章節 | 全民台語聖經全羅經文 | 註釋 |
107:1 | Si-phian Tē-gō͘ Koàn(107~150 phiⁿ)O-ló Siōng-chú ê Chì-siānLín tio̍h kám-siā Siōng-chú, in-ūi I sī hó; in-ūi I ê chû-ài éng-oán chûn-chāi! | 註釋 串珠 康來昌 原文 典藏 |
107:2 | Siōng-chú só͘ kiù-sio̍k ê lâng tio̍h kóng chiahê ōe; to̍h-sī I tùi tùi-te̍k chhiú tiong só͘ kiù-sio̍k ê lâng, | 註釋 串珠 康來昌 原文 典藏 |
107:3 | Tùi ta̍k kok, tùi tang tùi sai, tùi lâm tùi-pak, só͘ chū-chi̍p óa-.lâi ê lâng lóng tio̍h ánne kóng. | 註釋 串珠 康來昌 原文 典藏 |
107:4 | In tī khòng-iá pha-hng ê lō͘ phiau-liû, chhōe bô siâⁿ thang tòa, | 註釋 串珠 康來昌 字典 原文 典藏 |
107:5 | Pak-tó͘ iau koh chhùi-ta, in ê sim-sîn hūn-.khì. | 註釋 串珠 康來昌 原文 典藏 |
107:6 | In chiū tī khó͘-lān tiong ai-kiû Siōng-chú, I chiū tùi in ê hoān-lān tiong kā in chín-kiù, | 註釋 串珠 康來昌 原文 典藏 |
107:7 | Koh chhōa in kiâⁿ ti̍t ê lō͘, hō͘ in khì-kàu thang tòa ê siâⁿ. | 註釋 串珠 康來昌 字典 原文 典藏 |
107:8 | Ūi tio̍h Siōng-chú ê chû-ài kah I tùi sè-kan lâng só͘ kiâⁿ ê kî-sū, goān lâng-lâng lóng oló I. | 註釋 串珠 康來昌 原文 典藏 |
107:9 | In-ūi I hō͘ pek-chhiat him-bō͘ ê sim tit tio̍h ti chiok, hō͘ iau-gō ê sim tit tio̍h hó-mi̍h chia̍h kàu pá. | 註釋 串珠 康來昌 原文 典藏 |
107:10 | Hiahê chē tī o͘-àm sí-ìm tiong ê lâng, siū khùn-khó͘ kah siū thih-liān khún-pa̍k ê lâng, | 註釋 串珠 康來昌 原文 典藏 |
107:11 | Sī in-ūi in pōe-ge̍k Siōng-tè ê ōe, khòaⁿ-khin Chì-koân-.ê ê chí-ì. | 註釋 串珠 康來昌 原文 典藏 |
107:12 | Só͘-í, I ēng lô-khó͘ kà-koai in ê sim; in poa̍h-tó, bô lâng hû-chō͘. | 註釋 串珠 康來昌 原文 典藏 |
107:13 | In chiū tī khó͘-lān tiong ai-kiû Siōng-chú, I chiū kái-kiù in thoat-lī hoān-lān. | 註釋 串珠 康來昌 原文 典藏 |
107:14 | I tùi o͘-àm sí-ìm tiong chhōa in chhut-.lâi, kā pa̍k in ê soh chhoah-tn̄g. | 註釋 串珠 康來昌 原文 典藏 |
107:15 | Ūi tio̍h Siōng-chú ê chû-ài kah I tùi sè-kan lâng só͘ kiâⁿ ê kî-sū, goān lâng-lâng lóng oló I; | 註釋 串珠 康來昌 原文 典藏 |
107:16 | In-ūi I phah-phòa tâng ê mn̂g, chám-tn̄g thih ê mn̂g-chhòaⁿ. | 註釋 串珠 康來昌 字典 原文 典藏 |
107:17 | Gōng lâng in-ūi in ê kòe-sit, koh in-ūi in ê chōe-ok siū khó͘-to̍k. | 註釋 串珠 康來昌 字典 原文 典藏 |
107:18 | In ê sim thó-ià ta̍k chióng ê chia̍h-mi̍h, í-keng óa-kīn sí-bông ê mn̂g. | 註釋 串珠 康來昌 原文 典藏 |
107:19 | In chiū tī khó͘-lān tiong ai-kiû Siōng-chú, I chiū kái-kiù in thoat-lī hoān-lān. | 註釋 串珠 康來昌 原文 典藏 |
107:20 | I chhut bēng-lēng kā in i hó, kiù in thoat-lī sí-bông. | 註釋 串珠 康來昌 原文 典藏 |
107:21 | Ūi tio̍h Siōng-chú ê chû-ài kah I tùi sè-kan lâng só͘ kiâⁿ ê kî-sū, goān lâng-lâng lóng oló I. | 註釋 串珠 康來昌 原文 典藏 |
