng-chú ah, Lí thang kì-liām ê miâ liû-thoân kàu bān tāi! | 註釋 串珠 原文 典藏 |
135:14 | In-ūi Siōng-chú beh thè I ê chú-bîn sin-oan, ūi tio̍h I ê lô͘-po̍k hôe-sim choán-ì. | 註釋 串珠 原文 典藏 |
135:15 | Gōa-pang ê ngó͘-siōng sī gîn ê, kim ê, sī lâng ê chhiú só͘ chō ê. | 註釋 串珠 原文 典藏 |
135:16 | In ū chhùi mā bē kóng-ōe, ū ba̍k-chiu mā khòaⁿ bē tio̍h, | 註釋 串珠 原文 典藏 |
135:17 | In ū hīⁿ-khang mā thiaⁿ bē tio̍h, ū chhùi mā bē chhoán-khùi. | 註釋 串珠 原文 典藏 |
135:18 | Goān chō in kah óa-khò in ê lâng, lóng ē kah in kāng-khoán. | 註釋 串珠 原文 典藏 |
135:19 | I-su-la-el ê chú-bîn, lín tio̍h oló Siōng-chú! A-lông ê ke, lín tio̍h oló Siōng-chú! | 註釋 串珠 原文 典藏 |
135:20 | Lē-bī ê ke, lín tio̍h oló Siōng-chú! Kèng-ùi Siōng-chú ê lâng, lín tio̍h oló Siōng-chú! | 註釋 串珠 原文 典藏 |
135:21 | Siōng-chú tòa tī Ê-lú-sa-lèm, goān I tùi Si-óng tit tio̍h oló. Lín tio̍h oló Siōng-chú! | 註釋 串珠 原文 典藏 |