章節 | 全民台語聖經全羅經文 | 註釋 |
116:1 | Tit-kiù O-ló Siōng-chúGóa thiàⁿ Siōng-chú, in-ūi I thiaⁿ góa ê ōe, thiaⁿ góa ê khún-kiû. | 註釋 串珠 原文 典藏 |
116:2 | I í-keng àⁿ hīⁿ-khang thiaⁿ góa, só͘-í, góa chi̍t-sì-lâng lóng beh kiû-kiò I. | 註釋 串珠 原文 典藏 |
116:3 | Sí-bông ê soh-á tîⁿ tio̍h góa, im-hú ê thòng-khó͘ khîⁿ tio̍h góa; góa ū tú tio̍h hoān-lān iu-khó͘. | 註釋 串珠 字典 原文 典藏 |
116:4 | Góa chiū kiû-kiò Siōng-chú ê miâ, kóng, Siōng-chú ah, taⁿ kiû Lí kiù góa ê sèⁿ-miā! | 註釋 串珠 原文 典藏 |
116:5 | Siōng-chú ū un-hūi, ū kong-gī; goán ê Siōng-tè ū chû-pi. | 註釋 串珠 原文 典藏 |
116:6 | Siōng-chú pó-hō͘ gōng-ti̍t ê lâng; góa kàu tī pi-bî ê tē-ūi, I chiū kiù góa. | 註釋 串珠 原文 典藏 |
116:7 | Góa ê sim-sîn, tio̍h kui tī lí an-hioh ê só͘-chāi, in-ūi Siōng-chú ēng tōa in khoán-thāi lí. | 註釋 串珠 原文 典藏 |
116:8 | In-ūi Lí kiù góa ê sèⁿ-miā bián-tit sí-bông, kiù góa ê ba̍k-chiu bián lâu ba̍k-sái, kiù góa ê kha bián poa̍h-tó. | 註釋 串珠 原文 典藏 |
116:9 | Góa beh tī Siōng-chú ê bīn-chêng, kiâⁿ tī oa̍h-lâng ê tē. | 註釋 串珠 原文 典藏 |
116:10 | Góa sûi-jiân siū ke̍k tōa ê khùn-khó͘, góa iû-goân sìn-khò Siōng-chú | 註釋 串珠 原文 典藏 |
116:11 | Góa bat tio̍h-kip kóng: Lâng lóng sī hi-ké. | 註釋 串珠 原文 典藏 |
116:12 | Siōng-chú siúⁿ-sù góa it-chhè ê tōa in, góa beh ēng siáⁿ-mi̍h pò-tap I? | 註釋 串珠 原文 典藏 |
116:13 | Góa beh phâng khí kiù-un ê poe, kiû-kiò Siōng-chú ê miâ. | 註釋 串珠 字典 原文 典藏 |
116:14 | Góa beh tī I chèng chú-bîn ê bīn-chêng, tùi Siōng-chú siā góa ê goān. | 註釋 串珠 原文 典藏 |
116:15 | Siōng-chú khòaⁿ I sèng ê chú-bîn sí-.khì, hui-siông m̄-kam. | 註釋 串珠 原文 典藏 |
116:16 | Siōng-chú ah, góa si̍t-chāi sī Lí ê lô͘-po̍k; góa sī Lí ê lô͘-po̍k, sī Lí lú-pī ê kiáⁿ. Lí í-keng kā khún-pa̍k góa ê soh-á tháu-khui. | 註釋 串珠 原文 典藏 |
116:17 | Góa beh ēng kám-siā ê chè hiàn hō͘ Lí, Koh beh kiû-kiò Siōng-chú ê miâ. | 註釋 串珠 原文 典藏 |
116:18 | Góa beh tī chèng lâng ê bīn-chêng, tùi Siōng-chú siā góa ê goān. | C註釋 註釋 串珠 原文 典藏 |
116:19 | Tī Siōng-chú sèng-tiān ê īⁿ lāi, tī Ê-lú-sa-lèm ê tiong-kan. Lín tio̍h oló Siōng-chú! | 註釋 串珠 字典 原文 典藏 |