章節 | 全民台語聖經全羅經文 | 註釋 |
13:1 | Keh-lī Gōa-pang-LângHit ji̍t, lâng tha̍k Mô͘-se ê chheh hō͘ jîn-bîn thiaⁿ, tú tio̍h chheh lāi ū kì kóng: Am-móng lâng kah Mô͘-ap lâng éng-oán bē tàng ji̍p-khì Siōng-tè ê hōe-bō͘. | 註釋 串珠 字典 原文 典藏 |
13:2 | In-ūi in bô ēng chia̍h-mi̍h kah chúi lâi gêng-chiap I-su-la-el lâng, tian-tò chhiàⁿ Pa-lân lâi kā in chiù-chó͘, chóng-.sī, goán ê Siōng-tè hō͘ hit-ê chiù-chó͘ piàn-chò chiok-hok. | 註釋 串珠 字典 原文 典藏 |
13:3 | In thiaⁿ tio̍h lu̍t-hoat liáu-āu, chiū tùi I-su-la-el tiong-kan hun-khui hiahê cha̍p cho̍k ê lâng. | 註釋 串珠 字典 原文 典藏 |
13:4 | Nî-hí-miah ê Kái-kekChit-ê tāichì í-chêng, koán-lí goán Siōng-tè tiān lāi ê pâng-keng ê chè-si E-lí-a-sip kah To-bi-iah kiat-bêng, | 註釋 串珠 字典 原文 典藏 |
13:5 | chiū ūi tio̍h i chún-pī chi̍t keng tōa pâng-keng; chá-chêng tī hit keng siu-chông sò͘-chè, jú-hiuⁿ, khì-kū kah chiàu lē kiong-kip Lē-bī lâng, chhiùⁿ koa ê, kò͘-mn̂g ê, ngó͘-kok, sin chiú kah iû ê cha̍p-hūn chi-it, í-ki̍p kui hō͘ chè-si kí-chè ê mi̍h. | 註釋 串珠 字典 原文 典藏 |
13:6 | Hit tong-sî, góa bô tī Ê-lú-sa-lèm; in-ūi Ba-bú-lông ông Al-ta-siá-su-ta saⁿ-cha̍p jī nî, góa oat-khì ông hia. Kòe kúi-nā ji̍t, góa tùi ông chhéng-kà. | 註釋 串珠 原文 典藏 |
13:7 | Góa lâi-kàu Ê-lú-sa-lèm chiū chai, E-lí-a-sip ūi To-bi-iah só͘ kiâⁿ ê pháiⁿ tāi, tī Siōng-tè tiān ê īⁿ lāi, ūi i chún-pī chi̍t keng pâng. | 註釋 串珠 字典 原文 典藏 |
13:8 | Góa chiū chin iu-būn, kā To-bi-iah só͘-ū ê ka-iōng khì-kū, lóng tùi pâng lāi hiat chhut-.khì. | 註釋 串珠 字典 原文 典藏 |
13:9 | Góa chhut bēng-lēng, lâng chiū chheng-khì hiahê pâng-keng; jiân-āu góa kā Siōng-tè tiān lāi ê khì-kū kah sò͘-chè, jú-hiuⁿ, koh poaⁿ ji̍p-.khì. | 註釋 串珠 字典 原文 典藏 |
13:10 | Góa mā chai Lē-bī lâng só͘ eng-kai tit tio̍h ê hūn-gia̍h bô hō͘ in, tì-sú tam-tng chit-bū ê Lē-bī lâng kah chhiùⁿ koa ê, ta̍k-ê lóng tńg-khì in ê chhân-hn̂g. | 註釋 串珠 原文 典藏 |
13:11 | Góa chiū tōa-tōa chek-pī hiahê koaⁿ-tiúⁿ, kā in kóng, " Siōng-tè ê tiān ná ē pàng hong-hùi? " Góa chiū chū-chi̍p Lē-bī lâng, hôe-ho̍k in goân-lâi ê jīm-bū. | 註釋 串珠 原文 典藏 |