107:22 | Mā goān in hiàn kám-siā ê chè, chhut hoaⁿ-hí ê siaⁿ kóng-khí I ê só͘ chò. | 註釋 串珠 康來昌 原文 典藏 |
107:23 | Chē chûn kòe hái, tī tōa hái tiong keng-êng sū-gia̍p ê lâng, | 註釋 串珠 康來昌 字典 原文 典藏 |
107:24 | In ū khòaⁿ tio̍h Siōng-chú ê só͘ chò kah I tī chhim-ian só͘ kiâⁿ ê kî-sū. | 註釋 串珠 康來昌 原文 典藏 |
107:25 | In-ūi I chi̍t ē bēng-lēng, kông hong chiū khí, hái-éng chiū giâ khí-.lâi. | 註釋 串珠 康來昌 原文 典藏 |
107:26 | In chiūⁿ-kàu kiong-chhong, lo̍h kàu hái-té; in in-ūi gûi-hiám, sîn-hûn siau-sòaⁿ. | 註釋 串珠 康來昌 原文 典藏 |
107:27 | In tian-tian tó-tó, tang-tó sai-oai, chhin-chhiūⁿ chiú-chùi ê lâng; in ê tì-hūi bô hoat-tō͘ hoat-hui chhut-.lâi. | 註釋 串珠 康來昌 原文 典藏 |
107:28 | In chiū tī khó͘-lān tiong ai-kiû Siōng-chú, I kā in tùi hoān-lān tiong chhōa chhut-.lâi. | 註釋 串珠 康來昌 原文 典藏 |
107:29 | I hō͘ kông hong tiāⁿ lo̍h-.lâi, hái-éng chiū pêng-chēng. | 註釋 串珠 康來昌 原文 典藏 |
107:30 | Hong tiāⁿ éng chēng, in chiū hoaⁿ-hí; I chiū chhōa in kàu in só͘ ài khì ê káng-kháu. | 註釋 串珠 康來昌 原文 典藏 |
107:31 | Ūi tio̍h Siōng-chú ê chû-ài kah I tùi sè-kan lâng só͘ kiâⁿ ê kî-sū, goān lâng-lâng lóng oló I. | 註釋 串珠 康來昌 原文 典藏 |
107:32 | Goān in tī jîn-bîn ê hōe tiong chun I chò koân, tī tiúⁿ-ló ê chō-ūi oló I. | 註釋 串珠 康來昌 原文 典藏 |
107:33 | I hō͘ kang-hô piàn-chò khòng-iá, hō͘ chúi-chôaⁿ piàn-chò ta-sò ê tē. | 註釋 串珠 康來昌 原文 典藏 |
107:34 | I hō͘ pûi tē piàn-chò kiâm tē, lóng sī in-ūi tòa tī hia ê lâng ê chōe. | 註釋 串珠 康來昌 原文 典藏 |
107:35 | I hō͘ khòng-iá piàn-chò thâm-khut, hō͘ ta tē piàn-chò chúi-chôaⁿ. | 註釋 串珠 康來昌 原文 典藏 |
107:36 | I hō͘ iau-gō ê lâng tòa tī hia, hō͘ in ē-tàng khí-chō thang tòa ê siâⁿ; | 註釋 串珠 康來昌 原文 典藏 |
107:37 | koh chèng-choh chhân-hn̂g, chai phû-tô, tit tio̍h só͘ chhut ê lông-sán-bu̍t. | 註釋 串珠 康來昌 字典 原文 典藏 |
107:38 | I koh siúⁿ-sù hok-khì hō͘ in, hō͘ in seⁿ-thòaⁿ chin chē, mā hō͘ in ê chengseⁿ bô kiám-chió. | 註釋 串珠 康來昌 原文 典藏 |
107:39 | In koh in-ūi pō-gio̍k, hoān-lān, iu-khó͘, jîn-kháu chiū kiám-chió koh hō͘ lâng khòaⁿ-khin. | 註釋 串珠 康來昌 原文 典藏 |
107:40 | I hō͘ kùi-cho̍k siū khòaⁿ-khin, hō͘ in phiau-liû tī pha-hng bô lō͘ ê só͘-chāi. | 註釋 串珠 康來昌 字典 原文 典藏 |
107:41 | M̄ koh, I kí-khí sànchhiah lâng, hō͘ in thoat-lī khó͘-lān, hō͘ i ê ka-cho̍k heng-ōng chhin-chhiūⁿ iûⁿ-kûn. | 註釋 串珠 康來昌 字典 原文 典藏 |
107:42 | Chèng-ti̍t ê lâng ē khòaⁿ tio̍h lâi hoaⁿ-hí; só͘-ū pháiⁿ lâng ê chhùi ē that-ba̍t. | 註釋 串珠 康來昌 原文 典藏 |
107:43 | Kiàn-nā ū tì-hūi ê lâng ē koan-sim chiahê tāichì, mā ē siàu-liām Siōng-chú ê chû-ài. | 註釋 串珠 康來昌 原文 典藏 |