章節 | 全民台語聖經全羅經文 | 註釋 |
24:1 | Choân-lêng-.ê ná ē bô kā sî-kî siu-chông khí-.lâi? Bat I ê lâng ná ē bô khòaⁿ tio̍h I ê ji̍t? | 註釋 串珠 原文 典藏 |
24:2 | Ū lâng î-sóa tē-kài, chhiúⁿ-toa̍t kui kûn ê chengseⁿ lâi chhī. | 註釋 串珠 字典 原文 典藏 |
24:3 | In kóaⁿ ko͘-jî ê lî-á, khan kóaⁿ-hū ê gû chò tí-ah-phín. | 註釋 串珠 字典 原文 典藏 |
24:4 | In kā sànchhiah lâng chhia lī-khui lō͘; tē-chiūⁿ ê kan-khó͘ lâng chò-hóe khì bih. | 註釋 串珠 字典 原文 典藏 |
24:5 | Lí khòaⁿ, in chhin-chhiūⁿ iá-lî tī khòng-iá chhut-khì chò-kang, khîn-khîn chhōe chia̍h; khòng-iá kā in ê kiáⁿ chhut chia̍h-mi̍h. | 註釋 串珠 字典 原文 典藏 |
24:6 | Koah chhân-.ni̍h ê niû-chháu, bán pháiⁿ lâng só͘ chhun lo̍h-.lâi ê phû-tô. | 註釋 串珠 字典 原文 典藏 |
24:7 | Kui mê thǹgpaktheh bô chhēng saⁿ tó-.leh; hân-léng bô kah phōe. | 註釋 串珠 字典 原文 典藏 |
24:8 | Tī soaⁿ-.ni̍h hō͘ tōa hō͘ ak tâm; in-ūi bô jia-cha̍h chiū bih óa tī chio̍h kha. | 註釋 串珠 原文 典藏 |
24:9 | Tùi lāu-bú ê heng chêng kā ko͘-jî chhiúⁿ-.khì; koh tùi sànchhiah lâng the̍h tí-ah-phín; | 註釋 串珠 原文 典藏 |
24:10 | tì-sú lâng bô saⁿ thǹgpaktheh lâi kiâⁿ; pak-tó͘ iau-iau teh taⁿ tiū-pé. | 註釋 串珠 字典 原文 典藏 |
24:11 | In tī hiahê lâng ûi-chhiûⁿ lāi kheh iû, ta̍h chiú-khut, kakī iáu koh chhùi-ta. | 註釋 串珠 字典 原文 典藏 |
24:12 | Tī chin chē jîn-bîn ê siâⁿ lāi ū lâng ai-oàn, siū-siong ê lâng ê sim pi-ai; chóng-.sī, Siōng-tè bô kàm-chhat hit-ê put-gī. | 註釋 串珠 原文 典藏 |
24:13 | Mā ū lâng ûi-pōe kng-bêng, m̄ bat i ê lō͘, mā bô tiàm tī i ê lō͘-chiūⁿ. | 註釋 串珠 字典 原文 典藏 |
24:14 | Thâi lâng ê thiⁿ-phú-kng chiū khí-.lâi, thâi-sí kan-khó͘ ê kah sànchhiah lâng, tī àm-sî chhin-chhiūⁿ chha̍t. | 註釋 串珠 原文 典藏 |
24:15 | Kan-îm ê lâng ê ba̍k-chiu teh thèng-hāu kàu hông-hun, kóng: Bô lâng ba̍k-chiu ē khòaⁿ tio̍h góa; koh jia-khàm i ê bīn. | 註釋 串珠 原文 典藏 |
24:16 | In tī àm-sî iah chhù-khang, ji̍t-sî kakī bih, mā m̄-chai hit-ê kng. | 註釋 串珠 原文 典藏 |
24:17 | In-ūi in khòaⁿ thiⁿ-kng chá-khí chò sí-ìm, in-ūi in tī sí-ìm chin koàn-sì. | 註釋 串珠 原文 典藏 |
24:18 | I tī chúi-bīn chin khin-khoài, in ê hūn-gia̍h tī tē-chiūⁿ siū chiù-chó͘; i bô koh oa̍t tńg-lâi kiâⁿ phû-tô hn̂g ê lō͘. | 註釋 串珠 字典 原文 典藏 |
24:19 | Khòng-ōaⁿ kah sio-joa̍h siau-bia̍t seh-chúi; im-kan tùi hoān chōe ê lâng mā sī ánne. | 註釋 串珠 原文 典藏 |
24:20 | Hoâi-īn i ê thai ē bē kì-tit i; thâng chia̍h i ē lia̍h-chò sī tiⁿ; i bô koh siū kì-liām; put-gī ē chhin-chhiūⁿ chhiū-ki siū at-tn̄g. | 註釋 串珠 字典 原文 典藏 |
24:21 | I khi-hū bô hoâi-īn bô seⁿ kiáⁿ ê chabó͘ lâng; bô hó khoán-thāi kóaⁿ-hū. | 註釋 串珠 原文 典藏 |
24:22 | Siōng-tè ēng I ê koân-lêng pó-choân kiông-béng ê lâng; sûi-jiân i ê oa̍h-miā choa̍t-bāng, iáu koh ē koh khí-.lâi. | 註釋 串珠 原文 典藏 |
24:23 | I siúⁿ-sù i an-jiân, i chiū iú-só͘ óa-khò, I ê ba̍k-chiu mā khòaⁿ-kò͘ in ê lō͘. | 註釋 串珠 字典 原文 典藏 |
24:24 | In seng koân, chi̍t-sî-á chiū sí-.khì; in kàng kē hō͘ lâng siu-khioh, chhin-chhiūⁿ kûn-chiòng, koh chhin-chhiūⁿ be̍h-sūi siū koah khí-.lâi. | 註釋 串珠 字典 原文 典藏 |
24:25 | Nā m̄-sī ánne, siáⁿ lâng ē chèng-bêng góa sī pe̍h-chha̍t ê, mā hō͘ góa ê ōe kui tī khang-khang? | 註釋 串珠 原文 典藏 |