13:12 | Chiū ánne, Iô-tah ê kûn-chiòng kā ngó͘-kok, sin chiú kah iû ê cha̍p-hūn chi-it, tòa-lâi ji̍p khò͘-pâng. | 註釋 串珠 字典 原文 典藏 |
13:13 | Góa siat-li̍p chè-si Si-le-mi-ah, keng-ha̍k kàu-su Cha-tok kah Lē-bī lâng Pe-tá-iah chò khò͘-pâng ê koaⁿ, koán-lí khò͘-pâng; hù-koaⁿ sī Ha-nan, Ha-nan sī Cha̍k-khul ê kiáⁿ, Cha̍k-khul sī Mat-tá-niah ê kiáⁿ; in-ūi góa khòaⁿ chit kúi-ê lâng sī chīn-tiong, in ê chit-hūn sī hun-hoat mi̍h hō͘ in ê hiaⁿ-tī. | 註釋 串珠 字典 原文 典藏 |
13:14 | Góa ê Siōng-tè ah, kiû Lí in-ūi chit-ê tāichì tio̍h kì-liām góa, m̄ thang chhat-siau góa ūi tio̍h Siōng-tè ê tiān kah kî-tiong hiahê tián-lé só͘ kiâⁿ ê hó sū. | 註釋 串珠 原文 典藏 |
13:15 | Tng hiahê ji̍t, góa tī Iô-tah khòaⁿ tio̍h lâng tī An-hioh-ji̍t ta̍h chiú-khut, poaⁿ tiū-khún, koh hō͘ lî-á chài, koh ēng chiú, phû-tô, bû-hoa-kó kah ta̍k chióng ê ka-taⁿ, tī An-hioh-ji̍t taⁿ ji̍p-khì Ê-lú-sa-lèm; góa chiū tī in bē chia̍h-mi̍h hit ji̍t, kā in chek-pī. | 註釋 串珠 字典 原文 典藏 |
13:16 | Koh ū Tu-lô lâng tiàm tī hit tiong-kan, tòa hî kah ta̍k chióng ê hòe-bu̍t, tī An-hioh-ji̍t bē hō͘ tī Ê-lú-sa-lèm ê Iô-tah lâng. | 註釋 串珠 字典 原文 典藏 |
13:17 | Góa chiū tōa-tōa chek-pī Iô-tah hiahê kùi-cho̍k, kā in kóng, " Lín ná ē kiâⁿ chit khoán pháiⁿ tāi, lâi ûi-hoān An-hioh-ji̍t ê kui-lē? | 註釋 串珠 原文 典藏 |
13:18 | Chêng lín ê chó͘-sian kám bô ánne kiâⁿ, lán ê Siōng-tè kám bô kā só͘-ū ê chai-hō lîm-kàu lán kah chit-ê siâⁿ? Taⁿ lín iáu koh hoān tio̍h An-hioh-ji̍t, hō͘ siū-khì lîm-kàu I-su-la-el koh khah siong-tiōng. " | 註釋 串珠 原文 典藏 |
13:19 | Tī An-hioh-ji̍t chêng chi̍t ji̍t hông-hun ê sî, góa chiū bēng-lēng lâng kā Ê-lú-sa-lèm siâⁿ mn̂g koaiⁿ khí-.lâi, koh bēng-lēng, An-hioh-ji̍t iáu-bōe kòe m̄ thang khui; góa phài kúi-nā-ê lô͘-po̍k koán-lí siâⁿ mn̂g, bián-tit ū lâng tī An-hioh-ji̍t taⁿ siáⁿ-mi̍h tàⁿ ji̍p-.lâi. | 註釋 串珠 字典 原文 典藏 |
13:20 | Chiū ánne, senglí lâng kah hoàn-bē ta̍k hāng hòe-bu̍t ê lâng, chi̍t-nn̄g pái tio̍h tī Ê-lú-sa-lèm ê siâⁿ gōa hioh mê. | 註釋 串珠 原文 典藏 |
