章節 | 全民台語聖經全羅經文 | 註釋 |
132:1 | Siōng-chàn Sèng-tiān(Peh kiā-á ê si. )Siōng-chú ah, Ta-bi̍t siū it-chhè ê khó͘-lān, kiû Lí kì-liām i! | 註釋 串珠 字典 原文 典藏 |
132:2 | I án-chóaⁿ tùi Siōng-chú chiùchōa, tùi Iâ-kop ê tōa koân-lêng ê hē goān, | 註釋 串珠 原文 典藏 |
132:3 | kóng: Góa it-tēng bô beh ji̍p-khì góa ê chhù ê pò͘-pêⁿ, mā bô beh chiuN77 góa ê bîn-chhn̂g; | 註釋 串珠 字典 原文 典藏 |
132:4 | Góa bô iông-ín góa ê ba̍k-chiu khùn-.khì, mā bô iông-ín góa ê ba̍k-chiu phôe ha̍p-óa; | 註釋 串珠 原文 典藏 |
132:5 | It-ti̍t kàu góa ūi tio̍h Siōng-chú chhōe tio̍h só͘-chāi, ūi Iâ-kop ê tōa koân-lêng ê chhōe tio̍h tòa ê só͘-chāi. | 註釋 串珠 原文 典藏 |
132:6 | Lí khòaⁿ, goán thiaⁿ tio̍h iok-kūi tī E-hu-la̍t, goán tī chhiū-nâ ê chhân chhōe-.tio̍h. | 註釋 串珠 原文 典藏 |
132:7 | Goán beh ji̍p-khì Siōng-chú tòa ê só͘-chāi, goán beh tī I ê kha-ta̍h-í-chêng kūi-pài. | 註釋 串珠 字典 原文 典藏 |
132:8 | Siōng-chú ah, kiû Lí khí-.lâi, Lí kah Lí ū khùi-la̍t ê iok-kūi chò-hóe ji̍p-khì Lí hioh-khùn ê só͘-chāi! | 註釋 串珠 字典 原文 典藏 |
132:9 | Goān Lí ê chè-si ēng kong-gī chò saⁿ-chhēng! Goān Lí sèng ê chú-bîn chhut hoaⁿ-hí ê siaⁿ! | 註釋 串珠 原文 典藏 |
132:10 | Kiû Lí ūi tio̍h Lí ê lô͘-po̍k — Ta-bi̍t ê iân-kò͘, m̄ thang khì-sak Lí boah iû siat-li̍p ê kun-ông! | 註釋 串珠 原文 典藏 |
132:11 | Siōng-chú ēng sìn-si̍t tùi Ta-bi̍t chiùchōa, tek-khak bē kái-piàn, kóng, góa beh hō͘ lí ê kiáⁿ chē tī lí ê pó-chō. | 註釋 串珠 字典 原文 典藏 |
132:12 | Lí ê kiáⁿ-sun nā chun-siú góa ê iok kah góa só͘ kà-sī in ê hoat-tō͘, In ê kiáⁿ-sun ē éng-oán chē lí ê pó-chō. " | 註釋 串珠 原文 典藏 |
132:13 | In-ūi Siōng-chú ū kéng-soán Si-óng, chò I pún-sin tòa ê só͘-chāi, | 註釋 串珠 原文 典藏 |
132:14 | kóng: Che sī Góa éng-oán hioh-khùn ê só͘-chāi; Góa beh tòa chia, in-ūi chia sī Góa só͘ ì-ài ê. | 註釋 串珠 原文 典藏 |
132:15 | Góa beh hō͘ Si-óng bí-niûⁿ hong-sēng, Góa ē ēng chia̍h-mi̍h hō͘ i ê sànchhiah lâng kàu-gia̍h thang chia̍h. | 註釋 串珠 字典 原文 典藏 |
132:16 | Góa beh hō͘ i ê chè-si ēng kiù-un chò saⁿ-chhēng, i sèng ê chú-bîn ē chhut tōa hoaⁿ-hí ê siaⁿ! | 註釋 串珠 原文 典藏 |
132:17 | Góa beh hō͘ Ta-bi̍t ê kak tī hia chiáng-koân, koh ūi tio̍h Góa boah iû siat-li̍p ê kun-ông chún-pī kng-teng. | 註釋 串珠 字典 原文 典藏 |
132:18 | Góa beh hō͘ i ê tùi-te̍k ēng kiàn-siàu chò saⁿ-chhēng; chóng-.sī, ông ê bián-liû ē tī i ê thâu-khak téng hoat-chhut kng. | 註釋 串珠 字典 原文 典藏 |