章節 | 全民台語聖經全羅經文 | 註釋 |
23:1 | Io-buh ìn kóng: | 註釋 串珠 原文 典藏 |
23:2 | Taⁿ góa ê ai-oàn sǹg-chò pōe-ge̍k; góa só͘ siū ê chek-hoa̍t pí góa ê thó͘-khùi khah tāng. | 註釋 串珠 原文 典藏 |
23:3 | Goān góa ē chai tùi án-chóaⁿ lâi cháu-chhōe Siōng-tè, hō͘ góa thang kàu I ê chō-ūi! | 註釋 串珠 字典 原文 典藏 |
23:4 | Góa ē kā àn-kiāⁿ pâi-lia̍t tī I ê bīn-chêng, góa ê chhùi ū kàu-gia̍h thang piān-bêng. | 註釋 串珠 原文 典藏 |
23:5 | Góa mā tit tio̍h chai I ìn góa ê ōe, mā bêng-pe̍k I tùi góa só͘ kóng ê ōe. | 註釋 串珠 原文 典藏 |
23:6 | I kám ē ēng tōa koân-lêng kah góa kè-kàu? Tek-khak bô ánne; I ē àⁿ-lo̍h thiaⁿ góa. | 註釋 串珠 原文 典藏 |
23:7 | Ēng chèng-ti̍t ê ōe tī hia kah I piān-lūn; ánne, góa ē éng-oán thoat-lī tùi góa ê sím-phòaⁿ. | 註釋 串珠 原文 典藏 |
23:8 | Lí khòaⁿ, góa chìn-chêng khì, I bô tī hia; góa thè-āu khì, mā bô khòaⁿ tio̍h I; | 註釋 串珠 原文 典藏 |
23:9 | tī tò pêng I teh chò tāichì, góa bô khòaⁿ tio̍h I; tī chiàⁿ pêng I bih khí-.lâi, góa mā bô khòaⁿ tio̍h I. | 註釋 串珠 原文 典藏 |
23:10 | Chóng-.sī, I chai góa só͘ kiâⁿ ê lō͘; I chhì-thàm góa liáu-āu, góa ē chhin-chhiūⁿ kòe toàn-liān ê kim. | 註釋 串珠 字典 原文 典藏 |
23:11 | Góa ê kha tòe I ê kha-pō͘; góa chip-siú I ê lō͘, mā bô phian-chhoa̍h. | 註釋 串珠 字典 原文 典藏 |
23:12 | I chhùi-tûn ê bēng-lēng góa m̄ bat ûi-pōe; góa chun-tiōng I chhùi lāi ê ōe, iâⁿ-kòe góa só͘ tio̍h ēng ê bí-niûⁿ. | 註釋 串珠 原文 典藏 |
23:13 | I ū it-tēng ê sim-chì, siáⁿ lâng ē kā I oa̍t tńg-.lâi? I ê sim só͘ ì-ài ê, chiū chiàu ánne kiâⁿ. | 註釋 串珠 原文 典藏 |
23:14 | Só͘ kā góa tiāⁿ tio̍h ê, I ē hō͘ i chiâⁿ; chit khoán ê tāichì I iáu ū chin chē. | 註釋 串珠 原文 典藏 |
23:15 | Só͘-í, góa tī I ê bīn-chêng gī-gī chhoah; góa siūⁿ tio̍h chiū kiaⁿ. | 註釋 串珠 原文 典藏 |
23:16 | In-ūi Siōng-chú hō͘ góa sit táⁿ, Choân-lêng-.ê hō͘ góa gī-gī chhoah; | 註釋 串珠 原文 典藏 |
23:17 | in-ūi góa ê kiaⁿ-hiâⁿ m̄-sī ūi tio̍h o͘-àm, mā m̄-sī in-ūi o͘-àm jia-khàm góa ê bīn. | 註釋 串珠 原文 典藏 |