章節 | 全民台語聖經全羅經文 | 註釋 |
90:1 | Si-phian Tē-sì Koàn(90~106 phiⁿ)Siōng-tè kah Jîn-lūi( Siōng-tè ê lô͘-po̍k — Mô͘-se ê kî-tó. ) Chú ah, Lí ta̍k sè-tāi chò goán tòa ê só͘-chāi. | 註釋 串珠 原文 典藏 |
90:2 | Chiahê soaⁿ iáu-bōe seⁿ-chhut, tē kah sè-kài Lí iáu-bōe chō-sêng, tùi éng-oán kàu éng-oán, Lí sī Siōng-tè! | 註釋 串珠 原文 典藏 |
90:3 | Lí hō͘ lâng kui thó͘, kóng: Lín sè-kan lâng, tio̍h tò tńg-lâi goân-pún ê só͘-chāi. | 註釋 串珠 原文 典藏 |
90:4 | In-ūi chāi Lí khòaⁿ, chi̍t chheng nî chhin-chhiūⁿ í-keng kòe-.khì ê cha-hng, koh chhin-chhiūⁿ àm-mê ê chi̍t keⁿ. | 註釋 串珠 原文 典藏 |
90:5 | Lí ná chhin-chhiūⁿ ēng tōa-chúi kā in lâu-.khì; in chhin-chhiūⁿ khùn chi̍t-chhéⁿ, chhin-chhiūⁿ chá-khí sî hoat chhut-.lâi ê chháu. | 註釋 串珠 原文 典藏 |
90:6 | Chháu chá-khí sî hoat-chhut-lâi bō͘-sēng, ê-hng sî siū koah chiū ta-.khì. | 註釋 串珠 原文 典藏 |
90:7 | Goán in-ūi Lí ê siū-khì chiū siau-bia̍t, koh in-ūi Lí ê hoat sèng-tē lâi kiaⁿ-hiâⁿ. | 註釋 串珠 原文 典藏 |
90:8 | Lí kā goán ê chōe-kò pâi tī Lí ê bīn-chêng, kā goán ún-ba̍t ê pháiⁿ pâi tī Lí bīn ê kng-bêng tiong. | 註釋 串珠 原文 典藏 |
90:9 | Goán ê ji̍t-chí lóng tī Lí ê tōa siū-khì tiong keng-kòe; goán ê nî-hòe kòe-liáu chhin-chhiūⁿ thó͘ chi̍t-ê khùi. | 註釋 串珠 原文 典藏 |
90:10 | Goán it-seng ê nî-ji̍t sī chhit-cha̍p hòe, nā-sī ióng-chòng thang kàu peh-cha̍p hòe; m̄ koh, kî-tiong só͘ khoa-kháu ê chí-put-kò sī lô-khó͘ kah iu-chhiû; jîn-seng chin kín kòe-.khì, goán kahná teh poe khì. | 註釋 串珠 原文 典藏 |
90:11 | Siáⁿ lâng chai Lí siū-khì ê koân-ui? Siáⁿ lâng chai Lí siū-khì thang hō͘ lâng kèng-ùi? | 註釋 串珠 原文 典藏 |
90:12 | Kiû Lí kà-sī goán, án-chóaⁿ lâi sǹg kakī ê ji̍t-chí, thang hō͘ goán ê sim tit tio̍h tì-hūi. | 註釋 串珠 原文 典藏 |
90:13 | Siōng-chú ah, tio̍h kàu tang-sî Lí chiah ē tò tńg-.lâi? Kiû Lí ūi tio̍h Lí ê lô͘-po̍k lâi hôe-sim choán-ì. | 註釋 串珠 原文 典藏 |
90:14 | Kiû Lí chá-khí sî ēng Lí ê chû-ài hō͘ goán boán-chiok, hō͘ goán chi̍t-sì-lâng hoaⁿ-hí khoài-lo̍k. | 註釋 串珠 原文 典藏 |
90:15 | Kiû Lí chiàu Lí kā goán khó͘-to̍k ê ji̍t, chiàu goán tú tio̍h hoān-lān ê nî, hō͘ goán hoaⁿ-hí khoài-lo̍k. | 註釋 串珠 原文 典藏 |
90:16 | Goān Lí ê chok-ûi tùi Lí ê lô͘-po̍k hián-hiān; goān Lí ê êng-kng tùi goán ê kiáⁿ-sun hián-bêng. | 註釋 串珠 原文 典藏 |
90:17 | Goān Chú — goán ê Siōng-tè ê bí-biāu tiàm tī goán ê téng-bīn. Goān Lí kian-kò͘ goán ê chhiú só͘ chò ê kang; goán ê chhiú só͘ chò ê kang, goān Lí kā i kian-kò͘. | 註釋 串珠 原文 典藏 |