章節 | 全民台語聖經全羅經文 | 註釋 |
99:1 | Siōng-chú sī Chì-koân ê ÔngSiōng-chú chò ông, lia̍t pang to̍h phi̍h-phi̍h chhoah! I chē tī ki-lō͘-peng, tē to̍h iô-tāng. | 註釋 串珠 字典 原文 典藏 |
99:2 | Siōng-chú tī Si-óng chò tōa; I pôaⁿ-kòe tī bān-bîn ê téng-bīn. | 註釋 串珠 原文 典藏 |
99:3 | In tio̍h oló Lí tōa koh thang kiaⁿ-ùi ê miâ; I sī chì-sèng! | 註釋 串珠 原文 典藏 |
99:4 | Ông ū khùi-la̍t, ì-ài kong-pêⁿ, Lí hō͘ chèng-ti̍t kian-kò͘, tī Iâ-kop kiâⁿ kong-pêⁿ kah gī-lí. | 註釋 串珠 原文 典藏 |
99:5 | Lín tio̍h chun-tiōng Siōng-chú — lán ê Siōng-tè, tī I kha-ta̍h-í ê thâu-chêng kūi-pài. I sī chì-sèng! | 註釋 串珠 字典 原文 典藏 |
99:6 | Tī I ê chè-si tiong ū Mô͘-se kah A-lông; tī kiû-kiò I ê miâ ê lâng ê tiong-kan ū Sa-mu-el. In kiû-kiò Siōng-chú, I chiū thiaⁿ in ê kî-kiû. | 註釋 串珠 原文 典藏 |
99:7 | I tī hûn-thiāu ê tiong-kan tùi in kóng ōe; in chun-siú I kiàn-chèng ê ōe kah I só͘ siúⁿ-sù hō͘ in ê lu̍t-hoat. | 註釋 串珠 字典 原文 典藏 |
99:8 | Siōng-chú — goán ê Siōng-tè ah, Lí ū kā in ìn-tap; Lí sûi-jiân chiàu in ê só͘ chò lâi kā in pò-èng, Lí iáu koh sī sià-bián in ê Siōng-tè. | 註釋 串珠 原文 典藏 |
99:9 | Lín tio̍h chun-chông Siōng-chú — lán ê Siōng-tè, tī I ê sèng-soaⁿ kūi-pài, in-ūi lán ê Siōng-tè — Siōng-chú sī chì-sèng! | 註釋 串珠 原文 典藏 |