章節 | 全民台語聖經全羅經文 | 註釋 |
53:1 | Lâng ê Siâ-ok( Ta-bi̍t kà-sī ê si, kau hō͘ ga̍k-koaⁿ; tiāu sī ēng Bâ-hap-la̍h. )Gōng lâng sim-lāi siūⁿ kóng bô Siōng-tè. In sūn-chiông siâ-ok, chò khó-ò͘ⁿ ê tāichì, bô kah chi̍t-ê lâng chò hó. | 註釋 串珠 康來昌 原文 典藏 |
53:2 | Siōng-tè tùi thiⁿ àⁿ lo̍h-lâi khòaⁿ sè-kan lâng, beh khòaⁿ ū bêng-lí ê lâng, á-.sī ū cháu-chhōe Siōng-tè ê lô͘-po̍k á-bô. | 註釋 串珠 康來昌 原文 典藏 |
53:3 | In ta̍k lâng lóng kiâⁿ bê-lō͘, it-khài piàn-chò ù-òe; bô lâng chò hó, liân kah chi̍t-ê to bô. | 註釋 串珠 康來昌 原文 典藏 |
53:4 | Chò pháiⁿ ê lâng kám bē liáu-kái? In thun-chia̍h góa ê jîn-bîn chhin-chhiūⁿ teh chia̍h piáⁿ. In mā bô kiû-kiò Siōng-tè. | 註釋 串珠 康來昌 原文 典藏 |
53:5 | In tī bián kiaⁿ-hiâⁿ ê só͘-chāi tōa kiaⁿ-hiâⁿ, in-ūi Siōng-tè kā hit-ê chat iâⁿ kong-kek lí ê lâng ê kut-thâu phah-sòaⁿ. Lí hō͘ in kiàn-siàu, in-ūi Siōng-tè kā in khì-sak. | 註釋 串珠 康來昌 字典 原文 典藏 |
53:6 | Goān I-su-la-el ê chín-kiù tùi Si-óng chhut! Goān Siōng-tè kā I hiahê siū lia̍h ê chú-bîn kiù tò tńg-.lâi! Hit sî, Iâ-kop ē khoài-lo̍k, I-su-la-el ē hoaⁿ-hí. | 註釋 串珠 康來昌 原文 典藏 |