章節 | 全民台語聖經全羅經文 | 註釋 |
44:1 | Kî-kiû Pó-hō͘( Khó-la̍h kiáⁿ-sun kà-sī ê si, kau hō͘ ga̍k-koaⁿ. )Siōng-tè ah, Lí tī kó͘-chá, goán ê chó͘-sian ê sî só͘ chò ê tāichì, goán ū chhin-hīⁿ thiaⁿ-.tio̍h, goán ê chó͘-sian mā ū tùi goán kóng-khí. | 註釋 串珠 康來昌 原文 典藏 |
44:2 | Lí bat ēng Lí ê chhiú kā lia̍t pang kóaⁿ-cháu, lâi chai-pôe goán ê chó͘-sian, Lí khó͘-to̍k hiahê bîn-cho̍k lâi hō͘ goán ê chó͘-sian heng-khí. | 註釋 串珠 康來昌 原文 典藏 |
44:3 | In-ūi in m̄-sī tùi in ê to-kiàm lâi tit tio̍h thó͘-tē, mā m̄-sī in ê chhiú kiù kakī; sī Lí ê chiàⁿ chhiú, Lí ê chhiú-kut, Lí ê bīn ê kng kiù in; in-ūi Lí ì-ài in. | 註釋 串珠 康來昌 原文 典藏 |
44:4 | Siōng-tè ah, Lí sī góa ê ông; kiû Lí chhut bēng-lēng lâi chín-kiù Iâ-kop. | 註釋 串珠 康來昌 字典 原文 典藏 |
44:5 | Goán óa-khò Lí lâi phah-tó goán ê tùi-te̍k; goán óa-khò Lí ê miâ lâi thún-ta̍h hiahê kong-kek goán ê lâng. | 註釋 串珠 康來昌 原文 典藏 |
44:6 | In-ūi góa bô óa-khò góa ê kiong, góa ê to mā bē kiù góa. | 註釋 串珠 康來昌 原文 典藏 |
44:7 | To̍k-to̍k Lí bat kiù goán thoat-lī tùi-te̍k, hō͘ oàn-hūn goán ê lâng kiàn-siàu. | 註釋 串珠 康來昌 字典 原文 典藏 |
44:8 | Goán kui ji̍t in-ūi Siōng-tè lâi khoa-kháu, goán beh oló Lí ê miâ kàu éng-oán. [Sè-la̍h] | 註釋 串珠 康來昌 原文 典藏 |
44:9 | Chóng-.sī, chitmá Lí pàng-sak goán, hō͘ goán siū lêng-jio̍k; Lí bô kah goán ê kun-peng chò-hóe chhut-chiàn. | 註釋 串珠 康來昌 原文 典藏 |
44:10 | Lí hō͘ goán tī tùi-te̍k ê bīn-chêng oa̍t tńg-sin tô-cháu; chhut-chāi hiahê oàn-hūn goán ê lâng lâi chhiúⁿ-toa̍t goán. | 註釋 串珠 康來昌 原文 典藏 |
44:11 | Lí hō͘ goán chhin-chhiūⁿ iûⁿ chò lâng ê chia̍h-mi̍h, hō͘ goán sì-sòaⁿ tī lia̍t pang tiong. | 註釋 串珠 康來昌 原文 典藏 |
44:12 | Lí bô thàn chîⁿ to̍h kā Lí ê chú-bîn bē tiāu, só͘ tit tio̍h ê kè-chîⁿ kám ū ke-thiⁿ Lí ê hó-gia̍h? | 註釋 串珠 康來昌 字典 原文 典藏 |
44:13 | Lí hō͘ goán siū keh-piah kok ê lêng-jio̍k, hō͘ goán siū sì-kho͘-ûi ê lâng thí-chhiò, khau-sé. | 註釋 串珠 康來昌 原文 典藏 |
44:14 | Lí hō͘ goán tī lia̍t pang tiong chò ōe-pèⁿ, hō͘ chèng lâng tùi goán iô thâu. | 註釋 串珠 康來昌 原文 典藏 |
44:15 | Góa ê lêng-jio̍k kui ji̍t tī góa ê thâu-chêng, góa ê bīn ê kiàn-siàu jia-khàm góa, | 註釋 串珠 康來昌 原文 典藏 |
44:16 | Sī in-ūi hiahê chhoh-mē, húi-pòng ê lâng ê siaⁿ, koh in-ūi tùi-te̍k kah pò-oan ê lâng ê iân-kò͘. | 註釋 串珠 康來昌 原文 典藏 |
44:17 | Chiahê lóng lîm-kàu goán, goán bô bē kì-tit Lí, mā bô ké-iáⁿ siú Lí ê iok. | 註釋 串珠 康來昌 原文 典藏 |
44:18 | Goán ê sim bô ûi-pōe Lí; goán ê kha-pō͘ bô phian-lī Lí ê lō͘. | 註釋 串珠 康來昌 原文 典藏 |
44:19 | Lí kèng-jiân pàng goán tī iá-káu chhut-ji̍p ê só͘-chāi, ēng sí-bông ê ìm-ńg jia-khàm goán. | 註釋 串珠 康來昌 字典 原文 典藏 |
44:20 | Siat-sú goán bē kì-tit goán ê Siōng-tè ê miâ, á-.sī gia̍h chhiú lâi pài pa̍t-ê sîn-bêng, | 註釋 串珠 康來昌 字典 原文 典藏 |
44:21 | Siōng-tè kám bô kàm-chhat chit-ê tāichì? I chai lâng sim-lāi ê pì-bi̍t. | 註釋 串珠 康來昌 原文 典藏 |
44:22 | Goán in-ūi Lí ê iân-kò͘ kui ji̍t siū sat-hāi; lâng khòaⁿ goán chhin-chhiūⁿ beh hông thâi ê iûⁿ. | 註釋 串珠 康來昌 原文 典藏 |
44:23 | Chú ah, kiû Lí cheng-sîn, Lí ná ē iáu teh khùn? Kiû Lí khí-.lâi, m̄ thang éng-oán khì-sak goán! | 註釋 串珠 康來昌 字典 原文 典藏 |
44:24 | Lí ná ē am Lí ê bīn? Sī án-chóaⁿ bē kì-tit goán só͘ siū ê khó͘-lān kah ap-chè? | 註釋 串珠 康來昌 原文 典藏 |
44:25 | Goán ê sèⁿ-miā í-keng phak tī thô͘-soa hún, goán ê pak-tó͘ liân tī thô͘-kha. | 註釋 串珠 康來昌 原文 典藏 |
44:26 | Kiû Lí khí-lâi pang-chān goán! In-ūi Lí ê chû-ài lâi kiù-sio̍k goán! | 註釋 串珠 康來昌 原文 典藏 |