章節 | 全民台語聖經全羅經文 | 註釋 |
10:1 | Kiû Chō͘ ê Kî-tóSiōng-chú ah, Lí ná ē khiā tī hn̄g-hn̄g ? Tī goán hoān-lān ê sî, Lí ná ē tiām-tiām m̄ chhap goán? | 註釋 串珠 康來昌 原文 典藏 |
10:2 | Pháiⁿ lâng tī kiau-ngō͘ tiong jiok khùn-khó͘ ê lâng chin kín-kip, goān in hām-lo̍h tī kakī só͘ siat ê kè-bô͘. | 註釋 串珠 康來昌 原文 典藏 |
10:3 | Pháiⁿ lâng khoa-kháu in sim-lāi ê io̍k-bōng, tham-sim ê lâng khì-sak Siōng-chú, koh kā I khin-sī bú-jio̍k. | 註釋 串珠 康來昌 原文 典藏 |
10:4 | Pháiⁿ lâng bīn tài kiau-ngō͘, kóng, I bô beh tui-kiù. I só͘ siūⁿ ê lóng lia̍h-chò bô Siōng-tè ê chûn-chāi. | 註釋 串珠 康來昌 字典 原文 典藏 |
10:5 | Pháiⁿ lâng só͘ chò ê tiāⁿtiāⁿ ún-tàng, Lí ê sím-phòaⁿ i bô khòaⁿ chāi gán-lāi; i biáu-sī só͘-ū ê tùi-te̍k. | 註釋 串珠 康來昌 字典 原文 典藏 |
10:6 | I sim-lāi siūⁿ kóng, góa it-tēng lóng bē sit-pāi, tāi-tāi lóng bē tú tio̍h chai-lān. | 註釋 串珠 康來昌 字典 原文 典藏 |
10:7 | I ê chhùi chhiong-móa chiù-mē, kan-chà, khi-ap, i ê chhùi-chi̍h ok-to̍k, hi-ké. | 註釋 串珠 康來昌 原文 典藏 |
10:8 | I tī chng lāi bâi-ho̍k ê só͘-chāi chē-.leh tng-tán, i tī ún-ba̍t ê só͘-chāi beh hāi-sí bô chōe ê lâng, i ê ba̍k-chiu thau-thau-á ti̍t-ti̍t siòng bô i-óa ê lâng. | 註釋 串珠 康來昌 原文 典藏 |
10:9 | I bâi-ho̍k tī ún-ba̍t ê só͘-chāi, chhin-chhiūⁿ sai bih tī i ê hia̍t; i bâi-ho̍k beh lia̍h sànchhiah lâng; ēng bāng kā sànchhiah lâng bāng-.leh lia̍h-.khì. | 註釋 串珠 康來昌 字典 原文 典藏 |
10:10 | I khut-sin phak-teh tng-tán, bô i-óa ê lâng chiū tó tī i ê jiáu gê ē-bīn. | 註釋 串珠 康來昌 原文 典藏 |
10:11 | I sim-lāi siūⁿ kóng, Siōng-tè bē kì-.tit, I am i ê bīn, éng-oán bô khòaⁿ-.tio̍h. | 註釋 串珠 康來昌 原文 典藏 |
10:12 | Siōng-chú ah, kiû Lí khiā khí-.lâi, Siōng-tè ah, gia̍h-khí Lí ê chhiú; m̄ thang bē kì-tit sànchhiah lâng. | 註釋 串珠 康來昌 原文 典藏 |
10:13 | Pháiⁿ lâng sim-lāi siūⁿ kóng, Lí bô beh tui-kiù. I ná ē ánne biáu-sī Siōng-tè? | 註釋 串珠 康來昌 原文 典藏 |
10:14 | Siōng-chú, Lí í-keng khòaⁿ-.tio̍h, in-ūi ok-to̍k, oàn-tò͘, Lí lóng ū teh kàm-chhat, beh ēng Lí ê chhiú lâi pò-èng. Bô i-óa ê lâng kā pún-sin kau-tài Lí; Lí it-ti̍t ū teh pang-chān ko͘-jî. | 註釋 串珠 康來昌 原文 典藏 |
10:15 | Goān Lí phah-tn̄g pháiⁿ lâng ê chhiú-kut; goān Lí thiat-té tui-kiù i ê pháiⁿ. | 註釋 串珠 康來昌 原文 典藏 |
10:16 | Siōng-chú chò ông tùi éng-oán kàu éng-oán; lia̍t pang lóng tùi i ê tē bia̍t-bông. | 註釋 串珠 康來昌 原文 典藏 |
10:17 | Siōng-chú ah, khiam-pi ê lâng ê sim-goān, Lí í-keng thiaⁿ-.tio̍h; Lí ē hō͘ in ê sim ū chún-pī, Lí ē àⁿ hīⁿ-khang lâi thiaⁿ in ê kî-kiû. | 註釋 串珠 康來昌 原文 典藏 |
10:18 | Lí ē thè ko͘-jî kah siū ap-pek ê lâng sin-oan, Hō͘ sè-kan lâng bô koh tōa-siaⁿ kā in khióng-hat. | 註釋 串珠 康來昌 原文 典藏 |