13:21 | Góa chiū chek-pī in kóng, " Lín ná ē tī siâⁿ mn̂g-kháu hioh mê? Nā koh ánne, góa beh hē chhiú lia̍h lín. " Tùi chit sî í-āu, in tī An-hioh-ji̍t bô koh lâi. | 註釋 串珠 原文 典藏 |
13:22 | Góa bēng-lēng Lē-bī lâng chheng-khì kakī lâi kò͘-siú siâⁿ mn̂g, hō͘ An-hioh-ji̍t chiâⁿ-chò sèng. Góa ê Siōng-tè ah, kiû Lí in-ūi chit-ê tāichì lâi kì-liām góa, chiàu Lí ê tōa chû-pi lâi thiàⁿ-sioh góa. | 註釋 串珠 字典 原文 典藏 |
13:23 | Tng hiahê ji̍t, góa mā khòaⁿ tio̍h Iô-tah lâng chhōa A-si-to͘t, Am-móng, Mô͘-ap ê chabó͘ kiáⁿ lâi chò bó͘. | 註釋 串珠 原文 典藏 |
13:24 | In ê kiáⁿ-jî kóng-ōe, chi̍t-pòaⁿ kóng A-si-to͘t ê ōe, bē hiáu kóng Iô-tah ê ōe, só͘ kóng ê to̍h-sī chiàu ta̍k cho̍k ê khiuⁿ-kháu. | 註釋 串珠 原文 典藏 |
13:25 | Góa chiū tōa-tōa chek-pī in, mē in, kā in phah kúi-nā-ê lâng, chhoah in ê thâu-mn̂g, kà in kí Siōng-chú lâi chiùchōa kóng, " Lín m̄ thang ēng kakī ê chabó͘ kiáⁿ kè hō͘ in ê kiáⁿ, mā m̄ thang ūi lín ê kiáⁿ á-.sī lín pún-sin, lâi chhōa in ê chabó͘ kiáⁿ. " | 註釋 串珠 原文 典藏 |
13:26 | Góa kā in kóng, " I-su-la-el ông Só͘-lô-móng kám m̄-sī tī chit khoán tāichì hoān chōe? Tī chin chē kok ê tiong-kan bô chi̍t-ê ông chhin-chhiūⁿ i, koh tit tio̍h i ê Siōng-tè thiàⁿ i, Siōng-tè siat-li̍p i chò I-su-la-el choân kok ê ông; chóng-.sī, gōa-pang ê chabó͘ kiáⁿ siōng-chhiáⁿ hō͘ i hoān chōe. | 註釋 串珠 原文 典藏 |
13:27 | Án-ne, goán kám thang hō͘ lín kiâⁿ chit khoán tōa pháiⁿ, chhōa gōa-pang ê lú-chú lâi ûi-hoān lán ê Siōng-tè? " | 註釋 串珠 原文 典藏 |
13:28 | Tōa-chè-si E-lí-a-sip ê sun, Io-ho-iá-tah ê kiáⁿ, ū chi̍t-ê sī Hô-lóng lâng San-bal-lat ê kiáⁿ-sài, góa chiū kóaⁿ i lī-khui góa. | 註釋 串珠 原文 典藏 |
13:29 | Góa ê Siōng-tè ah, kiû Lí ē kì-tit in, in-ūi in òe lahsap chè-si ê chit, ûi-pōe chè-si Lē-bī lâng ê iok. | 註釋 串珠 原文 典藏 |
13:30 | Án-ne, góa kā in tû-khì it-chhè gōa-pang lâng ê khoán-sit, koh siat-li̍p chè-si kah Lē-bī lâng ê pan, kok chīn in ê chit, | 註釋 串珠 原文 典藏 |
13:31 | to̍h-sī hoat-lo̍h tiāⁿ tio̍h kî sio-chè ê chhâ, í-ki̍p khí-thâu se̍k ê lông-sán-bu̍t. Góa ê Siōng-tè ah, kiû Lí kì-liām góa, siúⁿ-sù góa hok-khì. | 註釋 串珠 原文 典藏 |