章節 | 全民台語聖經全羅經文 | 註釋 |
88:1 | Kiû Chō͘ ê Ho͘-siaⁿ( Khó-la̍h kiáⁿ-sun ê si-koa, to̍h-sī E-chu-la̍h lâng He-mán kà-sī ê si, kau hō͘ ga̍k-koaⁿ; tiāu ēng Mô͘-ha-la̍t Le-an-no͘t. ) Siōng-chú — kiù góa ê Siōng-tè ah, góa mê-ji̍t tī Lí ê bīn-chêng kiû-kiò. | 註釋 串珠 原文 典藏 |
88:2 | Goān góa ê kî-tó ta̍t-kàu Lí ê bīn-chêng; kiû Lí àⁿ hīⁿ-khang lâi thiaⁿ góa ê kî-kiû! | 註釋 串珠 原文 典藏 |
88:3 | In-ūi góa ê sim-sîn chhiong-móa hoān-lān; góa ê sèⁿ-miā chiap-kīn im-hú. | 註釋 串珠 原文 典藏 |
88:4 | Góa sǹg sī kah lo̍h-hia̍t ê lâng kāng-khoán, chhin-chhiūⁿ lóng bô tit tio̍h pang-chān ê lâng. | 註釋 串珠 原文 典藏 |
88:5 | Góa hông hiat-ka̍k tī sí-lâng tiong-kan, chhin-chhiūⁿ siū thâi ê lâng tó tī bōng lāi. In sī Lí só͘ pàng bē kì-.tit ê lâng, tùi Lí ê chhiú keh-tn̄g. | 註釋 串珠 字典 原文 典藏 |
88:6 | Lí kā góa hē tī ke̍k chhim ê hia̍t, tī o͘-àm ê chhim-ian. | 註釋 串珠 字典 原文 典藏 |
88:7 | Lí ê siū-khì tāng-tāng teh góa; Lí ēng hái-éng kā góa khó͘-to̍k, pek-hāi. [Sè-la̍h] | 註釋 串珠 字典 原文 典藏 |
88:8 | Lí hō͘ góa ê ti-kí pêng-iú lī-khui góa hn̄g-hn̄g, Hō͘ in thó-ià góa; góa siū koaiⁿ-kìm, bē tàng chhut-.lâi. | 註釋 串珠 原文 典藏 |
88:9 | Góa ê ba̍k-chiu in-ūi iu-siong phah-pháiⁿ. Siōng-chú ah, góa ta̍k ji̍t teh kiû-kiò Lí, góa ǹg Lí gia̍h chhiú kî-tó. | 註釋 串珠 原文 典藏 |
88:10 | Lí kám ē kiâⁿ kî-sū hō͘ sí-lâng khòaⁿ? Kám kóng im-hûn iáu ē khí-lâi oló Lí? [Sè-la̍h] | 註釋 串珠 原文 典藏 |
88:11 | Sí-lâng kám ē tī bōng lāi kóng-khí Lí ê chû-ài? Kám ē tī bia̍t-bông ê tiong-kan kóng-khí Lí ê sìn-si̍t? | 註釋 串珠 原文 典藏 |
88:12 | Tī o͘-àm ê só͘-chāi, kám ū lâng ē chai Lí ê kî-sū? Tī bô kì-ek ê só͘-chāi, kám ū lâng ē chai Lí ê kong-gī? | 註釋 串珠 字典 原文 典藏 |
88:13 | Siōng-chú ah, góa ū tùi Lí kî-kiû; tī chá-khí sî, góa ê kî-tó ē thàu kàu Lí ê bīn-chêng. | 註釋 串珠 原文 典藏 |
88:14 | Siōng-chú ah, Lí ná ē khì-sak góa? Sī án-chóaⁿ am Lí ê bīn m̄-khòaⁿ góa? | 註釋 串珠 原文 典藏 |
88:15 | Góa chū siàu-liân to̍h siū khó͘, hiám-hiám-á sí-.khì; góa siū tio̍h Lí ê khióng-pò͘ chek-hoa̍t, tì-kàu sim hun-loān. | 註釋 串珠 字典 原文 典藏 |
88:16 | Lí ê tōa siū-khì pau-ûi góa; Lí ēng kiaⁿ-hiâⁿ kā góa húi-bia̍t. | 註釋 串珠 原文 典藏 |
88:17 | Chiahê khùn-jiáu chhin-chhiūⁿ tōa-chúi kui ji̍t pau-ûi góa, tùi sì-bīn lâi ûi-khùn góa. | 註釋 串珠 原文 典藏 |
88:18 | Lí kā góa ê chhin-pêng hó-iú keh-khui hn̄g-hn̄g, hō͘ góa só͘ sio-bat ê lâng ji̍p-khì tī o͘-àm ê só͘-chāi. | 註釋 串珠 原文 典藏 |