章節 | 全民台語聖經全羅經文 | 註釋 |
108:1 | Kiû Chō͘ ê Kî-tó( SPh 57: 7-11; 60: 5-12)( Ta-bi̍t ê si-koa. )Siōng-tè ah, góa ê sim chū-chāi; góa beh gîm-si, góa ê sim-sîn beh chhiùⁿ koa oló! | 註釋 串珠 原文 典藏 |
108:2 | Khîm kah sek, lín tio̍h cheng-sîn khí-.lâi! Góa pún-sin beh chá-chá cheng-sîn khí-.lâi! | 註釋 串珠 原文 典藏 |
108:3 | Siōng-chú ah, góa beh tī bān-bîn ê tiong-kan kám-siā Lí, tī lia̍t pang ê tiong-kan chhiùⁿ koa oló Lí! | 註釋 串珠 字典 原文 典藏 |
108:4 | In-ūi Lí ê chû-ài khah tōa kòe thiⁿ! Lí ê sìn-si̍t thong-kàu kiong-chhong! | 註釋 串珠 原文 典藏 |
108:5 | Siōng-tè ah, goān Lí koân-tōa pôaⁿ-kòe hiahê thiⁿ! Goān Lí ê êng-kng pôaⁿ-kòe choân tē! | 註釋 串珠 原文 典藏 |
108:6 | Kiû Lí thiaⁿ goán, ēng chiàⁿ chhiú lâi khan-kiù goán, thang hō͘ Lí só͘ thiàⁿ ê lâng tit-kiù. | 註釋 串珠 原文 典藏 |
108:7 | Siōng-tè í-keng kí I ê sèng-kiat lâi kóng, " Góa beh tōa hoaⁿ-hí; góa beh hun-koah Sī-khiàm, hun-phòe Su-kot ê soaⁿ-kok. | 註釋 串珠 原文 典藏 |
108:8 | Gi-lia̍t sī Góa ê, Má-ná-se mā sī Góa ê; E-hu-laim sī Góa ê thâu-khoe, Iô-tah sī Góa ê koân-pèng. | 註釋 串珠 字典 原文 典藏 |
108:9 | Mô͘-ap beh chò góa ê e̍k-phûn; góa beh hiat góa ê ê tī E-tóm lâi ióng-iú; góa beh in-ūi khah iâⁿ Hui-lī-sū lâi tōa-siaⁿ hoah. | 註釋 串珠 字典 原文 典藏 |
108:10 | Siáⁿ lâng ē chhōa góa ji̍p-khì kian-kò͘ ê siâⁿ? Siáⁿ lâng ē chhōa góa ji̍p-khì E-tóm ê tē? | 註釋 串珠 字典 原文 典藏 |
108:11 | Siōng-tè ah, Lí kám m̄-sī khì-sak goán? Siōng-tè ah, Lí bô kah goán ê kun-peng chò-hóe chhut-cheng. | 註釋 串珠 原文 典藏 |
108:12 | Kiû Lí pang-chān goán kong-kek tùi-te̍k, in-ūi lâng ê chín-kiù sī bô chhái-kang. | 註釋 串珠 原文 典藏 |
108:13 | Goán óa-khò Siōng-chú chiah ē oân-sêng tōa tāichì, in-ūi thún-ta̍h goán ê tùi-te̍k ê to̍h-sī I. | 註釋 串珠 原文 典藏 |