章節 | 全民台語聖經全羅經文 | 註釋 |
109:1 | Hoān-lān Tiong ê Ai-oàn( Ta-bi̍t ê si, kau hō͘ ga̍k-koaⁿ. )Góa só͘ oló ê Siōng-tè ah, kiû Lí m̄ thang tiām-tiām, | 註釋 串珠 原文 典藏 |
109:2 | In-ūi pháiⁿ lâng ê chhùi kah kan-chà ê chhùi í-keng thí-khui lâi kong-kek góa; in ēng pe̍h-chha̍t ê chi̍h tùi góa kóng ōe. | 註釋 串珠 原文 典藏 |
109:3 | In ēng oàn-hūn ê ōe pau-ûi góa, koh bô-iân bô-kò͘ lâi kong-kek góa. | 註釋 串珠 原文 典藏 |
109:4 | Góa thiàⁿ in, in tian-tò chò góa ê tùi-te̍k, m̄ koh, góa iáu koh choan-sim ūi in kî-tó. | 註釋 串珠 原文 典藏 |
109:5 | In tùi góa ēng pháiⁿ pò hó, ēng oàn-hūn pò thiàⁿ-sim. | 註釋 串珠 原文 典藏 |
109:6 | Goān Lí phài chi̍t-ê pháiⁿ lâng kā i koán-hat, phài chi̍t-ê tùi-te̍k khiā tī i ê chiàⁿ pêng! | 註釋 串珠 原文 典藏 |
109:7 | I siū sím-phòaⁿ ê sî, goān i chhut-lâi siū tēng chōe! Goān i ê kî-tó piàn-sêng chōe-kò! | 註釋 串珠 原文 典藏 |
109:8 | Goān i it-seng ê ji̍t-chí sok-té! Goān pa̍t lâng lâi tāi-thè i ê chit ūi! | 註釋 串珠 原文 典藏 |
109:9 | Goān i ê kiáⁿ-jî piàn-chò ko͘-jî, i ê bó͘ piàn-sêng kóaⁿ-hū! | 註釋 串珠 原文 典藏 |
109:10 | Goān i ê kiáⁿ-jî sì-kè khì kiû 乞, tùi in pha-hng ê só͘-chāi chhut-lâi thó-chia̍h! | 註釋 串珠 原文 典藏 |
109:11 | Goān chè-chú ēng kè-tì kā i cheng-ho̍k it-chhè só͘-ū ê! Goān chheⁿ-hūn lâng chhiúⁿ i thoa-bôa só͘ tit tio̍h ê châi-sán! | 註釋 串珠 原文 典藏 |
109:12 | Goān bô lâng sòa-chiap si un hō͘ i! Goān bô lâng khó-liân i ê ko͘-jî! | 註釋 串珠 原文 典藏 |
109:13 | Goān i ê kiáⁿ-sun toān-choa̍t, in ê miâ-jī siū chhat-siau, bô thoân tī ē-tāi! | 註釋 串珠 原文 典藏 |
109:14 | Goān in chó͘-sian ê chōe-ok hō͘ Siōng-chú ē kì-tit! Goān i ê lāu-bú ê chōe-kò bô tit tio̍h chhat-siau! | 註釋 串珠 原文 典藏 |
109:15 | Goān hiahê chōe-ok tiāⁿtiāⁿ tī Siōng-chú ê bīn-chêng, tì-sú I kā in ê miâ tùi sè-kan siau-bia̍t! | 註釋 串珠 原文 典藏 |
109:16 | In-ūi i bô siūⁿ beh si liân-bín, hoán-tńg pek-hāi sànchhiah khùn-khó͘ ê lâng, beh hāi-sí hiahê siong-sim ê lâng. | 註釋 串珠 原文 典藏 |
109:17 | I ài chiù-chó͘, goān chiù-chó͘ lîm-kàu i; I bô ài chiok-hok, goān chiok-hok lī-khui i hn̄g-hn̄g! | 註釋 串珠 原文 典藏 |
109:18 | I ēng chiù-chó͘ chò saⁿ lâi chhēng; chiù-chó͘ chiū chhin-chhiūⁿ chúi ji̍p-khì i ê pak-tó͘ lāi, chhin-chhiūⁿ iû ji̍p-khì i ê kut-thâu. | 註釋 串珠 字典 原文 典藏 |
109:19 | Goān chit-ê chiù-chó͘ chò i chhēng tī seng-khu ê saⁿ-khò͘, chò i tiāⁿtiāⁿ teh hâ ê io-tòa! | 註釋 串珠 字典 原文 典藏 |
109:20 | Che to̍h-sī góa ê tùi-te̍k kah ēng pháiⁿ ōe kong-kek góa sîn-hûn ê lâng, tùi Siōng-chú só͘ siū ê pò-èng. | 註釋 串珠 原文 典藏 |
109:21 | Chì-koân Siōng-chú ah, kiû Lí in-ūi Lí ê miâ hó khoán-thāi; in-ūi Lí ê chû-ài chin hó, kiû Lí kā góa khan-kiù! | 註釋 串珠 原文 典藏 |
109:22 | In-ūi góa sànchhiah khùn-khó͘, góa ê lāi-sim siū-siong. | 註釋 串珠 原文 典藏 |
109:23 | Góa ê hòe-siū chhin-chhiūⁿ ji̍t-iáⁿ chiām-chiām chhiâ; góa chhin-chhiūⁿ chháu-meh hông kóaⁿ chhut-.khì. | 註釋 串珠 字典 原文 典藏 |
109:24 | Góa in-ūi kìm-chia̍h kha-thâu-u sng-nńg; góa ê bah siau-sán bô chu-jūn. | 註釋 串珠 原文 典藏 |
109:25 | Góa siū in ê húi-pòng, in khòaⁿ tio̍h góa chiū iô thâu. | 註釋 串珠 原文 典藏 |
109:26 | Siōng-chú — góa ê Siōng-tè ah, kiû Lí pang-chān góa, chiàu Lí ê chû-ài chín-kiù góa, | 註釋 串珠 原文 典藏 |
109:27 | Hō͘ in chai-iáⁿ che sī chhut tī Lí ê chhiú, sī Lí — Siōng-chú só͘ chò ê tāichì. | 註釋 串珠 原文 典藏 |
109:28 | Chhut-chāi in chiù-chó͘, kiû Lí iû-goân kā góa sù-hok; in khí-lâi kong-kek ê sî ē tú tio̍h kiàn-siàu, m̄ koh Lí ê lô͘-po̍k ē hoaⁿ-hí. | 註釋 串珠 原文 典藏 |
109:29 | Goān góa ê tùi-te̍k ēng lêng-jio̍k chò saⁿ-chhēng! Goān in ēng in ê kiàn-siàu chò phâu moa seng-khu! | 註釋 串珠 字典 原文 典藏 |
109:30 | Góa beh ēng góa ê chhùi tōa-tōa kám-siā Siōng-chú; góa beh tī kûn-chiòng ê tiong-kan oló I; | 註釋 串珠 原文 典藏 |
109:31 | In-ūi I ē khiā tī sànchhiah lâng ê chiàⁿ pêng, Beh kiù i thoat-lī phòaⁿ i sí-chōe ê lâng. | 註釋 串珠 原文 典藏 |