章節 | 全民台語聖經全羅經文 | 註釋 |
36:1 | Io-si-iah kah E-hoa-há-chuh( LOH 23: 30-35)Jîn-bîn kā Io-si-iah ê kiáⁿ E-hoa-há-chuh siat-li̍p chò ông, tī Ê-lú-sa-lèm sòa-chiap i ê lāu-pē. | 註釋 串珠 原文 典藏 |
36:2 | E-hoa-há-chuh chē-ūi ê sî jī-cha̍p saⁿ hòe, tī Ê-lú-sa-lèm chò ông keng-kòe saⁿ goe̍h-ji̍t. | 註釋 串珠 原文 典藏 |
36:3 | Ai-gi̍p ông tī Ê-lú-sa-lèm kā i hòe-tiāu, koh hoa̍t hit kok chìn-kòng gîn chi̍t pah tha-lan-t kah kim chi̍t tha-lan-t. | 註釋 串珠 字典 原文 典藏 |
36:4 | Ai-gi̍p ông siat-li̍p i ê a-hiaⁿ E-li-a-kim chò Iô-tah kah Ê-lú-sa-lèm ê ông, kā i ê miâ ōaⁿ-chò E-hō͘-iá-kim. Ne-ko chhōa i ê sió-tī E-hoa-há-chuh lâi-kàu Ai-gi̍p. | 註釋 串珠 原文 典藏 |
36:5 | Iô-tah ê E-hō͘-iá-kim Ông( LOH 23: 36-24: 7)E-hō͘-iá-kim chē-ūi ê sî jī-cha̍p gō͘ hòe, tī Ê-lú-sa-lèm chò ông kiōng cha̍p-it nî. I kiâⁿ Siōng-chú — i ê Siōng-tè só͘ khòaⁿ-chò pháiⁿ ê tāichì. | 註釋 串珠 原文 典藏 |
36:6 | Ba-bú-lông ông Nep-kat-ne-chal chiū lâi kā i kong-kek, ēng tâng-liān kā i pa̍k khí-.lâi, beh kā i ah-lâi Ba-bú-lông. | 註釋 串珠 字典 原文 典藏 |
36:7 | Nep-kat-ne-chal koh kā Siōng-chú tiān lāi ê khì-kū tòa kàu Ba-bú-lông, hē tī Ba-bú-lông i ê biō lāi. | 註釋 串珠 字典 原文 典藏 |
36:8 | E-hō͘-iá-kim kî-tha ê tāichì kah i só͘ kiâⁿ khó-ò͘ⁿ ê tāichì, í-ki̍p i ê put-chèng, lóng kì tī I-su-la-el kah Iô-tah lia̍t ông ê kì-lio̍k tiong. I ê kiáⁿ E-hō͘-iá-kin sòa-chiap i chò ông. | 註釋 串珠 字典 原文 典藏 |
36:9 | Iô-tah Ông E-hō͘-iá-kin( LOH 24: 8-17)E-hō͘-iá-kin chē-ūi ê sî peh hòe, tī Ê-lú-sa-lèm chò ông saⁿ goe̍h-ji̍t koh cha̍p kang, i kiâⁿ Siōng-chú só͘ khòaⁿ-chò pháiⁿ ê tāichì. | 註釋 串珠 原文 典藏 |
36:10 | Keh tńg nî, Nep-kat-ne-chal chhe lâng tòa i kah Siōng-chú tiān lāi hiahê pó-pòe ê khì-kū lâi-kàu Ba-bú-lông, chiū siat-li̍p i ê a-chek Che-ti-kiah chò Iô-tah kah Ê-lú-sa-lèm ê ông. | 註釋 串珠 原文 典藏 |
36:11 | Iô-tah Ông Che-ti-kiah( LOH 24: 18-20; ILM 52: 1-3)Che-ti-kiah chē-ūi ê sî jī-cha̍p it hòe, tī Ê-lú-sa-lèm chò ông kiōng cha̍p-it nî. | 註釋 串珠 原文 典藏 |
36:12 | I kiâⁿ Siōng-chú — i ê Siōng-tè só͘ khòaⁿ-chò pháiⁿ ê tāichì. Sian-ti I-é-lí-miah kā Siōng-chú só͘ hoan-hù ê thoân hō͘ i, tī Siōng-chú ê bīn-chêng, i iû-goân bô kakī khiam-pi. | 註釋 串珠 原文 典藏 |
