章節 | 全民台語聖經全羅經文 | 註釋 |
36:1 | Lâng ê siâ-ok kah Siōng-chú ê Siān-liông( Siōng-tè ê lô͘-po̍k — Ta-bi̍t ê si, kau hō͘ ga̍k-koaⁿ. )Pháiⁿ lâng ū goân chōe tī sim tiong teh chok-koài, i gán-tiong bô kiaⁿ Siōng-tè. | 註釋 串珠 康來昌 原文 典藏 |
36:2 | In-ūi tùi i lâi kóng, goân chōe sī i ê khoa-kháu, kakī siūⁿ kóng i ê chōe-ok éng-oán bē lō͘-hiān, bē siū thó-ià. | 註釋 串珠 康來昌 原文 典藏 |
36:3 | I chhùi lāi ê ōe lóng sī chōe-ok kah kan-chà; i bô koh-chài ū tì-hūi, mā bô ū hó ê hêng-ûi. | 註釋 串珠 康來昌 原文 典藏 |
36:4 | I tī bîn-chhn̂g téng iáu teh tô͘-bô͘ chōe-ok; i koat-tēng beh kiâⁿ pháiⁿ lō͘, i bô thó-ià pháiⁿ tāi. | 註釋 串珠 康來昌 原文 典藏 |
36:5 | Siōng-chú ah, Lí ê chû-ài sī tī thiⁿ-.ni̍h ; Lí ê sìn-si̍t kàu tī kiong-chhong. | 註釋 串珠 康來昌 字典 原文 典藏 |
36:6 | Lí ê gī chhin-chhiūⁿ ke̍k koân ê soaⁿ; Lí ê phòaⁿ-toàn chhin-chhiūⁿ chhim-ian. Siōng-chú ah, lâng kah chengseⁿ Lí lóng pó-hō͘. | 註釋 串珠 康來昌 原文 典藏 |
36:7 | Siōng-tè ah, Lí ê chû-ài ná ē hiah pó-pòe! Sè-kan lâng bih tī Lí si̍t-kó͘ ê tì-ìm ē bīn. | 註釋 串珠 康來昌 原文 典藏 |
36:8 | In beh tī Lí ê tiān hióng-siū hó mi̍h, tit tio̍h pá-chiok; Lí mā beh hō͘ in lim Lí khoài-lo̍k ê hô chúi. | 註釋 串珠 康來昌 原文 典藏 |
36:9 | In-ūi oa̍h-miā ê goân-thâu chāi tī Lí; Tùi Lí ê kng, goán ē khòaⁿ tio̍h kng. | 註釋 串珠 康來昌 原文 典藏 |
36:10 | Goān Lí tiāⁿtiāⁿ si chû-ài hō͘ bat Lí ê lâng; tiāⁿtiāⁿ siúⁿ-sù Lí ê kong-gī hō͘ sim-lāi chèng-ti̍t ê lâng. | 註釋 串珠 康來昌 原文 典藏 |
36:11 | M̄-thang iông-ín kiau-ngō͘ ê lâng ê kha thún-ta̍h góa, m̄ thang iông-ín hiong-ok ê lâng ê chhiú kā góa kóaⁿ-tio̍k. | 註釋 串珠 康來昌 原文 典藏 |
36:12 | Chò pháiⁿ ê lâng í-keng tó lo̍h-.khì; i hō͘ lâng chhia-tó, bē tàng koh khí-.lâi. | 註釋 串珠 康來昌 原文 典藏 |