36:13 | Ê-lú-sa-lèm Hām-lo̍h( LOH 25: 1-21; ILM 52: 3-11)Nep-kat-ne-chal ông bat kah i kí Siōng-tè lâi chiùchōa, chóng-.sī, i pōe-poān, ngē i ê ām-kún, kò͘-chi̍p i ê sim, m̄ kui-sūn Siōng-chú — I-su-la-el ê Siōng-tè. | 註釋 串珠 原文 典藏 |
36:14 | Jî-chhiáⁿ hiahê chè-si ê thâu-ba̍k kah jîn-bîn mā hoān tōa chōe, o̍h gōa-pang só͘-ū khó-ò͘ⁿ ê tāichì, tī Ê-lú-sa-lèm hun-pia̍t chò sèng ê tiān òe lahsap Siōng-chú. | 註釋 串珠 原文 典藏 |
36:15 | Siōng-chú — in chó͘-sian ê Siōng-tè thok I hiahê sù-chiá, chhe in khì jîn-bîn hia, sī thàu-chá to̍h khí-lâi chhe i, in-ūi I liân-bín I ê chú-bîn kah I tòa ê só͘-chāi. | 註釋 串珠 原文 典藏 |
36:16 | Chóng-.sī, in thí-chhiò Siōng-tè ê sù-chiá, biáu-sī I ê ōe, khau-sé I ê sian-ti, it-ti̍t kàu Siōng-chú tùi I ê chú-bîn tōa siū-khì, bô hoat-tō͘ thang i-tī. | 註釋 串珠 原文 典藏 |
36:17 | Só͘-í, Siōng-tè chhōa Kal-tí-ah lâng ê ông lâi kā in kong-kek, tī in sèng-só͘ ê chhù ēng to kā in ê siàu-liân lâng thâi-sí, bô liân-bín in siàu-liân ê chapo͘ teng, á-.sī chāi-sek-lí, á-.sī lāu kah pe̍h thâu-mn̂g ê. Siōng-tè kā in lóng kau tī Kal-tí-ah lâng ê ông ê chhiú. | 註釋 串珠 字典 原文 典藏 |
36:18 | I koh kā Siōng-chú ê tiān lāi ê tōa-sè khì-kū kah châi-pó, í-ki̍p ông kah hiahê siú-léng ê châi-pó, lóng tòa lâi-kàu Ba-bú-lông. | 註釋 串珠 原文 典藏 |
36:19 | In sio Siōng-tè ê chhù, thiah-húi Ê-lú-sa-lèm ê siâⁿ chhiûⁿ, ēng hóe sio hiahê kiong-tiān, húi-hoāi hiahê pó-pòe ê khì-kū. | 註釋 串珠 字典 原文 典藏 |
36:20 | Kiàn-nā thoat-lī to-kiàm ê, i kā in tòa kàu Ba-bú-lông, hō͘ in chò i kah i ê kiáⁿ-sun ê lô͘-po̍k, kàu Phel-siah kok heng-khí ûi-chí. | 註釋 串珠 字典 原文 典藏 |
36:21 | Che sī èng-giām Siōng-chú thok I-é-lí-miah só͘ kóng ê ōe: thèng-hāu thó͘-tē hióng-siū i ê an-hioh, in-ūi i pha-hng ê sî siú an-hioh, kàu móa chhit-cha̍p nî. | 註釋 串珠 原文 典藏 |
36:22 | Ko-le-si Ông Hā-lēng Iô-tah Lâng Hôe-kok(ECL 1: 1-4)Tng Phel-siah ông Ko-le-si goân nî, in-ūi beh èng-giām Siōng-chú thok I-é-lí-miah só͘ kóng ê ōe, Siōng-chú chiū kek-tōng Phel-siah ông Ko-le-si ê sim, hō͘ i soan-pò͘ tī choân kok, koh siá bēng-lēng, kóng, | 註釋 串珠 原文 典藏 |
36:23 | " Phel-siah ông Ko-le-si ánne kóng: Thiⁿ téng ê Siōng-tè — Siōng-chú kā thian-hā ê bān-kok siúⁿ-sù hō͘ góa, koh bēng-lēng góa tī Iô-tah ê Ê-lú-sa-lèm kā I khí tiān. Lín tiong-kan kiàn-nā chò I ê chú-bîn ê, thang chiūⁿ-.khì, goān Siōng-chú — i ê Siōng-tè kah i tông-chāi. " | 註釋 串珠 原文 典藏 |